Yuda 1:3 - Bibilia Buk na Ŋun nagon koti luŋu a

³ Julin kwe lo nyanyara, nan gwon kata ko pusok i wurökiŋdyö na ta i kulya ti lwökö nikaŋ nagon yi a par na. Ama nan a ryö adi nan kodyo nyoŋga ’de ’de i wurokiŋdyo na ta anyen jujukiŋdya ta i woro i juŋdyö na kulya na yuŋ yi kine, nagon Ŋun a wukin ŋutu kanyit daŋ geleŋ a ’dutet.

Yuda 1:3 ပူးပေါင်းရင်းမြစ်များ

Nemaya 13:25

A nan kekeŋdi kekeŋdya ko wotan a lömbi lepeŋat, a nan gwuddye kulye kase a roŋdi kupir kase; a nan tiŋdi lepeŋat i milyeju i karin ti Ŋun adi, Yi mo ti tiŋdu ŋwajik kaŋ i yema ko ŋwajik kase, kode tiŋdu ŋwajik kaŋ i yemba na ŋwajik kase, ma ’di yi köti ti bulö yemba se.

Yisaya 45:17

Ama Yisaraele a lwökö ko MATAT ko lwökit na yeyeŋon nyin; ta mo ti toyuö kusik kode wora a lotun i komorsikan ŋupi ŋupi.

Yisaya 45:22

Ta ŋutu logon si ’da i ’dutesi liŋ ti kak, wöripuŋdye ta köyö ni anyen ta lwölwökö! Kogwon nan a Ŋun, a lele gwe ’bayin köti.

Yeremia 9:3

Ŋedepa kase a du ’yö gwoso daŋin; ’burönö aje te ’ya i jur, ti gwon a kulya ti to ’diri; kogwon lepeŋat möröddu ŋerot i toroŋdya bia parik, a se tine den nan. Kilo a kulyaesi kwe ti MATAT.

Konesi 17:3

a nye Pakiŋdye se kulya na wurö kune, a tokurukiŋdye lepeŋat adi Masia agu ködyo ŋoŋoŋga anyen ŋiŋien i twan, kulya adi, Lo Yesu logon nan a tokukin ta lo a Masia.

Konesi 18:28

kogwon lepeŋ jambu ko riŋit, a nye te ’yi Yudayaki ko ŋutu liŋ i komor, a kwekiŋdye se adi kulya ti Ŋun na wurö kune tuggö adi Yesu a Masia.

Konesi 20:27

kogwon nan a ko ’de ’ya tukökiŋdyö ta yeyeesi liŋ ti Ŋun.

Konesi 28:28

Nyenagon dene ta den adi ŋina lwökit na Ŋun aje sunyuki ŋutu ti jurön; a se mo yiŋge yiŋga. [

Konesi 4:12

Lwökit ’bayin ko lele ŋuto kwöŋ, kogwon kunie karin ’bayin i kak ni nagon a tiki ŋutu anyen agu ködyö lwöggu yi.

Konesi 6:7

A kulyaet lo Ŋun reki rekin, a ŋutu kajujumuk ŋdine ŋdi parik Yerusalema kata, a koanejin jore parik twoji ŋina yupet.

Konesi 9:13

A Anania waddi adi, Matat, ŋutu jore aje takin nan kulya ti ŋilo ŋuto i po narok jore nagon nye a konakin ŋutu kulök Yerusalema yu kunu.

Konesi 9:22

Ama a Saula puputuru ŋerot i tokujo ko riŋit, a lepeŋ iŋge te ’ya Yudayaki lo gwon Damaseke yu kulu na kwekiŋdye nye kaŋo adi Yesu ’diri a Masia nu.

1 Korinto 15:3

Nan aje todinikin ta ŋo duma togeleŋ nagon nan aje wu na, kweja adi, Kristo a twan kogwon toronjin kaŋ gwoso na wurörikin köju nu adi lepeŋ mo tatatua,

Galatia 2:5

ama yi a ko rukokin lepeŋat i te ’ya na yi kwon ma ’di ko diŋit a na ’dit doŋdi, anyen to ’diri na Loŋe Lo ’but bönö ’depaki ta ’bura.

Galatia 3:28

Nyena ti ŋutu gwe ti jambu adi, Kulo a Yudayaki, kulo a ŋutu ti kulye juron, kulo a ’dupi, kulo a lui, kulo a ŋutu lyan kode kune a ŋutu wate; kogwon ta liŋ a mugun geleŋ ko Kristo Yesu i mugun.

Galatia 6:11

Mete ta met wuresi dumalak logon nan a wurokin ta ko konin liŋ kilo.

Epeso 1:1

Nan Paulo a luyökie lo Kristo Yesu kogwon Ŋun ’de ’dekan sona. Nan a roman ko ŋutu ti Ŋun lo gwon Epeso, logon koti a kayupok lo gwon ko Kristo Yesu i mugun kulo, adi,

Nyökit 21:9

Nyena na koŋdi ta torigwo ko MATAT i komor sona nu, a ta lala-addi toron na rima na mamaŋa kaŋo kasu kiden.

Nyökit 9:10

A MATAT aje tiŋdu nan ŋurupö murek na ’dayatak nagoŋ nye Ŋun lo wuŋö ko morinet lonyit; a kulyaesi liŋ lo jam MATAT ko ta i mere kulu i lukata na kimaŋ, i lor lo momoret lu gwe i kine ŋurupö.

Pilipoi 1:1

Nan Paulo ko Timoteo kolipo-nok ti Kristo Yesu, roman ko ŋutu ti Ŋun lo gwon Pilipoi, lo gwon ko Kristo Yesu i mugun kilo, mora ko kametak temejik se ko kaparak.

Pilipoi 1:27

Tuŋ ti gwiliŋit losu gwe a lo jujukin i Loŋe Lo ’but lo Kristo, anyen ko nan a tu i meddya na ta, kode nan ’bayin, a nan ködyö yiŋge adi ta gwogwo ’dan go ko töili geleŋ, ko yeyeet geleŋ i möröddu i pirit na geleŋ i juŋdyö na Loŋe Lo ’but lo na yupet,

Kolosai 1:2

Nan se ko Timoteo luŋaser likaŋ a roman ko ta Ŋutu ti Ŋun, logon a kayupok lo gwon ko Kristo i mugun Kolosai yu kulu, adi, Ti ’busan ko taliŋ na po ko Ŋun Baba likaŋ na gwe ko ta.

1 Tesalonike 2:2

Ta a den adi yi koju a ŋoŋga ko a konaki arabat Pilipoi yu, ama Ŋun likaŋ a tiŋdu yi töilyet iŋgo i Tamakiŋdya na ta Loŋe Lo ’but lonyit ma ’di nagon ŋutu Jore a rerenya koyi.

1 Timoteo 1:18

Timoteo ŋuro lio, kune kulya koju a keyo i kulya kunok nagon tiŋdu nan i sarakiŋdya na do i koŋdya na kine kulya. Ti kilu kulyaesi lo keyo kulu togo ’yi do. Moroni gor lo ’but

1 Timoteo 6:12

Möröni parik gor lo ’but lo yupet, ko morgi ru na yeŋ nyin. Ŋun a luŋ do i kine kulya, a do iŋge tuggö yupet na ’but parik i komor na ŋutu jore logon a met kine kulya a tokoŋ tökoŋu.

2 Timoteo 1:13

Kulyaesi logon tiŋdu ŋutu i gwon ’bura logon do a yiŋun köyo kilo, tiŋdi se konut i komŋo a miret; si ’dani i yupet ko i nyaŋu nagon a kaŋ ko Kristo Yesu i mugun kine.

Tito 1:4

Nan a roman ko do Tito ŋuro lio ’diri I yupet nagon yi papar na adi, Ti ’busan ko taliŋ na po ko Ŋun Monye na po ko Kristo Yesu Kalwokonit likaŋ na gwe ko do.

Ebere 13:22

Luŋasirik, nan boŋo mo ’yu ta, ŋoŋgi ta kulyaesi jujuwesi logon nan a wurökin ta ku ’dik kilo.

Ebere 6:9

Ama ma ’di yi a jambu sona pon julin kwe lo nyanyara, yi a kurun kulya kasu a na ’but lwölwöŋ kune, kweja adi kine kulya mo tiŋdu ta i lwökö.

1 Petero 5:12

Nan a wurökin ta ŋina leta na ’dit ko paret na Siliwano logon a luŋaser lo yubbö logon nan yiyinikin i kita lo. Nan wurokiŋöyti ta anyen togo ’yu ta ko anyen tokurukiŋdyö adi kine ŋo liŋ ’diri a ’busan na nyaŋu gwak na Ŋun. Gwo ’de ta go i na ’busan.

2 Petero 1:1

Nan Simona Petero koliponit ko a luyökie lo Yesu Kristo, roman ko ta logon ko yupet nagon a ’bulit gwoso nikap na. Ŋina yupet Ŋina likaŋ Kalwokonit Yesu Kristo lo tiŋdu yi liŋ kogwon lepeŋ a lo rigwo.

2 Petero 2:21

Kodyö a na ’but kase ko se kwoŋ a ko den kiko lo löti lo rigwo, lwölwöŋ nagon se aje den lo kiko i ko ’yu na saresi loke logon aje tiki se kulo a kukutorö bot.

Yuda 1:1

Nan Yuda koliponit lo Yesu Kristo ko a luŋaser Yakobo, nan roman ko nutu logon a luŋu logon Ŋun Monye nyanyar kilo ko a gaju se ko Yesu Kristo i mugun.

Yuda 1:17

Ama ta julin kwe lo nyanyara, ta agu kodyo yeye ŋo nagon luyökie ti Matat likaŋ Yesu Kristo koju a jam kune.

Yuda 1:20

Ama ta julin kwe lo nyanyara, gweyuŋdye ta ’borik ki i pipilet na yupet nasu nake parik; momo ’yi ta i riŋit na Mulokotyo Loke.

Kweyatti 12:11

A se iŋge te ’ya lepeŋ kogwon rima ti ŋilo Kilolor se ko kulyaet lonyit logon se a tökoŋu adi a gwak lo; kogwon se a ko yeye ru nase, ma ’di ko kodyo ŋo a twan.

Kweyatti 2:10

Ti do gwe ti kujono ŋo nagon do de ŋogoŋ kine. Mete, kaŋöönit de gugubakin kulye kasu i kadi rereket, anyen ta tetema, a ta mo sasanyani ko perok puök. Ŋoŋgi go tojo ko twan, a nan mo tiŋdi do Iŋguya telet logon a ru.