Yuda 1:25 - Bibilia Buk na Ŋun nagon koti luŋu a

²⁵ Ti bulet, ko tomoran, ko saret, ko kido, gwe ko lepeŋ kogwon kulya ti Yesu Kristo Matat likaŋ, suluja a kokwe i diŋitan liŋ, ko i na diŋit, se ko i diŋit na popo ŋupi ŋupi. Amin.

Yuda 1:25 ပူးပေါင်းရင်းမြစ်များ

1 Dekat 29:11

Todumalan a inot pon MATAT, ko riŋit, ko minyo, ko te ’ya, se ko tomoran; kogwon ŋo liŋ na gwon ki ko kak a kunök; tumatyan a inot pon MATAT, a do aje bula a kwe na ŋo liŋ.

Saumajin 104:24

Pon MATAT, kitajin kunök jore mukunen! Do aje gweja se liŋ ko koŋon, kak a jore ko ŋo nagon do a gweja kune.

Saumajin 147:5

MATAT likaŋ a duma, ko riŋit nanyit a duma parik; denesi kanyit ’bak temet.

Saumajin 78:20

Meddi, nye a gwut lurutat, a pioŋ iŋge wuun kaŋo, a luruki iŋge barandu. Nye ŋona bubulö tindu ambata köti? Nye ŋona tikindya ŋutu kanyit lokore?

Yisaya 12:2

Mete, Ŋun a kalwökönit liŋ; nan yinikin mugun ko lepeŋ, a nan tine kujönö; kogwon MATAT Ŋun a riŋit nio ko a köli liŋ, iŋkoi, nye a wora a kalwökönit liŋ.

Yisaya 45:21

Tuŋge ta, ko kwekiŋdye ta kulya kasu; iŋkoi, ga ’yi ta i pirit na geleŋ! Ŋa logon a kwekiŋdya kine kulya köju nu, kode a tuggö se ’beron? Ti gwon a nan MATAT le? a lele ŋun gwe ’bayin ama tuŋ a nan, nan a Ŋun lo rigwo ko a kalwökönit; lele ’bayin ama tuŋ a nan.

Daniele 4:37

Nyena nan Nebukadanesar a puŋa ko a yuöggu ko a bu ’ya Mor lo ki, kogwon konesi kanyit liŋ gwon rigwo, kikolin kanyit a gwak; a lepeŋ gwe ko riŋit i tokoyogga na ka ’du ’du-ŋak.

Matayo 6:13

An do ko tikin yi i tema, ama lwöki yi i ŋilo loron.

Luka 1:47

toili liŋ lyolyoŋi ko Ŋun Kalwokonit liŋ,

Yoane 4:22

Ta ŋutu ti Samaria ti den ko ta kwakwaddu ŋa; ama yi kwakwaddu nye logon yi deden lo, kogwon lwökit piŋiluŋdya ko Yudayaki.

Yoane 5:44

Ta bubulo yubbo ada ta logon totobu ko ’borik kilo, ama a tine ga ’yu bulet nagon po ko Ŋun lo geleŋ?

Roma 11:33

Wö, tukwörien na Ŋun, ko koŋon nanyit se ko deŋdya nanyit na kulya a nagululök ’bak ’dutet! Wö, ŋuto a ŋa logon bubulö tokoŋu ’duŋgö nanyit na putet? Ŋuto a ŋa logon bubulö ryeju kikolin lo tiri nye kulo?

Roma 11:36

Kogwon lepeŋ lo gweja ŋo liŋ, ŋo liŋ yeŋon kogwon lepeŋ, köti ŋo liŋ tiriku lepeŋ. Ti bulet gwe ko lepeŋ ŋupi ŋupi. Amin.

Roma 16:27

Ŋun geleŋ logon a lokoŋ lo, ti bulet gwe ko lepeŋ kogwon Yesu Kristo ŋupi ŋupi! Amin.

Epeso 1:8

nagon lepeŋ a tikin yi abur na! Lepeŋ a tiŋdu yi konon liŋ se ko kuruŋdyo na kulya,

Epeso 3:10

anyen soŋinana kasarak se ko riŋitön ti ki i kak nagon ti meta na boŋo deŋdya i kanisa koŋon na ŋun nagon ko kikoliŋ ka ’de ka ’de.

Epeso 3:21

Ti nye bulani bula ko kanisa ko Kristo Yesu i mugun i nyakwariat liŋ ŋupi ŋupi. Amin.

1 Timoteo 1:17

Nyena ti Mor lo yeŋ nyin logon ti twan, logon ti bulö meta, Ŋun lo geleŋ, ti nye gotani ko bulani ŋupi ŋupi! Amin.

1 Timoteo 2:3

A na ’but i koŋdya sona anyen tulyoŋgu Ŋun Kalwokonit likaŋ;

Tito 2:10

kode ’dumaddu kunie ŋo na ’di ’dik a Iwon. Kölumbö se ködyö kwekiŋdya ’börik a lo ’but lo yiyiniki i ŋo liŋ, anyen se tokweleŋdu todinet na Ŋun Kalwokönit likaŋ i ŋo liŋ.

Tito 2:13

na mömöŋdi yi lyöŋit logon yi yeyen lo, kweja adi a diŋit nagon ŋun duma Kalwokönit likaŋ logon a Yesu Kristo lo mo pupukun ko minyo.

Tito 3:4

Ama na pukuŋdye ’busan se ko nyaŋu na Ŋun Kalwokonit likaŋ nu,

Ebere 13:8

Yesu Kristo gwon jojo kaje ko i lo lor ko ŋupi ŋupi.

1 Petero 4:11

Ko lele nuto totokujö ti nye tokuje kulyaesi gwoso lo lupe ko Ŋun i kutuk; ko lele ŋuto kikitakiŋdya, ti nye kitani i riŋit nagon po ko Ŋun, anyen Ŋun pupura i ŋo liŋ kogwon Yesu Kristo. Ti bulet ko riŋit gwe ko lepeŋ ŋupi ŋupi. Amin.

2 Petero 1:1

Nan Simona Petero koliponit ko a luyökie lo Yesu Kristo, roman ko ta logon ko yupet nagon a ’bulit gwoso nikap na. Ŋina yupet Ŋina likaŋ Kalwokonit Yesu Kristo lo tiŋdu yi liŋ kogwon lepeŋ a lo rigwo.

2 Petero 3:18

Ama yeŋe ta i ’duŋo i ’busan na nyaŋu ko i deŋdya na Matat likaŋ Kalwokonit Yesu Kristo. Ti bulet gwe ko lepeŋ soŋinana ko ŋupi ŋupi. Amin.

Kweyatti 1:6

logon a tiŋdu yi tumatyan i kitakiŋdya na Ŋun Monye lonyit a koanejin lo, koti ti kido saret gwe ko lepeŋ Ŋupi ŋupi. Amin.