Yuda 1:24 - Bibilia Buk na Ŋun nagon koti luŋu a

²⁴ Ti bulet gwe ko ŋun geleŋ Kalwokonit likaŋ, logon bubulo oju ta i ’doro, a bulöni bulö tiŋdu ta i gwo ’dan ’bak körit ko lyoŋön a duma i komor nanyit nagon a minyo.

Yuda 1:24 ပူးပေါင်းရင်းမြစ်များ

Saumajin 21:6

Do titin lepeŋ i ’boria bia parik ŋupi; do a tulyöŋgu lepeŋ ko lyöŋon konut i komor.

Saumajin 43:4

A kirut nan de iti tojo ko ŋirit ’yuret na rubaŋgajin kulök ŋon ŋun, iŋkoi, nan de tu konut do Ŋun logon nan lyölyöŋgi parik lo; a nan de pupurje do ju ’yö tom ŋon Ŋun, do ŋun lio.

Lewi 14:11

A koane logon tukwöju lu ŋuto lo totokela lo tiŋdi lepeŋ se ko kine ŋo liŋ ko MATAT i komor, i kömit na kemia torumet.

Matayo 16:27

Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase.

Matayo 19:28

a Yesu waddi lepeŋat adi, ’Diri nan takiŋdya ta adi, Na si ’dari nan Ŋuro lo ŋuto i si ’daet nio na minyo yu, i gwiliŋit ludukötyo nu, ta köti logon aje kipuŋdyö nan kilo mo sisi ’da i si ’daesi puök wot murek ti tumatyan, i Iŋgö na kulya ti kötumitön puök wot murek ti Yisaraele.

Matayo 25:31

A na poŋdi nan Ŋuro lo ŋuto ko minyo liŋ se ko malaikajin liŋ i pirit na geleŋ ko nan nu, a nan mo si ’dakine köyö i si ’daet na minyo.

Matayo 5:12

ŋutu köju a sasaŋdu nebijin sona logon kasu ŋerot kulu i ŋilo kiko lo geleŋ ŋilo. Nyena lyöŋi ta lyöŋön ko nyolani ta nyola parik, kogwon ropet duma nasu a ’delaki ta ki yu.

Luka 9:26

Kogwon ko ŋuto logon kwe nanyit yuyu i kulya kwe se ko i todinesi kwe, a kwe nio na Ŋuro lo ŋuto köti mo yune yu i kulya kanyit, na poŋdi nan ko malaikajin loke i pirit na geleŋ i minyo liŋ se ko lo Baba nu.

Roma 14:4

Do a ŋa logon ’duŋgö kulya ti köliŋönit lo lele ŋuto? Kine a kulya ti matat lonyit logon a monye kita i ’duŋgö na kulya ti lepeŋ, kode nye gwo ’dan go kode nye a ’doro. Iŋkoi, lepeŋ ’diri mo gwo ’dan go kogwon Matat bubulö tiŋdu lepeŋ i gwo ’dan go.

Roma 8:31

Nyena a yi de kulyani ada i kine kulya? Ko Ŋun gwon kayaŋ i swöt, a ŋa lo ŋisani koyi?

2 Korinto 11:2

Nan gwon ko yulön ko ta gwoso na yu ’ye ŋun na, kogwon ta gwon gwoso ŋuro ’diet nagon a ko nyuŋ den kulya ti ŋutu lyan na, nagon nan a rukökin i yema ko ŋuto geleŋ ka ’de logon a Kristo.

2 Korinto 4:14

Kogwon yi deden adi Ŋun logon a topiju Matat Yesu i twan lo mo köti topiju yi ko Yesu i pirit na geleŋ, a mo nyömöddi yi se ko ta kanyit i komor.

2 Korinto 4:17

Kogwon ŋopesi kaŋ pa ’de ’de ko ti joŋga diŋit a najo, ama kine ŋopesi tetenakiŋdya yi minyo lo yeŋ nyin logon a duma parik logon ti bulo tema,

Epeso 3:20

Ti Ŋun bulani bula. Lepeŋ bubulö koŋdya ’bak temet lwölwöŋ ŋo liŋ nagon yi a piyun ko a yeye kune, kogwon riŋit nanyit kikita kayaŋ i mugunya.

Epeso 5:27

anyen nye böŋö kweja kanisa kanyiti komor kwekwelen ’bak nene pirit nagon a ’yota ma ’di a na ’dit, kode kiritwan, kode kunie go gwoso kine. ama anyen se boŋö gwon a loke ’bak yuyuket.

Kolosai 1:22

Ama soŋinana Ŋun aje tomorun ta a kanyit kogwon twan na Ŋuro lonyit ko mugun na na kak, anyen nye böŋö joŋdya ta i gwo ’dan kanyit i komŋo a loke, ’bak yuyukesi, ’bak kulya.

Kolosai 1:28

Ŋilo a Kristo logon yi tokujöŋ kulya kanyit lo, i kukuju na ŋutu liŋ ko i todiŋdyo na Ŋutu liŋ ko koŋon ’bukuluŋ, anyen kwekiŋdya se liŋ geleŋ geleŋ ko Ŋun i komor gwoso Ŋutu lo wora kulo ko Kristo i mugun.

Kolosai 3:4

A ko Kristo logon a ru nikaŋ lo a kweya, a ta koti mo kweyani ko lepeŋ i pirit na geleŋ i ŋo nanyit ko minyo.

2 Timoteo 4:18

Matat mo lwölwökun nan kaŋo i ŋo liŋ narok, a joŋgi nan ’bura i tumatyan na ki. Ti bulet gwe kanyit ŋupi ŋupi. Amin.

Yakobo 2:10

Kogwon nye logon a kulya adi, Do ködyö ti lubbö, köti a kulya adi, Do ködyö ti tatuja ŋutu.

1 Petero 4:13

Nyena gwoso na paruŋdye ta ŋoŋesi ti Kristo na lyöŋi ta lyöŋön, anyen molu na kweyari lepeŋ ko minyo lonyit nu, a ta mo nyolani nyola ko lyöŋön a duma.

2 Petero 1:10

Nyenagon luŋasirik kwe, tisakiŋdye ta ’borik anyen ta boŋo tiŋdu luŋu nasu ko wulwe nasu i dena gwak. Kogwon ko ta kökon kine ŋo a ta mo tine ’doro kwöŋ.

Yuda 1:21

Yeŋe ta i nyaret na Ŋun, ko möŋdi ta yatet na Matat likaŋ Yesu Kristo i tiŋdu na ta ru na yeŋ nyin.

Kweyatti 14:5

Lepeŋat kwöŋ a ko jambu kulya ’burönö, a gwe ’bak yuyukesi.