Yuda 1:20 - Bibilia Buk na Ŋun nagon koti luŋu a

²⁰ Ama ta julin kwe lo nyanyara, gweyuŋdye ta ’borik ki i pipilet na yupet nasu nake parik; momo ’yi ta i riŋit na Mulokotyo Loke.

Yuda 1:20 ပူးပေါင်းရင်းမြစ်များ

Jakaria 12:10

A nan mo ’bukökiŋdye mulökotyo lo ’busan ko lo momolesi i kötumit na Dawidi ko ŋutu lo si ’da Yerusalema kulo, anyen na meddi se nye logon se a rem lo, a se mo gwine lepeŋ gwoso ŋuto logon gwi nuro lonyit lo geleŋ, a mo gwine parik tolikisien kanyit loki, gwoso ŋuto logon gwi ŋuro lonyit kayu.

Konesi 15:9

Lepeŋ a ko tuka ’de ’yu yi ko lepeŋat, kogwon lepeŋ a toke ’ya töilyet kase kogwon se a yubbö.

Konesi 26:18

Nan soŋdu do i ŋaju na konyen kase anyen se löpukuŋdyö kaŋo i mudwe tojo i parara, ko i löpukuŋdyö i riŋit na Satani tojo ko Ŋun ni, anyen toronjin kase böŋö pipitöki, anyen mora ko ŋutu logon Ŋun a wulun a kanyit kulo kogwon yubbö nase na nan.

Konesi 6:7

A kulyaet lo Ŋun reki rekin, a ŋutu kajujumuk ŋdine ŋdi parik Yerusalema kata, a koanejin jore parik twoji ŋina yupet.

Konesi 9:31

Nyenagon i ŋinu diŋit a kanisa gwe ko taliŋ i Yudaya ’bukuluŋ, ko i Galilaya, ko i Samaria, a iŋge gweye ki; a se ŋdine obi, a se gwolore i kugga na Matat a iŋge togolo ko Mulokotyo Loke.

Roma 15:2

Kölumbö yi ködyö yeyeju luŋasirik lo yubbö kulo, anyen parakiŋdya lepeŋat i gwon ’bura ko i gweuŋdya na se ki i yupet.

Roma 8:15

Mulökötyo logon ta a wu ŋilo ’bayin a mulökötyo logon tiŋdu ta i gwon a ’dupi a nyömöddi ta bot i kujönö, ama nye a Mulökötyo logon tiŋdu yi i gwon a ŋwajik ti Ŋun, a tiŋdi yi i luŋgu na lepeŋ adi, Aba, Baba!

1 Korinto 1:8

Lepeŋ mo titin ta i gwo ’dan go tojo ko ’dutet, anyen ta mo rye ’bak kulya i lor lo pöri Matat likaŋ Yesu Kristo lu.

1 Korinto 10:23

Ta kulya adi, Yi a lui i koŋdya na po liŋ. Iŋkoi, yi ’diri a lui, ama po liŋ ti parakiŋdya. Yi ’diri a lui, ama po liŋ ti gweyuŋdya ŋuto ki.

1 Korinto 14:15

A kirut gwe ada? Nan ködyö kwakwaddu ko töili lio, ama a nan köti ködyö kwakwaddi ko deŋdya na kulya i pirit na geleŋ. Nan ködyö yoyolo ko töili lio, ama a nan köti ködyö yoloni ko deŋdya na kulya i pirit na geleŋ.

1 Korinto 14:26

Luŋasirik, yi ködyö gwon ada? I diŋit nagon ta a momorakiŋdya i kwakwaddu nu, a lele yuluŋdye köli, a lele todiŋdye todiŋdyö, a lele kweji kulya nagon Ŋun a kwekin lepeŋ kune, a lele jambi ko kutuk nagon ka ’de, kode a lele nyönyöggi nyönyöggu. Ama ti kine ŋo liŋ konani kona anyen gweyuŋdya kayupök ki.

Galatia 4:6

Nyena kogwon ta a ŋwajik ti mede na, Ŋun aje su nyuŋ öyö Mulökötyo lo Ŋuro lonyit kayaŋ i töilyet, lo luluŋgu adi, Aba, Baba!

Epeso 4:12

Kita na kilo ŋutu gwon i tetenakiŋdya na ŋutu ti Ŋun jojo i koŋdya na kita nanyit ko i to ’duruŋdyö na mugun na Kristo ki,

Epeso 4:16

a i nina kwe, a mugun liŋ iŋge tomoraki ko a to ’depaki i pirit na geleŋ ko tomoresi liŋ nagon Ŋun a tikin kine, a na kitari swötön liŋ ti mugun ’bura nu, a Ŋina mugun ’duŋe ’duŋö ’bura i nyaŋu.

Epeso 4:29

Ti kulyaesi logon a lut gwe ti lupe kaŋo kasu i kutusen, ama tuŋ jambi ta kulyaesi lo ’but logon jojo parakiŋdya ŋutu gwoso nagon ködyö jujukin jama i diŋit nase na, anyen ŋutu lo yiŋga kilo kulyaesi kulo böŋö ryeju ŋo na ’but.

Epeso 6:18

Kwakwaddi ta i diŋitan liŋ, momo ’yi ta momo ’yu i riŋit na Mulokotyo Loke. Gwe ta ko konyen ŋa, ko dara ta i mumulukiŋdyo na ŋutu liŋ ti Ŋun.

Kolosai 2:7

Ti kokori kasu ’bekoddi kak ko lepeŋ i mugun; gweyuŋdye ta ’borik ki kanyit i mugun. gwe ta a iŋgo i yubbö nasu na lepeŋ gwoso na todinöri ta na, tiŋdi ta Ŋun tinate abur ’bak temet.

1 Tesalonike 5:11

Nyenagon togo ’yi ta ’börik, ko gweyuŋdye ta ’borik ki gwoso na koŋdi ta na.

1 Timoteo 1:4

Ko ti se gwe ti yiŋga likikirilön kana se ko kena na karin ti merenyejin nagon ti ’duddyo, gwoso i yuŋwe nase. Kine kulya joŋdya piyesi kana jore, ama a se tine bulo kita yeyeet na Ŋun nagon kita ko yupet.

2 Timoteo 1:5

Nan yeye yupet inot na to ’diri nagon pipiluŋdya ko yakanyu nagon a Loisi, koti ko nagon pipiluŋdya ko ŋuti nagon a Eunike, a nan iŋge yuŋ adi ŋina yupet kata konut.

Tito 1:1

Nan Paulo a ’dupiet lo Ŋun ko a luyökie lo Yesu Kristo, anyen tiŋdu yupet na ŋutu lo wulwe ti Ŋun i puputuru i ŋerot, ko anyen se deden kulya ti to ’diri nagon a ti keri lo Ŋun,

Yakobo 2:22

Do a met adi lepeŋ a kita ko yupet i pirit na geleŋ, a yupet nanyit iŋge temakiŋdya ajo i ŋo nagon nye a kon na.

2 Petero 1:1

Nan Simona Petero koliponit ko a luyökie lo Yesu Kristo, roman ko ta logon ko yupet nagon a ’bulit gwoso nikap na. Ŋina yupet Ŋina likaŋ Kalwokonit Yesu Kristo lo tiŋdu yi liŋ kogwon lepeŋ a lo rigwo.

1 Yoane 5:4

Kogwon ŋutu liŋ logon Ŋun lo yupuŋdyö kilo a te ’ya na kak, a yubbö nikaŋ gwe a telet nagon yi te ’yi na kak na.

Yuda 1:3

Julin kwe lo nyanyara, nan gwon kata ko pusok i wurökiŋdyö na ta i kulya ti lwökö nikaŋ nagon yi a par na. Ama nan a ryö adi nan kodyo nyoŋga ’de ’de i wurokiŋdyo na ta anyen jujukiŋdya ta i woro i juŋdyö na kulya na yuŋ yi kine, nagon Ŋun a wukin ŋutu kanyit daŋ geleŋ a ’dutet.

Kweyatti 13:10

Ko ŋuto logon mökaŋ i to ’dupien ti nye jopani. Ko ŋuto logon tatuja ko baŋdu a ti nye agu tatuani ko baŋdu. Ŋina ’de ’dekarikin adi ti ŋutu ti Ŋun ŋoŋaddi tojo ko ’dutet ko ti yubbe yubbo.