Yuda 1:18 - Bibilia Buk na Ŋun nagon koti luŋu a

¹⁸ Lepeŋat koju takiŋdya ta adi, Kulye ŋutu logon a ka ’dö ’döyök mo pupukun i perok ti ’dutet, logon woro i ’dekesi kase narok nagon ’bayin a twoyesi ti Ŋun.

Yuda 1:18 ပူးပေါင်းရင်းမြစ်များ

Konesi 20:29

Kogwon nan deden adi i mukök nagon nan aje tu nu, a lujin kaŋajin mo poŋdi kasu kiden, a mo tine pitökin teŋ na yidin.

2 Timoteo 3:13

Ama ŋutu lorok se ko kamumulukak mo puputuru ŋerot i toroŋdya. Lepeŋat mumulugga kulye ŋutu, ama a se koti mumulukani mumuluka.

2 Timoteo 4:3

Kogwon diŋit mo ŋoŋo nagon ŋutu mo ti ’bon yiŋga todinesi nagon tiŋdu ŋutu gwon ’bura, ama a se mo koŋdi gwoso na ’deggi se na, a mo galakiŋdye ’borik katodinök jore logon mo todinikiŋdyö se kulya nagon swö kase pupuri i yiŋga.

2 Petero 2:1

Ama nebijin ’buronok koti köju a pukun ko ŋutu ti Yisaraele kiden, gwoso nagon katodinok ’buronok mo gwon kasu kiden na. Kilo katodinok ’buronok mo sukiŋdyo ŋo nagon a korisi i todiŋdyo nase, ma ’di rerenya Matat logon aje gworuŋdyö se lo, a mo jakiŋdye ’borik korit nagon ’dukin ’de ’de kijek.

2 Petero 2:10

kegga se logon wöwörö i ’dekesi kase narok ti na mugun, logon a kalaak ti ’bon sara kilo. Kilo katodinok ’buronok a kipajin, koŋdya gwoso na ’deggi se na, a tine kujono momoröju teŋ na malaikajin lo bubula.

2 Petero 3:3

A kokwe dene ta den adi i perok ’dutesi kakwekweniak logon koŋdya gwoso i ’dekesi kase kulo mo popo, a se mo kwekwenine ko ta.

Yuda 1:16

Kilo ŋutu a kawiwinyak a tine lyoŋon i nene ŋo, lepeŋat woro i ’dekesi kase narok, a jambi kulyaesi lobot logon a ŋo kana, a ’bu ’buddye kulye ŋutu anyen ryeju nene ŋo.

Yuda 1:4

Kogwon kulye ŋutu kata logon a domaddu ’borik a lwön. Kilo a ŋutu logon ti twoju Ŋun, ama a löpuŋge tolien nikaŋ nagon Ŋun a tikin yi kana na anyen se koŋdya toron aka nagon joŋdya yu na kwe, a se renyani Duma likaŋ lo geleŋ logon a Matat Yesu Kristo. Koju ’beron lepeŋat a wuloki i ’duŋoki na ŋilo putet.