Yuda 1:13 - Bibilia Buk na Ŋun nagon koti luŋu a

¹³ Lepeŋat gwoso yalajin ti tor logon ya ’yu ko riŋit, a kobuŋe konesi kase nagon toyuuŋdyo kwe gwoso na kobuŋe pioŋ a gwe a ko ŋuto na. Lepeŋat gwoso kaser logon woro abur, logon pirit nagon a mudwe adi ’dii a wuloki lepeŋat ŋupi ŋupi.

Yuda 1:13 ပူးပေါင်းရင်းမြစ်များ

Saumajin 65:7

Do a toyiŋaju rumön na törön ti ’balaŋ, ko rumön na yalesi kase, ko woŋon na gweyajin ti ŋutu köti.

Yisaya 57:20

Ama a ŋutu lorok gwe gwoso tör duma na yeye geleŋia; nagon ti bulö gwö ’dan, a pioŋ kanyit kököburuŋdye wo ’do ’do ki se ko lut.

Pilipoi 3:19

’Dutet na kilo ŋutu gwon a karan nase, a ŋun lose gwe a pelela kase, a se bu ’ye ’börik i ŋo nagon ködyö tiŋdu kusik kase i yu kune, a tiŋdi yeyeesi kase i ŋo ti na kak.

2 Timoteo 3:13

Ama ŋutu lorok se ko kamumulukak mo puputuru ŋerot i toroŋdya. Lepeŋat mumulugga kulye ŋutu, ama a se koti mumulukani mumuluka.

2 Petero 2:17

Kilo ŋutu gwon gwoso kidiya logon ’bak pioŋ, lepeŋat gwon gwoso luruöt logon wuköji ko köbuŋot duma. Pirit nagon a mudwe adi ’dii a wuloki lepeŋat.

Yuda 1:6

Köti yeyeji ta malaikajin logon a ko yeŋon si ’da i tumatyan nagon a tiki se na, ama lepeŋat a kolökin pirit gwiliŋit nase, Ŋun a ’delakin se i mudwe logon adi ’dii a rereggi se ko toŋot lo yeŋ nyin, mordu lor duma logon ’duŋdki ’e se putet lu.

Kweyatti 20:10

A kaŋöönit lo togiŋa se lo iŋge gubaki i tör na kimaŋ ko na pisek nagon ŋilo gworoŋ se ko nebi ’burönit aje gubaki kata na, a se mo tomieni tomie ŋupi ŋupi ko tuparan ko tukwaje.

Kweyatti 21:8

Ama ŋutu kujönök, ko ŋutu logon ’bak yupet, ko ŋutu logon koŋdya ŋo na mamana, ko katatuak, ko kalupök, ko kawanak. ko katwöyök ti nyömuejin, se ko ’burönök liŋ pirit nase mo gwon i tör nagon ’yuŋa a kimaŋ ko pisek. Ŋina a twan tomurek.