Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yuda 1:12 - Bibilia Buk na Ŋun nagon koti luŋu a

12 Kilo ŋutu gwon gwoso lut nagon ’yoddya ta na gwoŋdi ta i nyesu i pirit na geleŋ ko tojulin nasu na gwon ko Yesu i mugun na, lepeŋat nyesu ko möju ko to ’betan rurugga ’borik ka ’de. Lepeŋat gwoso ’dikolo na wuköji ko köbuŋöt a tine joŋdya kudu; lepeŋat gwoso kaden ti ’butun logon ti radan ludweki, lepeŋat a kaden logon a gwunye kaŋo ko kokori a iŋge twatwa asut.

အခန်းကိုကြည့်ပါ။ ကော်ပီ




Yuda 1:12
35 ပူးပေါင်းရင်းမြစ်များ  

a nan mo gwunyuŋdye ta kaŋo i ŋilo jur logon nan a, je tin ta ŋilo; a nan mo tolikiŋdye ŋina kadi koyo i metet nagon nan aje gelakin karin kwe na, a nan mo koŋdi lepeŋ a temet ko a tojowet i kiden na juron liŋ.


A kokori kanyit totolubbe ’börik i ’dome lo ŋurupö, a roŋoni roŋo i lelya kata.


A nye gwe gwoso ködini lo ’yutuki i kijit na kare; logon raradan ludweki kanyit i diŋitan kanyit, logon koroŋo kanyit ti teteyon kwoŋ; a ŋo liŋ nagon nye kökon kune iti ’bura.


Kogwon ’de ’de kijek a se ŋerajine kak gwoso döru, se a teteyon gwoso koroŋo nadök.


Ŋuto logon laŋa ’dokesi kanyit ama ti tindu lo gwon gwoso ’dikolo ko köbuŋöt logon ti jondya kudu.


Taki lepeŋat adi, MATAT ŊUN lo pija ta adi, Ködini lo binyo gwoso ŋilo ŋona mo ’du ’duŋö a lo ’but le? Kokori kanyit ŋona mo ti ’dutwe kaŋo le? Ŋona ludweki kanyit mo ti ’deya kaŋo anyen koropo kanyit liŋ nadök na wilan kune lilikara? Kweja adi ŋutu jore ti ’dutun kokori kanyit kaŋo, köti ti ’dutun ko riŋit duma.


Nan MATAT ŊUN lo kulya adi, Mete ta, nan a miriku losu lo kayukuk; a nan mo luŋgi köbilu kwe kasu i konisi; a nan mo teŋgi ta i tunyeju na köbilu; a ta kayukuk köti mo tine tunyeju ’borik asut; a nan mo ryakuŋdye köbilu kwe kaŋo kasu i kutusen anyen gwon ’bayin a kinyo losu.


Ta ŋona a ko nyesu leme tojo i yimönö a iŋge ryoryok lele leme le? Ta ŋona a ko möju pioŋ nake tojo i yimöno a iŋge kökobur kunie le?


ŋuro lo ŋuto, keŋ keju kulya narok i kulya ti kayukuk ti Yisaraele, keŋ keju ko taki lepeŋat adi, Ta kayukuk, MATAT ŊUN lo kulya adi, Wöidiö, ta kayukuk ti Yisaraele logon deŋdya tunyeju ’börik kilo! Kayukuk ködyö ti tunyeju yidin le?


Nan MATAT ŊUN lo kulya adi, ’Diri ’diri gwoso na gwoŋdi nan na, kogwon köbilu kwe aje kölöki i kokoa, iŋkoi, köbilu kwe aje nyei ko gwuruŋin, kogwon kayukunit ’bayin; köti kogwon ŋutu kwe logon a kayukuk a ko galaddu köbilu kwe, ama lepeŋat deŋdi tunyeju ’borik, a gwe a ko tunyeju köbilu kwe;


A MATAT waddi adi, Do kotumit na Epuraima, nan konakin do nyo? Do kotumit na Yuda, nan ŋona konakin do ada? Nyaŋu nasu na nan gwon gwoso luru lo ko ’bure, gwoso puŋutut lo lilikara ko ’bure ’beron.


A ko ŋilo twanti a nyöggu pukun i nu kadi, i mukök na lukuddi nye kulu ŋurupö kaŋo nu, ko na wowororikin kadi ko na lilinyöri nye nu,


a nagon kolor gwe ki nu, a se salani sala, a teteyone teteyon kogwon kokori kase a ko ’bekoddu kak.


A nye waddi adi, ŋo liŋ logon Baba lo gwon ki lu a ko ’yut kulo mo gwugwu-nyo kaŋo.


a nagon kolor gwe ki nu, a se salani sala, a teteyone teteyon kogwon kokori kase a ko ’bekoddu kak.


Ama ko ŋilo koliŋonit a kulya kanyit i toili adi, Duma liŋ a karakin diŋit a najo, a nye suluje ’biddyo köliŋönök lyan se ko wate, a nyesi nyesu, a möji möju, a mere meran,


Lele kworinit köju kata logon jupu boŋgwat na ’bule ti waratat naparere, a nye nyesi nyesu abur perok liŋ.


Ama kunyar ta ’börik an töilyet kasu gwon pömöni ko rorweki, ko meran se ko wiwinyesi ti kak, an ŋilu lor jakakin ta adi wulek gwoso ridiket;


A kulye nyomot ’do ’done i kak nagon a lelya, a nagon se aje ’duruŋdyö nu, a se teteyone teteyon kogwon kujöŋ ku ’dik pioŋ ’bayin.


A yi mo köti tine gwon a ŋwajik logon yeyeesi kao yalaŋ abur i kulya ti todinesi ka ’de ka ’de nagon gwon gwoso yalajin logon köbuŋöt lo ya ’yu. Kine todinesi ŋutu totodin ko koŋon nase nagon se yeyeŋ togiraddu ŋutu ko kulya ’burönö kune.


’Dutet na kilo ŋutu gwon a karan nase, a ŋun lose gwe a pelela kase, a se bu ’ye ’börik i ŋo nagon ködyö tiŋdu kusik kase i yu kune, a tiŋdi yeyeesi kase i ŋo ti na kak.


ama karu ’be na tiŋdu mugun i lyöŋesi kana ti na kak na, lepeŋ aje twan ma ’di nagon nye nyuŋ gwolor jörun.


Ti todinesi ka ’de ka ’de nagon a lepelok gwe ti togiraddu ta. Ködyö a na ’but koyi a wuju ’busan na Ŋun gwoso kinyo lo töilyet kaŋ, ti gwon i ’debba na keriat nyeesi ti kinyo. Ŋutu lo ’debba kilo keriat kulo a ko ryö ’bulit kwöŋ.


Ta aje si ’da i na kak a monyota ko go na ’but, a ta iŋge pakiŋdya ’börik abur i lyöŋesi kana. Ta aje topiŋö ’borik gwoso toro ’bo a ta gwe ajo i tatua.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ