Yuda 1:1 - Bibilia Buk na Ŋun nagon koti luŋu a

¹ Nan Yuda koliponit lo Yesu Kristo ko a luŋaser Yakobo, nan roman ko nutu logon a luŋu logon Ŋun Monye nyanyar kilo ko a gaju se ko Yesu Kristo i mugun.

Yuda 1:1 ပူးပေါင်းရင်းမြစ်များ

Matayo 10:3

ko Pilipo, ko Bartolomayo; ko Toma, ko Matayo kapepenanit lo usur; ko Yakobo ŋuro lo Alapayo, ko Tadayo;

Matayo 13:55

ŋilo ’bayin a ŋuro lo kaworonit lo bau le? Ŋote nanyit ’bayin luŋu a Maria le? Yakobo ko Yosepa ko Simona ko Yuda ŋona ’bayin a luŋasirik kanyit?

Marako 3:18

ko Aŋöarea, ko Pilipo, ko Bartolomayo, ko Matayo, ko Toma, ko Yakobo Ŋuro lo Alapayo, ko Tadayo, ko Simona Kawelonit,

Marako 6:3

Lepeŋ Ŋona ’bayin a kaworonit lo bau le? Lepeŋ ŋona ’bayin a ŋuro lo Maria ko a luŋaser Yakobo ko Yose ko Yuda ko Simona le? Kiasirik kanyit bona ’bayin kayaŋ kiden le? A se iŋge ryö kulya ti lepeŋ a köpuket.

Luka 6:16

ko Yuda ŋuro lo Yakobo, se ko Yuda Isikariota logon a wora a miriku lo Yesu a iŋge tiŋdu lepeŋ i tatua lo.

Yoane 12:26

Ko lele ŋuto ’de ’dekan kitakiŋdya nan ti lepeŋ agu ködyo kebbi nan, a i pirit na gwoŋdi nan kata nu a kölipönit liŋ koti mo gwe nyu. Ko lele ŋuto kitakiŋdya nan, a Baba mo bu ’ye lepeŋ.

Yoane 14:22

A lele Yuda leŋe Isikariota, pije lepeŋ adi, MATAT, do de kwekwekin yi mugun inot ada, a tine kwekin ŋutu ti kak le?

Yoane 15:16

Ta a ko wulun nan, ama nan aje wulun ta ko a gelun ta anyen ta puputuru ŋerot i radan na ludweki. Kilo ludweki kasu ködyö yeyeŋon. A kirut Baba mo tiŋdi ta ŋo liŋ nagon ta a piyun köyö i karin kune.

Yoane 17:15

Nan ti momo ’yu do anyen do joŋ se kaŋo i na kak, ama anyen do tiju lepeŋat ’bura i ŋilo loron.

Yoane 17:17

Gelu se a loke ko to ’diri inot. Kulyaesi kulok a ti to ’diri.

Yoane 17:19

Nan soŋinana aje gelun mugun kogwon kulya kase anyen se köti gegelwe i swöt lo to ’diri.

Yoane 6:39

Lepeŋ lo sunyuŋdyö nan lo ’de ’dekan adi, ti nan ködyö gwe ti tolikin lele geleŋ lo ŋutu liŋ logon nye aje tikin nan kilo, ama ti nan ködyö toŋiji se ki i twan i lor lo ’dutet.

Konesi 1:13

A na lupöri se köji kata nu, a se luponi i kadi nagon a koŋilore, nagon Petero moruŋdyo kata, ko Yoane, ko Yakobo, ko Aŋöarea, ko Pilipo, ko Toma, ko Bartolomayo, ko Matayo, ko Yakobo ŋuro lo Alapayo, ko Simona Kawelonit, se ko Yuda ŋuro lo Yakobo.

Konesi 20:32

Nyena soŋinana nan tiŋdu ta ko Ŋun i könin ko i kulyaet lo ’busan na nyaŋu nanyit. Lepeŋ ko riŋit i gweyuŋdya na ta ki, ko i tiŋdu na ta ŋo na ’but ti mede nanyit na Ŋun, nagon ta se ko ŋutu liŋ logon a gelwe a ŋutu kanyit kilo mo wuwu kune.

Konesi 27:23

Kogwon kaje i tukwaje malaikatat lo Ŋun logon nan gwon a lonyit a twöji lepeŋ lo gwo ’dan köyö nyona.

Roma 1:1

Nan Paulo ’dupiet lo Kristo Yesu. Ŋun a luŋ nan a luyökie ko a gelun nan anyen tokujo Loŋe Lo ’but.

Roma 1:6

Koti anyen joŋdya ta, kogwon Yesu Kristo a luŋ ta a ta gwe a ŋutu kanyit.

Roma 16:18

kogwon ŋutu gwoso kilo ’bayin kitakiŋdya Kristo Matat likaŋ, ama lepeŋat kita pelela kase. A lepeŋat mumuluŋge töilyet ti ŋutu logon ’bak kulya kulo ko jamesi lo paleleŋ se ko kulyaesi ’bu ’busesi.

Roma 6:22

Ama soŋinana ta aje yukwe kaŋo i toron a ta gwe a ’dupi ti Ŋun, nyena a ’bulit nagon ta wuwu na gwe a kelan, a ’dutet nanyit gwe a ru na yeŋ nyin.

Roma 8:30

Nyena a Ŋun köti luŋgi se logon nye a gelun kulo; a kilo ŋutu logon nye a luŋun kulo a nye köti tiŋdi se i gwon rigwo kanyit i komor; a nye köti tiŋdi kilo logon nye a tikin i gwon rigwo kanyit i komor kulo i parundya na minyo lonyit.

Roma 9:24

Yi gwoso kilo sapya logon nye wowoji konyen kilo. Nye a ko lupuŋdya yi i kiden na Yudayaki ka ’de, ama nye köti a lupuŋdya yi i kiden na ŋutu ti jurön;

1 Korinto 1:2

a roman ko ta ŋutu ti Ŋun lo momora Korinto a kanisa kilo. Ŋun a geluŋdya ta a Ŋutu kanyit ko Kristo Yesu i mugun, mora ko Ŋutu liŋ lo gwon i piritön liŋ lo ’diŋdya karin ti Matat likaŋ Yesu Kristo i kwakwaddu kilo. Lepeŋ a Matat lose ko a likaŋ koti.

1 Korinto 6:11

Kulye kasu köju gwoso kilo ŋutu, ama ta aje lalai, ta aje tokela a ŋuto ti Ŋun, ta aje tiki i gwon a lo rigwo ko Ŋun i komor i karin ti Matat Yesu Kristo se ko i riŋit na Mulökötyo lo Ŋun likaŋ.

Epeso 5:26

Lepeŋ a koŋdya sona anyen nye böŋö lalaju se ko pioŋ se ko kulyaet lonyit a gwe a loke,

1 Tesalonike 2:12

anyen ta böŋö wörö a lo ’but i tulyöŋgu na ŋun, logon a lupuŋdya ta i tumatyan nanyit ko i minyo lonyit lo.

1 Tesalonike 5:23

Nyena ti Ŋun ko mugun nanyit logon taliŋ liŋ gwon ko lepeŋ lo, tiŋdi ta i gwon a loke liŋ. Ti nye gaji ta ’bura kasu i toilyet ko i kodudwolon ko i mugunya ’bak yuyuket i po na Matat likaŋ Yesu Kristo.

2 Timoteo 1:9

Lepeŋ a lwöggu yi a luŋgi yi i gwon a Ŋutu kanyit loke. Lepeŋ a ko luŋgu yi kogwon ŋo na kon yi kune, ama kogwon yeyeet nanyit se ko ’busan na nyaŋu nanyit nagon nye a tiŋdu yi ko Kristo Yesu i mugun koju ’beron ti kak nyuŋ ’bayin.

2 Timoteo 4:18

Matat mo lwölwökun nan kaŋo i ŋo liŋ narok, a joŋgi nan ’bura i tumatyan na ki. Ti bulet gwe kanyit ŋupi ŋupi. Amin.

Ebere 3:1

Nyenagon ta luŋasirik kwe logon Ŋun a gelun ko a luŋi parundya na kulya ti ki kulo, yeyene ta yeye Yesu. Lepeŋ a Luyökie ko a Koane duma i keri likaŋ lo yupet.

Yakobo 1:1

Nan Yakobo a kölipönit lo Ŋun ko a lo Matat Yesu Kristo. Nan roman ko kötumiton puök wot murek nagon a rekin i kak ’bukuluŋ kine.

1 Petero 1:2

Ta koju aje wulwe ko yeyeet na Ŋun Monye anyen tokela ko Mulokötyo lonyit, anyen twoju Yesu Kristo, ko anyen gwagwata ko rima kanyit. Nan roman ko ta adi, Ti ’busan ko taliŋ gwe ko ta bia parik.

1 Petero 1:5

Nyena kogwon ta a yubbö Ŋun, a lepeŋ iŋge tiju ta ko riŋit nanyit tojo ko lwoko nasu. Ŋina lwökit mordu kweye kaŋo i diŋit na ’dutet.

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.

1 Petero 5:10

A i mukök nagon ta aje ŋoŋgo ko diŋit a na ’dit nu, a Ŋun lepeŋ mo toluduŋge ta, a togo ’yi ta, a togwi’dikiŋdye ta go. Lepeŋ a Ŋun logon ’busan na nyaŋu liŋ gwon ko lepeŋ, logon a lupuŋdya ta i parundya na bulet na yeŋ nyin ko Kristo i mugun lo.

2 Petero 1:1

Nan Simona Petero koliponit ko a luyökie lo Yesu Kristo, roman ko ta logon ko yupet nagon a ’bulit gwoso nikap na. Ŋina yupet Ŋina likaŋ Kalwokonit Yesu Kristo lo tiŋdu yi liŋ kogwon lepeŋ a lo rigwo.

Yuda 1:21

Yeŋe ta i nyaret na Ŋun, ko möŋdi ta yatet na Matat likaŋ Yesu Kristo i tiŋdu na ta ru na yeŋ nyin.

Yuda 1:3

Julin kwe lo nyanyara, nan gwon kata ko pusok i wurökiŋdyö na ta i kulya ti lwökö nikaŋ nagon yi a par na. Ama nan a ryö adi nan kodyo nyoŋga ’de ’de i wurokiŋdyo na ta anyen jujukiŋdya ta i woro i juŋdyö na kulya na yuŋ yi kine, nagon Ŋun a wukin ŋutu kanyit daŋ geleŋ a ’dutet.