Yosua 5:9 - Bibilia Buk na Ŋun nagon koti luŋu a

⁹ A MATAT kulyani ko Yosua adi, I lo lor nan aje gwuluŋöddu ’do ’döyö nasu kalor nagon ’döyörikin ta Ejipeto yu. Nyenagon a karin ti nu pirit luŋuni a Giligala tojo ko lo lor.

Yosua 5:9 ပူးပေါင်းရင်းမြစ်များ

Suluet 34:14

A se kulyani ko lepeŋat adi, Yi ti bulö koŋdya na ŋo i tiŋdu na kiaser nikaŋ i ŋuto logon a ko tawero, kogwon ŋina gwon kayaŋ a yu na kwe.

2 Samuele 19:15

A mor yitöni bot a ’dure Yardene; a ŋutu ti Yuda poŋdi Giligala i rum ko mor i tulapuŋdya na lepeŋ Yardene.

Nemaya 12:29

ko köti i Bete-Giligala, ko i jur lo Geba, ko Ajemawet; kogwon kayolok a ’dukokiŋdyö ’börik turön lorga Yerusalema.

Saumajin 119:39

’Dumaddi kaŋo köyö yuyukö nio nagon nan kukujönöri na, kogwon Ŋo na ’duŋ do kune a na ’but.

Yeremia 9:25

Nan MATAT lo kulya adi, Mete, perok kilo popo logon nan mo riŋge ŋutu liŋ logon a tawero ama meta gwoso a ko tawero kilo,

Ejikele 23:3

A lepeŋat iŋge biryeri ’börik a kawutejin i jur lo Ejipeto i diŋit nagon se nyuŋ gwon a kö ’disi nu, a kidoni kase iŋge mumusuka nyu, a kinasi kase logon nyuŋ susuja kulo iŋge nonotatu.

Ejikele 23:8

A lepeŋ gwe a ko kölökin wutön nagon nye köju a kon ’beron i perok lo gwoŋdi nye Ejipeto yu kulu; kogwon ŋutu lyan a dotori lepeŋ i tukö ’disen nanyit, a iŋge mumusuk kido nanyit nagon nye nyuŋ gwon a kö ’disityo nu, a tulyöŋgi lepeŋ ko towutön nase.

Osea 4:15

Ta kötumit na Yisaraele, ma ’di nagon ta ködyö totowutön, ama ti kötumit na Yuda gwe ti toroŋdya. An ta ko tu ta Giligala, an ta ko tu ta Bet-awen i milyeju -adi, ’Diri ’diri, gwoso na gwoŋdi MATAT na.

Lewi 24:14

Jo ŋilo ŋuro logon a lömbu lo kaŋo i mera kata; ko ti ŋutu liŋ logon a yiŋ lepeŋ i lömbu kulo sopakiŋdye könisi ko lepeŋ i kwe, ko ti momoret na ŋutu liŋ gugumbe lepeŋ ko ŋurupö.

Amosa 5:5

ama an ta ko ga ’yu ta paret Betele, an ta ko tu ta Giligala, an ta ko lwöpöddu ta Ber-seba, kogwon ŋutu ti Giligala mo ’diri joŋa a ’dupi, a Betele mo worani a ŋo kana.

Mika 6:5

Ta ŋutu kwe, yiyiuŋdye ta ŋo mwonyit nagon Balak mor lo Moaba a teteŋdya i mwon ko ta na, a Balam ŋuro lo Beor iŋge wasakin lepeŋ ada; koti yiyiuŋdye ta ŋo nagon a pukun suluja Sitim tojo ko Giligala kune, anyen ta kodyo deden adi nan MATAT a katelanit.

Jepania 2:8

Nan MATAT aje yiŋ ŋutu ti Moaba i momoröju se ko ŋutu ti Amon i ’dö ’döju ko i lauŋdya na ŋutu kwe, nan a yiŋ bu ’ya nase na ’börik i riŋuŋdya na kak na ŋutu ti Yisaraele anyen ’ya ’yu kak nase.

Yosua 24:14

Nyenagon so pinana kuŋge ta MATAT, ko kitakiŋdye ta lepeŋ i tugwakan ko i to ’diri; ko paji ta ŋunyen logon merenyejin kasu aje kitakiŋdya lepeŋat i nu pele na lu Kare ko i Ejipeto kulu, ko kitakiŋdye ta MATAT.

Yosua 4:19

A i perok puök ti yapa to geleŋ, a ŋutu liŋ poŋdi kalor Yardene kata, a se mönuŋdye Giligala i lokökorit lo Yeriko i swöt lo ’yure.

Yosua 5:8

A ko gwe sona nagon se aje tutuŋgö taweŋu jur liŋ nu, a se mönuŋdye kase i piriton i mera, tojo ko tolika nase.

1 Samuele 14:6

A Yonatana kulyani ko titinti ka ’dokonit lo tito möriesi kanyit lo adi, Po, ti yi laŋaddi i mera na kilu ŋutu logon a ko tawero kulu, kode ŋona MATAT bubulö parakiŋdya yi; kogwon nene teŋet gwe ’bayin ko MATAT i lwökuŋdyö ma ’di ko könisi ti ŋutu jore kode ku ’dik.

1 Samuele 17:26

A Dawidi pije ŋutu lo gwo ’dan kanyit nyona kulo adi, Nyo mo na konaki i ŋuto logon a tatuja ŋilo Pelesetetyo, anyen joŋga yu na kwe kaŋo i Yisaraele? Kogwon ŋilo Pelesetetyo logon a ko tawero lo, lepeŋ a ŋa logon woro i lauŋdya na teŋon ti ŋun lo gwon jörun lo?

1 Samuele 17:36

Nan köliŋönit ilot aje tatuja kömiruöt ko kulye gwuruŋin; a ŋilo Pelesetetyo logon a ko tawero ŋilo de gwe gwoso lele lose, kogwon nye a lauŋdya teŋon ti ŋun lo gwon jörun.

1 Samuele 7:16

Temba i kiŋa a lepeŋ wöröddi Betele ko Giligala se ko Misepa; a nye lilije putesi ti ŋutu ti Yisaraele i kine piritön liŋ.