Ama Yudayakityo gwak a ŋuto logon a Yudayakityo kanyit i mugun lukata, kweja adi nye a tawero i toili. Kine kulya a kita na Mulökötyo Loke ’bayin a kita na Saresi lo wuro. Ŋuto gwoso ŋilo, Ŋun lo pupurja lepeŋ ’bayin a ŋutu.
Lepeŋ ko taweroni i mukök, a tawero nanyit gwe a kweyet nagon kweja adi, i diŋit nagon nye a ko nyuŋ tawero nu, Ŋun a ruk lepeŋ a lo rigwo kogwon yubbo nanyit. Nyena a lepeŋ gwe a merenye lo ŋutu liŋ logon a yubbö i diŋit nagon se a ko nyuŋ tawero nu, a Ŋun iŋge ruk se a lo rigwo.
a MATAT Ŋun losu mo taweŋi ’böriköt na muggö töilyet kasu ko töilyet ti ŋwajik kasu, anyen ta böŋö mo nyaŋu MATAT Ŋun losu ko töilyet kasu liŋ se ko ködu dwölön kasu liŋ anyen ta böŋö gwon jörun.
Na gwoŋdi ta ko Kristo i mugun na ta a tawero, ama ’bayin gwoso nagon ŋutu kökon ko konisi kase na, ama ŋina tawero a na Kristo, kweja adi ’dekesi ti na mugun na na kak aje ’duŋöji kaŋo.