Yosua 4:9 - Bibilia Buk na Ŋun nagon koti luŋu a

⁹ A Yosua togwi ’dikiŋdye ŋurupö puök wot murek kune i kiden na Yardene, i pirit na gwo ’di ’e mokosi ti koanejin katokok ti saŋduk na tomoret kulo nu; a se gwe nyu tojo ko lo lor.

Yosua 4:9 ပူးပေါင်းရင်းမြစ်များ

Suluet 26:33

A nye gwije ŋilu kidi a Siba; nyenagon a karin ti nu köji gwe a Ber-seba tojo ko lo lor.

Suluet 28:18

A Yakobo ŋine ki ko ’bure ’beron, a nye ’dumuŋdye ŋurupit na tin nye a tiket na kwe na, a togwi ’dikiŋdye nye ki gwoso kumut, a ’bukökiŋdye welet kanyit loki.

2 Samuele 4:3

a ŋutu ti Berot köju wöki Gitayim, a se si ’dani nyu tojo ko lo lor.)

1 Moran 18:31

a Eliya ’du ’du-muŋdye ŋurupö puök wot murek, gwoso kena na kötumitön ti ŋwajik ti Yakobo, logon kulyaet lo MATAT a ŋokin ko lepeŋ lo adi, Karin kunök mo gwon a Yisaraele,

2 Dekat 5:9

A kilu turya gwe a lojo parik a ’dutesi kase metani meta i pirit nake na gwon i komor na nu toŋkwet; ama nagon se ti bulo meta kaŋo; tojo ko lo lor se nyuŋ gwon kata nyu.

Yuörö 24:12

A MATAT kulyani ko Mose adi, Kiyuŋdye köyö ni i mere ko mönuŋdye ni; a nan de tiŋdi do ŋurupö na ’dayatak nagon saresi ko jujuwesi nan a wurökin nyin kune, anyen todiniki lepeŋat.

Yuörö 28:21

A kine ŋurupö gwe puök wot murek ko karin kase gwoso karin ti ŋwajik ti Yisaraele; a kine ŋurupö ködyö gigiruni gwoso jokesi na jokaki ’e gwuluet, se liŋ geleŋ geleŋ gigiru ko karin kase i kötumitön puök wot murek.

Matayo 27:8

Nyena a ŋina melesen luŋ

Matayo 28:15

Nyena a katiyuk ’dumuŋdye gurut kune, a iŋge koŋdya gwoso na taki ’e se nu. A ŋilo lore reki ko Yudayaki kiden tojo ko lo lor.

Nyökit 34:6

a MATAT nuŋge lepeŋ i loro i jur lo Moaba logon diraddu i swöt lo Bete-peor; ama lele ŋuto a ko den pirit na nukari lepeŋ nu tojo ko lo lor.

Yosua 24:26

A Yosua wuröki-ŋdye kulo kulyaesi i buk na saresi ti Ŋun; a nye joŋgi ŋurupit duma, a togwi ’dikiŋdye nye nyu i mukök na ködini logon a ri nyona ko pirit nake na rurwan na MATAT.

Yosua 4:10

Kogwon koanejin ka ’dokök ti nu saŋduk kulu a gwi ’dikin i kiden na Yardene, tojo ko kulya liŋ a tutuŋö nagon MATAT aje saŋi Yosua i takiŋdya na ŋutu kunu, gwoso i liŋna saŋi Mose Yosua kunu. A ŋutu liŋ nyoŋgi nyoŋga i laŋgu;

Ka’duŋök 1:26

A lu ŋuto iti i jur lo ŋutu ti Kiti, a ’duŋge nene köji, a luŋgi karin kanyit a Luja; a kine gwe a karin kanyit tojo ko lo lor.

1 Samuele 30:25

A suluje i ŋilu lor tojo ko ŋerot. a nye wuŋe ŋilo kulyaet a saret ko a keri lo ’de ’depa i Yisaraele tojo ko lo lor.

1 Samuele 7:12

A kirut Samuele ’dumuŋdye ŋurupit a togwi ’dikiŋdye lepeŋ ki i kiden na Misepa ko na Sen, a gwije lepeŋ a Ebenejer, kulya adi, MATAT aje para-kiŋdya yi tojo ko na pirit.