Yosua 4:3 - Bibilia Buk na Ŋun nagon koti luŋu a

³ ko saraki se adi, ’Dumuŋdye ta ŋurupö puök wot murek i kiden na Yardene, i piritön na gwo ’di ’e mokosi ti koanejin go kunu, ko baraddi ta se i nu pele, ko gumbe ta se i pirit nagon ta de mönuŋdyö kata i lo tukwaje nu.

Yosua 4:3 ပူးပေါင်းရင်းမြစ်များ

Suluet 28:22

a na ŋurupit na togwo nan a kumut na mo gwe a kadi inot na Ŋun; a nan mo ’diri tiŋdi do swöt töpuökit na ŋo liŋ nagon do mo tikin nan kune.

Saumajin 103:2

Do töili lio, pupurje MATAT, an do ko böŋö konesi kanyit na ’but liŋ.

Saumajin 11:4

MATAT gwon i kadi nanyit nake, MATAT si ’da i si ’daet nanyit na gwon ki yu; konyen kanyit memeddya ŋutu, lepeŋ gwulu ’ya kulya kase.

Luka 19:40

A nye waddi adi, Nan takiŋdya ta adi, ko lepeŋat yiŋa taliŋ a ma ’di ŋurupo de wowoŋoro ki!

Yosua 24:27

A Yosua kulyani ko ŋutu liŋ adi, Mete ta, na ŋurupit mo na tökoŋu kulya kaŋ; kogwon nye aje yiŋ kulyaesi liŋ ti MATAT logon nye aje jamakin yi kulu; a nye mo na tokoŋ kulya kasu, an ta ko koŋdya ’burönö i kulya ti ŋun losu.

Yosua 3:13

A de gwe sona na mönuŋdye ’dapan ti mok ti koanejin logon ’dokoddu saŋduk na MATAT, MATAT lo kak liŋ i kare Yardene nu, a piŋo ti Yardene de gwo ’de gwo ’dan i ’dokon, a pioŋ na poŋdya i swöt lo loki kune gwi ’diki a ’dome geleŋ.

Yosua 4:4

Nyena a Yosua luŋgi ŋutu puök wot murek logon nye aje wulun i kiden na ŋutu ti Yisaraele kulu, ŋuto geleŋ i kötumit geleŋ;

Yosua 4:8

A ŋutu ti Yisaraele koŋdi gwoso nagon Yosua aje sarakiŋdye se nu, a ’dumuŋdye ŋurupö puök wot murek i kiden na Yardene, gwoso na takiŋdye MATAT Yosua nu, gwoso i kenet na kötumitön ti ŋutu ti Yisaraele; a se baraddi se tojo i nu pele i pirit nagon se mönuŋdyö kata nu, a gumbe se kak nyu.

1 Samuele 7:12

A kirut Samuele ’dumuŋdye ŋurupit a togwi ’dikiŋdye lepeŋ ki i kiden na Misepa ko na Sen, a gwije lepeŋ a Ebenejer, kulya adi, MATAT aje para-kiŋdya yi tojo ko na pirit.