Yosua 21:4 - Bibilia Buk na Ŋun nagon koti luŋu a

⁴ A gura na ’duki a na midijik ti Kowat. Nyena a Lewijin logon a nyakwariat ti Arona kulo wuji i guba na guralan köjinö puök wot musala i kiden na kötumit na Yuda, ko na kötumit na Simeona, se ko i kötumit na Benyamina.

Yosua 21:4 ပူးပေါင်းရင်းမြစ်များ

1 Dekat 6:39

A Asap luŋaser Eman lo gwode ko lepeŋ i könin luta-teŋ. Ŋilo Asap a ŋuro lo Berekia, ŋuro lo Simea,

Yuörö 6:16

A kune gwe a karin ti ŋwajik ti Lewi gwoso i nyakwariat kase. Lepeŋat a ko Gereson, ko Kowat, ko Merari. Kiŋajin ti Lewi a mia geleŋ ko merya musala wot buryo.

Yuörö 6:20

A Ameram yembi Yokebede kiaser na monye a nakwan nanyit, a nye yuŋwekiŋdye lepeŋ Arona ko Mose. Kiŋajin ti Ameram a mia geleŋ ko merya musala wot buryo.

Kenet 3:27

A mede na ŋutu ti Ameram, ko mede na ŋutu ti Yisar, ko mede na ŋutu ti Keberon, se ko mede na ŋutu ti Ujiele gwe a ti Kowat; iŋkoi kine a midijik ti ŋutu ti Kowat.

Yosua 21:3

A ŋutu ti Yisaraele korakiŋdye Lewijin kine köjinö se ko piriton yukisi ti toro ’bo kase a lomoriot kase, gwoso na saŋi MATAT nu.

Yosua 21:5

A kulye ŋutu ti Kowat wuji i guba na guralan köjinö puök i kiden na midijik ti kötumit na Epuraima, ko na kötumit na Dan, ko na swöt lo kötumit na Manase.

Yosua 24:33

A Elejara ŋuro lo Arona twane twan; a se nuŋge lepeŋ Gibea yu nagon a köji na ŋuro lonyit Pinasa, nagon a tiki lepeŋ i jur lo Epuraima logon a merya.