Yosua 13:9 - Bibilia Buk na Ŋun nagon koti luŋu a

⁹ Kak nase lomore suluja Aroer na gwon nyona ko kare Arenon, se ko köji na gwon i kiden na lu kare ko jur liŋ lo gwon i ko ’du na ’dayat na Medeba tojo ko Dibon;

Yosua 13:9 ပူးပေါင်းရင်းမြစ်များ

2 Samuele 24:5

A lepeŋat laŋaddi i nu pele na Yardene, a suluje Aroer i nu köji na gwon i kiden na pirit na ’dir, diraddu Gada tojo ko Yajer.

1 Dekat 19:7

A se gwöruŋdye arabiajin lo jijikö aliŋan merya musala wot murek moŋa ko mor lo Maka ko kamörök kanyit, logon a ŋo a iŋge ’bikikiŋdyö mera nase i komor na Medeba. A ŋutu ti Amon luŋuni kase i köjinö a ŋoŋdi i mörö.

Nemaya 11:25

A ko gwe gwoso i turön ko mele­seno kase, kulye ŋutu ti Yuda si ’da Kiryat-arba ko turön kanyit, ko Dibon ko turön kanyit, ko Yekabesele ko turön kanyit,

Yisaya 15:2

Ŋutu ti Dibon a tu ki i gwien i piritön kwakwasesi na gwon i ko ’dulan ti merya kune. Ŋutu ti Moaba gwigwien i Nebo ki ko i Medeba ki. Kusik kase liŋ gwe a limuö kana, kupir ti nyekema liŋ a ’barinuji kaŋo;

Yeremia 48:18

Ta ŋutu lo si ’da Dibon, kiyuŋdye ta kak i pirit nasu nabubula, si ’dakine ta i kak nateyon; kogwon katukaranit lo Moaba aje po i morö ko ta, a iŋge tukaŋu piritön kasu nago na titiyu kune.

Yeremia 48:22

ko Dibon, ko Nebo, ko Bete-debelataim,

Yeremia 48:8

Katukaranit mo popo i koŋu naköjinö liŋ, a mo tine pitökin ma ’di köji geleŋ to. Pirit na ’dir se ko jur lo gwon i ko ’du mo kökörö a mo ryakani ryaka, gwoso na kulyari MATAT na.

Kenet 21:30

Yi a poŋu se; Kesebon a körö teŋ ko Dibon, yi a tukarara tojo ko Nopak, a yi iŋge tukarara se ko kimaŋ tojo Medeba.

Nyökit 2:36

Suluja Aroer nagoŋ gwon nyona ko kare Arenon, se ko köji na gwon i kare nu, tojo ko Gilada, a nene köji gwe ’bayin nagoŋ a te ’ya yi; MATAT ŋun likaŋ aje pakin ŋo liŋ kayaŋ i könisi.

Nyökit 3:12

A na ’debbi yi lu jur i nu diŋit nu, a nan tiŋdi ŋutu ti Rubena ko ti Gada koret nagoŋ suluja Aroer na gwon nyona ko kare Arenon, ko swöt lo jur lo Gilada logon a merya se ko köjinö kanyit;

Nyökit 3:16

a nan tiŋdi ŋutu ti Rubena ko ti Gada lu jur suluja Gilada tojo ko kare Arenon, a kare lo gwe a lokökorit kase kiden, a lu yeŋgi tojo ko kare Yabok logon a lokökorit lo ŋutu ti Amon.

Yosua 12:2

kweja adi Sikon mor lo ŋutu ti Amori lo si ’da Kesebon, logon tumatyan suluja Aroer na gwon nyona ko kare Arenon ko i kiden na lu kare nu, tojo ko kare Yabok logon a lokökorit lo ŋutu ti Amon, kweja adi lepeŋ a tumatyan i swöt lo Gilada;

Yosua 13:10

ko jurön liŋ ti Sikon mor lo ŋutu ti Amori, logon tumatyan Kesebon yu tojo ko lokökorit lo ŋutu ti Amon;

Yosua 13:16

A kak nase suluje Aroer na gwon nyona ko kare Arenon, se ko köji na gwon i kiden na kare ko jur liŋ lo gwon i ko ’du na ’dayat nyona ko Madeba nu;

Yosua 13:8

A Rubena se ko Gada wuji kak nase lomore ko lele swöt lo kötumit na Manase i pirit na geleŋ, nagon Mose a tin se i nu pele na Yardene i swöt lo ’yure nu, gwoso nagon Mose köliŋönit lo MATAT aje tikiŋdye se nu.