Yoane 9:3 - Bibilia Buk na Ŋun nagon koti luŋu a

³ A Yesu waddi adi, Ti gwon adi lo ŋuto a toroŋdya, kode monye ko ŋote, ama lepeŋ yuŋwe a mo ’doke anyen memeta adi Ŋun kikita ko lepeŋ i mugun.

Yoane 9:3 ပူးပေါင်းရင်းမြစ်များ

Eyobo 21:27

Mete ta, nan aje kurun yeyeesi kasu, se ko ŋo nagon ta yeye i kulya kwe kune.

Eyobo 32:3

lepeŋ köti a woran ko julin musala ti Eyobo kulo, kogwon se a ko ryö ruket nagon se te ’yi Eyobo, ma ’di nagon se a ’duŋökiŋdyö kulya kanyit adi nye a loron.

Eyobo 42:7

A gwe sona i mukök nagon MATAT aje jamakiŋdya Eyobo kilo kulyaesi nu, a MATAT kulyani ko Elipaja lo po Teman adi, Nan a woran ko do se ko kilo julin kulök murek; kogwon ta a ko jambu po na ’but i kulya kwe gwoso na jambi köliŋönit liŋ Eyobo na.

Matayo 11:5

adi ŋutu mo ’dokeno meddi meddya, ŋodeki wöröni wörö, ŋutu ti rimajin aje tokela, miŋeki yiŋge yioga, ŋutu lo twatwa aje toŋiyu i twan, ŋutu lomerika aje tokuki Loŋe Lo ’but.

Yoane 11:4

A Yesu ko yiŋge ŋilo lore a nye kulyani adi, Ŋilo twanti ti tatuja, ama anyen bulari Ŋun ko anyen jakiŋdya nan Ŋuro lo Ŋun bulet.

Yoane 11:40

a Yesu pije lepeŋ adi, Nan dika a ko takin do adi ko do a yubbö do mo memet bulet na Ŋuro?

Konesi 28:4

A kilu ŋutu ko meddi munu leleju ko Paulo i könin nu, a se tokulyaki ko ’börik adi, Ŋilo ŋuto meta gwoso nye a katatuanit, a rima mo tine kölökin lepeŋ ma ’di nagon nye a lwökun mugun kaŋo i tör.

Konesi 4:21

A se tokujoŋdi se köti, a kölöddi se, ti ryö kiko logon se riŋge lepeŋat kogwon se kukujönö ŋutu; kogwon ŋutu liŋ pupurja Ŋun i po na kona kune.

1 Yoane 4:16

Nyena yi deden ko a yuŋ nyaŋu nagon Ŋun nyaŋi yi na. Ŋun lo gwon a nyaŋu, nye logon gwolor i nyaŋu lo, lepeŋ gwolor ko Ŋun i mugun, a Ŋun gwolore kanyit i mugun.

1 Yoane 4:9

I ŋina Ŋun a kweja nyaŋu nanyit kayaŋ i mugunya, a nye sunyukiŋdye yi pilili lonyit lo ŋuro i na kak, anyen yi böpö gwon jörun kogwon lepeŋ.