Yoane 8:9 - Bibilia Buk na Ŋun nagon koti luŋu a

⁹ A na yiŋge se kine kulya nu, a se ’doddi ’börik kaŋo geleŋ geleŋ, suluja i ŋuto logon aje golon tojo ko ’dutet, a Yesu kölökine geleŋ se ko ŋuto na nyuŋ gwogwo ’dan.

Yoane 8:9 ပူးပေါင်းရင်းမြစ်များ

1 Moran 17:18

A nu ŋuto pipije Eliya adi, Kulya kwe a nyo konut do ŋuto lo Ŋun? Do aje ŋo köyö ni i toyiyikiŋdyö na nan toron nio le, ko i tatuja na ŋuro liŋ?

1 Moran 2:44

A mor köti kulyani ko Simei adi, Do a den konut i töili toron liŋ na konakin do baba Dawidi nu, nyenagon MATAT de nyönyö-kökin toron inot konut i kwe.

Eyobo 20:27

A ki mo kweji toronjin kanyit, a kak mo ŋine i tuggo adi lepeŋ a loron.

Eyobo 20:5

ŋuto loron bu ’ya mugun diŋit a na ŋutu, iŋkoi, ŋuto logon ti twöju Ŋun lyölyöŋi ko diŋit a na ’dit döŋdi. ’Bayin sona le?

Saumajin 40:14

Ti ŋutu logon ga ’yu tukaŋu ru nio kilo ti se telani tela, ko ti se dyadya ’yi dyadya ’yu! Ti ŋutu logon nyanyar konakindya nan arabat kilo ti se löŋukwene bot ko ti se lawene lawe!

Saumajin 50:21

Kine kulya do a kon, a nan yiŋani taliŋ; do yeyeju adi nan jojo gwoso do liŋ. Ama soŋinana nan ririŋ do, a nan petakindye kulya na kon do kine konut i komor.

Saumajin 71:13

Ti se logon ga ’yu ru nio kilo, ti se telani tela ko ti tukarani tukara! Ti ŋutu lo ga ’yu kondya nan arabat kilo, ti se manani mana ko ti lawene lawe!

Katokuönit 7:22

do a den konut i toili adi diŋitan jore do aje lombu kulye ŋutu.

Luka 13:17

A na kulyari nye sona nu, a merok kanyit liŋ yune yu kusik, a lodir lo ŋutu liŋ lyöŋi lyöŋön ko ŋo liŋ temejik nakwekwelen na kon lepeŋ kune.

Yoane 8:10

A Yesu riuŋdye mugun ki, a pije adi, Do ŋina ŋuto, kuliya ŋutu kulo? Ŋuto ’bayin lo ’duŋökiŋdyö kulya kunök le?

Yoane 8:12

A Yesu köti kulyani ko ŋutu kulo adi, Nan a parara na ŋutu ti na kak. Nye logon kebbu nan lo ti wörö i mudwe kwöŋ, ama lepeŋ gwon ko parara toruet.

Yoane 8:2

A kotumalu ’beron a nye köti poŋdi i Kadi na Ŋun. A ŋutu liŋ poŋdi kanyit ni; a nye si ’dakine kak a poki i todiŋdyö na se.

Yoane 8:3

A katodinök ti Saresi ti Mose se ko Parusijin joŋdi nene ŋuto nagon a moka i lupö. A se tiŋdi lepeŋ i gwo ’dan ko ŋutu kiden,

Yoane 8:8

Köti a lepeŋ dulakine kak a wuŋe kak ko morinet.

Roma 2:15

kogwon lepeŋat a kwekiŋdya adi ŋo nagon kilo Saresi ’de ’deggi kune a wuröki kase i töilyet. A töilyet kase denesi ti kulya na ’but ko narok koti lo tokoŋ adi kine kulya a gwak, kogwon yeyeesi kase ti töilyet na pökiŋdyö se kode na gaju se.

Roma 2:22

Do lo kulya adi, An do ko lubbö, ama do kölumbö lulubbo le? Do maman nyomuejin, ama do kölumbö ryaryaggu kadijik kase le?

1 Yoane 3:20

i liŋ nagon toilyet kaŋ lo tuggo adi yi a koŋdya arabat, kogwon Ŋun a duma lwölwoŋ toilyet kaŋ ko deden po liŋ.