Yoane 7:7 - Bibilia Buk na Ŋun nagon koti luŋu a

⁷ ŋutu ti kak ni ti bulö maŋdu ta, ama lepeŋat maman nan, kogwon nan tökoŋu adi konesi kase a narok.

Yoane 7:7 ပူးပေါင်းရင်းမြစ်များ

1 Moran 21:20

A Aba kulyani ko Eliya adi, Miriku liŋ, do a ryö nan? A nye waddi adi, Nan aje ryö do, kogwon do aje tugwörökiŋdyö mugun a ’duŋiet lo toron ko MATAT i komor.

1 Moran 22:8

A mor lo Yisaraele waddi Yosapata adi, Lele ŋuto geleŋ nyuŋ kata logon yi bubulö piyuŋdya MATAT ko lepeŋ, karin kanyit a Mikaya ŋuro lo Imila; ama nan maman lepeŋ, kogwon lepeŋ ti kikiŋdyö nan kulya na ’but nagon kulya narok. A Yosapata kulyani adi, Ti do mor gwe ti jambu sona.

Saumajin 109:5

Se a nyökökindyö nan toron i kulya na ’but, iŋkoi, a nyökökindyö nan mandu kogwon nyaŋu nio.

Tolupesi 15:12

Ŋuto ka ’dö ’döyönit ti ’bön ŋuto jamakindya lepeŋ kulyaesi riri-ŋesi, lepeŋ ti ’bön tu i ŋuto lokoŋ.

Tolupesi 8:36

Ama nye logon a ko ryo nan lo böŋöddu mugun nanyit. ŋutu liŋ logon maman nan kilo nyanyar twatwa.

Yisaya 29:21

kilo a se logon pokiŋdyo ŋuto kulya, a ga ’yi Ioŋga a ka ’duŋonit lö kulya, a se mumuluŋge mumulugga anyen ŋutö lo rigwo ’duŋöki putet loron.

Yisaya 49:7

MATAT logon a kadakanit lo Yisaraele ko a Loke lonyit, lo kulya sona ko ŋuto logon a lawe asut, iŋkoi, ko lepeŋ logon a mana asut ko jur lonyit, lepeŋ a jambu ko kölipönit lo kasarak, adi, Ko moran mo a meddya do a se mo ŋine ki; a kimak köti mo rosokakine kak; kogwon kulya kwe nan MATAT lo yiyiniki, Loke lo Yisaraele, logon aje wuluŋdyö do lo.

Yeremia 20:8

Kogwon temba i diŋit naŋon nan jajambu na nan agu lulujö, a nan woŋe parik adi, Mörö kata, karan kata! ŋutu momoröju nan ko ’dö ’döju nan tuparan liŋ kogwon nan jambu kulyaet ilot lo MATAT.

Lewi 13:10

a koane gwulu ’ye gwulu ’ya, nyena, ko nene gwönit nakwe kata kanyit i ’böriköt nagon a tiŋdu kupir i kwekweja, a ko nene ’dika gwon i nu gwönit,

Jakaria 11:8

A nan riköddi kayukuk musa-la i yapa geleŋ. A töili liŋ gwe ti ŋoŋga kulya ko se, a kata nase köti gwe pötwör ko nan.

Malaki 3:5

Nan MATAT lo kurumi lo kulya adi, Nan mo mimijoro kasu nyona i ’duŋgo na putet; a nan mo gwe ajo i tökoŋu arabat kulya ti ka ’demak, ko ti kalupok, ko ti kamilyok logon milyeju a wuya kana kilo, ko ti karudak ti ŋutu lo roröpaki kita, ko ti karudak ti karu ’be-jin, ko ti karudak ti kikijiko, ko ti se lo dukaddu ŋutu logon a lepelok kilo. Kilo a ŋutu logon ti kujono nan.

Luka 6:26

Gwon a delya kasu ko ŋutu liŋ jambu adi ta a lo ’but. Merenyejin kase köju a konakiŋdya nebijin ’burönök sona i ŋilo kiko lo geleŋ ŋilo.

Yoane 17:14

Nan aje jamakin se kulyaesi kulök, a ŋutu ti na kak mane man se, kogwon se ti gwon a ti na kak gwoso nagon nan ’bayin a lo na kak na.

Yoane 3:19

Nyena ’duŋet na putet gwon sona adi parara aje po i na kak, ama kölumbö a ŋutu nyaŋi mudwe lwölwöŋ parara, kogwon lepeŋat koŋdya Ŋo narok.

Roma 8:7

Kogwon ŋuto logon tiŋdu töili lonyit i kulya ti gwiliŋit lo na kak lo, lepeŋ a miriku lo Ŋun, kogwon lepeŋ ti twöju saresi ti Ŋun, ’diri nye ti bulö.

Galatia 4:16

Nyena nan soŋinana ŋona aje wora a miriku losu kogwon nan jamakiŋdya ta kulya ’diri le?

Yakobo 4:4

Ta ti jukin yiniki kogwon ta gwon gwoso wate nagon nyanyar kulye lyan. Ta a ko den le adi ŋutu logon nyanyar na kak kilo a merok ti Gun? Nyena ko ŋutu logon a ju lo na kak lepeŋ koŋdya mugun a miriku lo Ŋun.

1 Yoane 4:5

Nebijin ’burönok a ti na kak, a se jambi gwoso na jambi ŋutu ti na kak na, a ŋutu ti na kak yiŋge lepeŋat.