Yoane 4:3 - Bibilia Buk na Ŋun nagon koti luŋu a

³ a nye kö ’yi Yudaya, a yitöni Galilaya.

Yoane 4:3 ပူးပေါင်းရင်းမြစ်များ

Matayo 10:23

a na sasaŋdi se ta i nene köji nu, wöki ta i nene, kogwon ’diri nan takiŋdya ta adi ta mo ti tutuŋ köjinö liŋ ti Yisaraele a kokwe na poŋdi nan ŋuro lo ŋuto.

Marako 3:7

A Yesu se ko ŋutu kanyit kajujumuk kulo kö ’yi ŋinu pirit a iti i tor na Galilaya, a ŋutu jore kepoddi lepeŋ, logon a po Galilaya ko Yudaya,

Luka 17:11

A gwe sona, na tiri Yesu i kiko lo tu Yerusalema nu, a nye Iwoŋoddi i kiden na Samaria ko Galilaya.

Yoane 1:43

A kotumalu Yesu ’deke tu Galilaya, a nye ryeji Pilipo, a kulyani ko lepeŋ adi, Kipuŋdye nan.

Yoane 10:40

A nye köti yitöni i nu pele na Yardene, i pirit nagon Yöaŋe koju babatiddye nu. A nye mönuŋdye nyu,

Yoane 11:54

Nyenagon a Yesu köti tine wörö köke ko Yudayaki kiden, ama a kö ’yi ŋinu pirit a iti i jur logon nyona ko yöbu, i köji na luŋu a Epuraima, a mönuŋdye nyu se ko ŋutu kanyit kajujumuk.

Yoane 2:11

ŋo nagon Yesu a kon Kana na Galilaya yu nu a kweyet suluet, a nye kwekiŋdye minyo lonyit nyu; a ŋutu kanyit kajujumuk yubbe lepeŋ.

Yoane 3:22

A ko gwe sona, i mukök na kine kulya, a Yesu se ko ŋutu kanyit kajujumuk iti i jur lo Yudaya; a nye si ’dani nyu ko se i pirit na geleŋ babatiddya.

Yoane 3:32

Lepeŋ tökoŋu ŋo nagon nye aje met ko a yiŋ kune, ama a ŋuto gwe ’bayin lo ruggö ŋo na tokor nye kune.

Yoane 4:47

A na yiŋge nye adi Yesu aje kö ’yu Yudaya a gwe Galilaya nu, a nye iti ko lepeŋ yu, a mamaŋdi lepeŋ anyen lulurara kak i toke ’ya na ŋuro lonyit logon gwe nyona ko twan lo.

Yoane 7:1

A i mukök na kine ŋo a Yesu wöröni Galilaya kata, a nye tine wörö Yudaya kata kogwon Yudayaki ga ’yu tatuja lepeŋ.