Yoane 3:3 - Bibilia Buk na Ŋun nagon koti luŋu a

³ A Yesu waddi lepeŋ adi, ’Diri ’diri nan takiŋdya do adi, ko lele ŋuto a ko yuŋwe köti a ludu-kötyo, a nye tine met Tumatyan na Ŋun.

Yoane 3:3 ပူးပေါင်းရင်းမြစ်များ

Yeremia 5:21

Ta ŋutu lu ’boŋ togon ’bak yeyeesi, logon kata ko konyen, ama ti meddya, logoŋ kata ko swo, ama ti yiŋga kulo, yiŋge ta.

Ejikele 36:26

A nan mo tiŋdi ta toilyet ludukö, a mo tiŋdi yeyeesi ludukö kasu i mugunya; a nan mo ’dumaddi kaŋo töilyet iŋgo gwoso ŋurupo kasu i mugunya a tiŋdi ta töilyet ti mugunya.

Matayo 16:17

a Yesu nyobbi adi, Simona ŋuro lo Yona, do ’diri a kalyöŋönit! Kogwon ŋuto lo na kak a ko kwekin do kine kulya, ama tuŋ Baba lo gwon ki lu nye lo kwekiŋdya do.

Matayo 19:24

Köti nan takiŋdya ta adi, Gwon pölilyö ko kamilo i lupö i dili na libira lwölwöŋ lupö na ŋuto kwörinit i Tumatyan na Ŋun.

Matayo 21:31

I kilo ŋwajik murek lon logon aje koŋdya ŋo nagon monye ’de ’dekan? A se waddi adi, Ŋuro kayu lo logon aje koŋdya. A Yesu kulyani ko se adi, ’Diri nan takiŋdya ta adi, Kapepenak ti usur se ko kalupejin lupö i Tumatyan na Ŋun kasu ŋerot.

Matayo 5:18

’Diri nan takiŋdya ta adi, tojo ko ki se ko kak a likin, ma ’di leta geleŋ na ’dit kode kotet na leta mo ti likin i Saresi tojo ko kine ŋo liŋ aje kona.

Marako 10:14

Ama a Yesu ko mete, a nye iŋge woran a kulyani ko se adi, Kölu ta kilo lupudiet ti poŋdi köyö ni, an ta ko teŋ ta lepeŋat; kogwon Tumatyan na Ŋun a na ŋutu logon gwoso kulo lupudiet.

Marako 9:47

A ko koŋe ilot lo lokuŋdya do i toroŋdya, wuluddu nye kaŋo; bia a na ’but ko do lupö i tumatyan na Ŋun ko koŋe geleŋ lwölwöŋ do gubaji i Geena ko konyen murek,

Yoane 1:13

Yuŋwe nase ti gwon gwoso na yuŋweni ŋutu na i ’dekesi ti mugun gwoso na ’deggi ŋutu na, ama yuŋwe nase a na Ŋun.

Yoane 1:5

A pararan la pararakiŋdye i mudwe, a mudwe gwe a ko te ’ya lepeŋ kwoŋ.

Yoane 1:51

A nye kulyani ko lepeŋ adi, ’Diri ’diri nan takiŋdya ta adi ta mo memet ki i ŋaju ko malaikajin ti Ŋun i tu ki ko i po kak köyö i mugun, nan Ŋuro lo ŋuto.Budu yemet kata Kana yu

Yoane 12:40

Ŋun aje tomo ’dokeju konyen kase, a tiŋdi töilyet kase i gwon pomöni. Ko ködyö nye a ko koŋdya sona lepeŋat ködyö memet ko konyen kase, a kuru kurun ko töilyet kase, a löpukuŋdye kanyit ni a nye ködyö toke ’yi se.

Yoane 3:4

A Nikodemo pije lepeŋ adi, Ŋuto bubulö yuŋwe ada ko lepeŋ gwe a mo-doŋ? Lepeŋ bubulö lupö ko Ŋote i pele daŋ tomurek anyen yuyupwe?

2 Korinto 4:4

Ŋun lo na kak aje muggö toilyet ti kilo ŋutu logon a ko yubbö kilo gwoso se a ŋutu mo ’dokeno, anyen se gwon ti meddya parara na Loŋe Lo ’but lo minyo lo Kristo logon a kelaji ko Ŋun lo.

2 Korinto 5:17

Nyenagon ko lele ŋuto gwon ko Kristo i mugun, nye aje gweya a ludukötyo; kulya ti ’beron kune aje ’duddyö, mete, ŋo liŋ gwe a ludukö.

Galatia 6:15

Kogwon ko ŋuto a tawero kode a ko tawero ti gwon a nene ŋo; ama ŋo duma tuŋ gwon adi ŋuto ködyö gweya a ludukotyo.

Epeso 2:1

Ta köju a twatwa kogwon lyaŋesi kasu se ko toronjin kasu.

Nyökit 29:4

a MATAT gwe a ko tiŋdu ta töilyet lo kukuruŋdyö, ko konyen metesi, kode swö yiŋesi tojo ko lo lor.

Tito 3:5

a lepeŋ iŋge lwok yi. Lepeŋ lwöggu yi ’bayin kogwon kitajin na ’but nagon yi a kon kune, ama kogwon lepeŋ a kayatanit. Lepeŋ Iwoggu yi kogwon lalai nikaŋ, ko yuŋwe nikao a ludukö i riŋit na Mulökötyo Loke logon a toluduggo yi lo.

Yakobo 3:17

Ama koŋon na po ki yu na, a kokwe a nake, lepeŋ a na taliŋ, ko a nakoyok. Ŋina koŋon tiŋdu ŋutu i yiŋga na yeyeesi ti kulye Ŋuto; lepeŋ a jore ko yatet, a rade ludweki lo ’but, lepeŋ ti nyunyumbö ŋutu, ko ti mumuluŋga.

1 Petero 1:3

Ti Ŋun Monye Matat likaŋ Yesu Kristo purani pura. Lepeŋ ko yatet nanyit duma a tiŋdu yi i yuŋwe a luduko kogwon nye a toniju Yesu Kristo i twan, anyen yi gwon ko yenet nagon ti twan.

1 Yoane 2:29

Ko ta deden adi lepeŋ a lo rigwo, ta agu kodyo kukurun adi, ŋutu liŋ lo koŋdya ’bura kilo a ŋwajik ti Ŋun.

1 Yoane 3:9

Ŋuto logon Ŋun lo yupuŋdyö lo ti yeŋ po koŋdya toron, kogwon gwesin ti Ŋun gwon kanyit i mugun, a lepeŋ tine bulo yeŋon koŋdya toron kogwon lepeŋ a ŋuro lo Ŋun.

1 Yoane 5:1

Ŋutu liŋ logon yubbö adi Yesu a Masia kilo a ŋwajik ti Ŋun. Ŋuto logon nyanyar monye ŋwajik lepeŋ nyanyar ŋwajik kanyit köti.

1 Yoane 5:18

Yi deden adi ŋuto logon Ŋun lo yupuŋdyö lo ti yeŋon koŋdya toron, ama a Ŋuro lo Ŋun lo tiji lepeŋ, a Ŋilo Loron tine ’bo ’yu lepeŋ.

1 Yoane 5:4

Kogwon ŋutu liŋ logon Ŋun lo yupuŋdyö kilo a te ’ya na kak, a yubbö nikaŋ gwe a telet nagon yi te ’yi na kak na.

Kweyatti 3:14

Wuroki malaikatat lo kanisa na gwon Laodikia na adi, Kilo a kulyaesi ti Amin, logon a katokoronit logon gwo ’dan go ko a lo to ’diri, logon po liŋ na gwe Ŋun kine pipiluŋdya ko lepeŋ i mugun lo.