Yoane 17:5 - Bibilia Buk na Ŋun nagon koti luŋu a

⁵ Soŋinana pon Baba, tiki nan i bula konut i komor ko bulet nagon nan köju parundya konut a kokwe nagon kak a ko nyuŋ gweya nu.

Yoane 17:5 ပူးပေါင်းရင်းမြစ်များ

Matayo 25:34

a kirut nan Mor mo kulyani ko se lo gwon köyö i swöt lo lutaten kulo adi, Po ta, ta logon Baba aje ’boroja kilo, wuji ta kido anyen ta gwon a ŋutu ti Tumatyan nagon aje tetenaki ta köju ’beron suluja i gweya na kak;

Yoane 1:18

Lele ŋuto ’bayin kwoŋ logon aje met ŋun, ama ŋuro pilili lo Ŋun logon gwon ko Monye i merete, nye lo tiŋdu lepeŋ i dena.

Yoane 10:30

Yi ko Baba a ŋo geleŋ.

Yoane 14:9

A Yesu pije lepeŋ adi, Nan aje joŋga diŋit a najo ko ta, ama Pilipo do nyuŋ a ko den nan? Ŋuto logon a met nan lo aje met Baba. Nyena nyo do kulya adi, Kweki yi Munyi?

Yoane 17:1

A nagon Yesu aje jambu kilo kulyaesi nu, a nye ’bi ’yi konyen kanyit ki, a kulyani adi, Baba, diŋit aje ’dur; bu ’ye Ŋuro ilot anyen nan Ŋuro böŋö bu ’ya do,

Yoane 17:24

Baba, nan ’de ’dekan adi ti kulo ŋutu logon do aje tin nan kulo boŋö gwe ko nan i pirit na gwoŋdi nan na, anyen se boŋö memet bulet nio nagon do aje tikin nan na, kogwon do aje nyar nan a kokwe nagon kak a ko nyuŋ gweya nu.

Yoane 3:13

Lele ŋuto ’bayin logon aje tu ki tuŋ nye lo po kak ki yu lo, nye logon a nan Ŋuro lo ŋuto logon mede nio nu ki.

Yoane 8:58

A Yesu waddi lepeŋat adi, ’Diri ’diri nan takindya ta adi, I ŋerot nagon Abarayama a ko yuŋwe nu, a nan gwe kata.

Pilipoi 2:6

Adi suluja i suluet lepeŋ kelaji ko Ŋun, ama a nye gwe a ko ’depakiŋdya go i gwon jojo ko Ŋun.

Ebere 1:10

A Ŋun köti kulyani adi, Pon Matat, i suluet do a togwo ’ya togwi ’diesi ti kak, a do gweji ki ko könisi kulok.

Ebere 1:3

Lepeŋ pararaju ko minyo lo Ŋun, ko a ŋo ji ŋoti gwak na Ŋun a kelajine ko lepeŋ. Ŋilo Ŋuro ’debba kak ’bukuluŋ ko kulyaet lonyit lo riŋit. A nagon nye aje lalaju toronjin ti ŋutu nu, a nye si ’dakine kak i konin lutaten lo Mor lo gwon ki lu.

1 Petero 1:20

Lepeŋ a wulöki kine kulya a kokwe na gweya na kak, ko aje kweya i kulo perok ’dutesi kogwon kulya kasu.

1 Petero 1:21

Ta a yubbö Ŋun kogwon lepeŋ. Ŋun a toŋiju lepeŋ i twan a tiŋdi lepeŋ i bula, anyen ta yuyubbö a yeŋdi Ŋun.

1 Yoane 1:2

Ŋina Ru a kweya, a yi iŋge met lepeŋ, a yi iŋge tokoŋu kulya kanyit, a yi iŋge tukokin ta kulya kanyit, adi, nye a ru na yeŋ nyin nagon gwon ko Ŋun Monye a iŋge kweki yi na.

Kweyatti 13:8

A ŋutu liŋ lo gwolor i kak ni kulo mo twoji lepeŋ, kweja adi se liŋ logon karin kase koju suluja i gweya na na kak a ko wuröki i buk na ŋutu lo gwon jörun na, nagon a buk na Kilolor lo tatua lo.

Kweyatti 3:21

Ŋuto logon a te ’ya lo, nan mo ’bu ’burukin lepeŋ i si ’daki kak ko nan i si ’daet nio na tumatyan i pirit na geleŋ, gwoso nagon nan köti a te ’ya na, a si ’dakine kak ko Baba i si ’daet nanyit na tumatyan i pirit na geleŋ.