Yoane 17:3 - Bibilia Buk na Ŋun nagon koti luŋu a

³ Ŋina a ru na yeŋ nyin anyen se deden do logon a Ŋun geleŋ ko a gwak, se ko nan Yesu Kristo logon do aje sunyun lo.

Yoane 17:3 ပူးပေါင်းရင်းမြစ်များ

1 Dekat 28:9

Nyenagon do Solomona ŋuro lio, dene den Ŋun lo munyi, ko kitakiŋdye lepeŋ ko ’dekesi ti töili ilot liŋ; kogwon MATAT ŋga ’yu töilyet ti ŋutu liŋ ko deden kikolin yeyeesi kase liŋ. Ko do ga ’yu lepeŋ, lepeŋ de kwekwekin mugun konut; ama ko do a kölökin lepeŋ nye mo papa do asut.

2 Dekat 15:3

Kogwon diŋit a najo Yisaraele ’bak Ŋun lo to ’diri, a gwe ’bak koane katokoronit lo saresi kanyit, a se gwe ’bak keri.

Saumajin 9:10

A se logon deden karin kunok kilo yinikindye ’börik konut, kogwon do MATAT a ko kö ŋutu lo ga ’yu do kilo.

Tolupesi 8:35

Nye lo ryeju nan lo ryeju ru a nye puje ’busan ko MATAT i könin.

Yisaya 48:16

Miju ta köyö nyona, yiŋge ta kine kulya; suluja i suluet nan a ko jambu a lwön, suluja i diŋit na gwoŋdi nye nu a nan gwe kata. (Soŋinana MATAT Ŋon se ko Mulökötyo lonyit aje sunyun nan.)

Yisaya 53:11

i mukök na dara na ködudwö nanyit a nye mo meddi parara, a piö yimönöni yimönö, a kölipönit liŋ lo rigwo lo mo ririkiŋdye ŋutu jore gwogwo, kogwon kuruŋdyönanyit, a nye mo ’doggi toronjin kase.

Yisaya 61:1

Mulökötyo lo MATAT Ŋun gwon köyö loki; kogwon MATAT aje welakin nan; nye aje son nan i tokukiŋdyö na lorge lo ’but i ŋutu lokoyokak; nye aje son nan i doŋgu na se logon a ’be ’beleŋo kase i töilyet kilo, i laikiŋdya na se lo rereka i yukwe nase, ko se logon a totora i gaye nase kaŋo;

Yeremia 10:10

Ama MATAT a Ŋun gwak; lepeŋ a Ŋun lo gwon jörun ko a Mor lo yeyeŋon ŋupi. Ko nye a woran a kak böŋdi böŋdu, a jurön tine bulö ŋoŋga ŋoma nanyit.

Osea 6:3

Ti yi dene ta den MATAT, ti yi ri ’dikiŋdye ta ’börik i deŋdya na lepeŋ; ŋo nanyit a gwak gwoso nagon kak ’diri babaŋuŋdye na; lepeŋ mo ŋoŋo kayaŋ ni gwoso lilima, ŋo nanyit gwoso ’don na kudu lo kiser lo popogga kak.

Marako 9:37

Ko na lo wuju lele ŋuro gwoso lo i karin kwe wuju nan, a ko na lo wuju nan nye ’bayin wuju nan ama wuju nye lo sunyuŋdyö nan lo.

Luka 9:48

a nye kulyani ko lepeŋat adi, Ko na lo wuju lo nuro i karin kwe wuju nan, a ko na lo wuju nan wuju lepeŋ lo sunyuŋdyo nan lo; kogwon ŋuto logon a lo ’dit bia parik kasu kiden liŋ lo lepeŋ logon a duma.

Yoane 10:36

Nyena ko nyo ta kulya ko nan logon Ŋun Monye a gelun a iŋge sunyun i na kak lo, adi nan lauŋdya Ŋun kogwon nan a kulya adi nan a Ŋuro lo Ŋun?

Yoane 11:42

Nan ko mugun nio aje den adi do yiyiŋ nan ŋupi; ama nan jambu kogwon kulo ŋutu lo gwogwo ’dan ni kulo, anyen se böŋö yuyuŋ adi do lo sunyuŋdyö nan.

Yoane 14:26

ama Kato golonit logon a Mulökötyo Loke, logon Baba mo susunyun köyö i karin lo, mo totodinikin ta ŋo liŋ, a mo toyiyikiŋdye ta ŋo liŋ nagon nan aje jamakin ta kine.

Yoane 17:18

Nan aje son se i na kak gwoso nagon do aje sunyun nan i na kak na.

Yoane 17:21

Boŋo ti lepeŋat liŋ gwe a pele geleŋ gwoso na gwoŋdi do Baba köyo i mugun a nan gwe konut i mugun na, anyen se koti gwon kayaŋ i mugunya, anyen ŋutu ti Lak ni boŋo yuyuŋ adi do lo sunyuŋdyö nan.

Yoane 17:23

a nan gwe kase i mugunya, a do gwe köyö i mugun, anyen se ’diri gwon a pele geleŋ, anyen ŋutu ti kak ni boŋo deden adi do aje sunyun nan, a do iŋge nyar se gwoso na nyaŋi do nan na.

Yoane 17:25

Pon Baba lo ’but, ŋutu ti kak ni a ko den do, ama nan a den do, a kulo ŋutu iŋge den adi do lo sunyun-dyo nan.

Yoane 17:8

kogwon nan aje jamakin lepeŋat kulyaesi logon do aje jamakin nan kilo, a lepeŋat iŋge wu se, a lepeŋat iŋge kurun ’diri adi nan po konut yu, a lepeŋat iŋge yuŋ adi do lo sunyuŋdyö nan.

Yoane 3:17

Kogwon Ŋun a ko sunyun Ŋuro lonyit i na kak anyen ko ’duiŋgö putesi, ama anyen lwöggu ŋutu ti na kak.

Yoane 3:34

Kogwon nye logon Ŋun aje son lo jambu kulyaesi ti Ŋun, kogwon Ŋun tiŋdu Mulökötyo abur ’bak temet.

Yoane 5:44

Ta bubulo yubbo ada ta logon totobu ko ’borik kilo, ama a tine ga ’yu bulet nagon po ko Ŋun lo geleŋ?

Yoane 6:57

Nyena gwoso nagon Ŋun Monye lo gwogwolor lo aje sunyun nan, a nan gwolore kogwon lepeŋ, köti gwon sona adi ŋuto lo nyesu nan lo mo gwogwolor kogwon nan.

Yoane 7:29

Ama nan deden lepeŋ kogwon nan po ko lepeŋ yu, a nye iŋge sunyun nan.

Yoane 8:19

A se pije lepeŋ adi, A liya Munyi? A Yesu waddi adi, Ta ti den nan ma ’di Baba. Ko ta ködyö a den nan, a ta ködyö köti deden Baba.

1 Korinto 15:34

Purwene ta, ti yeyeesi kasu yitwene a na ’but, kö ’yi ta toroŋdya. Kulye kasu a ko den Ŋun; nan jambu sona anyen kusik kasu yuyu.

1 Korinto 8:4

Nyena i kulya ti nyesu na kinyojin lo wuki nyömuejin, yi deden adi nyomue ’diri ti gwon jorun, tuŋ yi deŋdya adi kulye ŋunyen ’bayin, ama ŋun kata geleŋ.

2 Korinto 4:6

Kogwon Ŋun logon köju a kulya adi, Ti parara parara-uŋdye kaŋo i mudwe lo, ŋilo a Ŋun lo geleŋ logon a pararakiŋdya kayaŋ i töilyet anyen tiŋdu parara nagon denari minyo lo Ŋun i pararauŋdya ko Yesu Kristo i komor.

Pilipoi 3:10

Nan ’de ’dekan ŋo geleŋ tuŋ, kweja adi nan ’dek deŋdya Kristo, nan ’dek deŋdya riŋit na ŋien nanyit i twan.

Pilipoi 3:8

Iŋkoi, nan kiuŋdyö ŋo liŋ adi se ’bak ’bulit, kogwon deŋdya nio na Kristo Yesu Matat liŋ a ’bulit duma parik lwölwöŋ ŋo liŋ. Nan a tolikin ŋo liŋ kogwon kulya kanyit, a nan iŋge kiun kine ŋo liŋ gwoso korodo, anyen nan böŋö ryeju Kristo

1 Tesalonike 1:9

kogwon kulye ŋutu lo Tambu kulya ti wuju nasu na yi i diŋit na ’yo ’yi yi ta nu, ko ta lopukwe i nyomuejin ko Ŋun ni ada anyen kitakiŋdya lepeŋ logon a gwak lo gwon Jorun lo,

2 Tesalonike 1:8

Lepeŋ po ko kimaŋ na tutule i riŋga na ŋutu logon ti den Ŋun se ko ŋutu logon ti twoju Loŋe Lo ’but lo Matat likaŋ Yesu kilo.

Ebere 3:1

Nyenagon ta luŋasirik kwe logon Ŋun a gelun ko a luŋi parundya na kulya ti ki kulo, yeyene ta yeye Yesu. Lepeŋ a Luyökie ko a Koane duma i keri likaŋ lo yupet.

2 Petero 1:2

Nan roman ko ta adi, Ti ’busan ko taliŋ gwe ko ta bia parik i deŋdya nasu na Ŋun ko na Yesu Matat likaŋ.

2 Petero 1:3

Matat likaŋ ko riŋit nanyit na Ŋun na, aje tiŋdu yi po liŋ nagon ’de ’dekarikin i gwolor ko i kugga na Ŋun.

2 Petero 1:8

Kogwon ko ta gwon ko kine ŋo abur, a se tiŋdi ta adi ta ’bayin a yokia kode ’bak ludweki i deŋdya nasu na Matat likaŋ Yesu Kristo.

1 Yoane 1:2

Ŋina Ru a kweya, a yi iŋge met lepeŋ, a yi iŋge tokoŋu kulya kanyit, a yi iŋge tukokin ta kulya kanyit, adi, nye a ru na yeŋ nyin nagon gwon ko Ŋun Monye a iŋge kweki yi na.

1 Yoane 1:3

Yi koti a tukökiŋdyö ta ŋo nagon yi aje met ko aje yiŋ kune, anyen ta boŋö gwon a po geleŋ koyi i pirit na geleŋ; ŋina tojulin nikaŋ gwon i pirit na geleŋ ko Ŋun Monye se ko Ŋuro lonyit Yesu Kristo.

1 Yoane 2:23

Ŋuto lo renya Ŋuro lo Ŋun lo ’bak Ŋun Monye. Ŋuto lo ruggo Ŋuro lo Ŋun lo lepeŋ koti gwon ko Ŋun Monye.

1 Yoane 4:6

Yi a ti Ŋun; ŋuto logon deden Ŋun lo yiyiŋ kulya kaŋ, a nye logon ’bayin a lo Ŋun lo tine ’bon yiŋga kulya kaŋ. I ŋina a yi buloni bulo gwulu ’yu ko mulokotyo lo to ’diri se ko mulokotyo lo lyapan.

1 Yoane 5:20

Yi deden adi Ŋuro lo Ŋun aje po. Lepeŋ aje tiŋdu yi kuruŋdyö na kulya anyen yi deden nye logon a gwak lo. Yi gwon ko lepeŋ logon a gwak lo i mugun, kogwon yi gwon ko Yesu Kristo Ŋuro lonyit i mugun. Ŋilo a Ŋun ’diri; ŋina a ru na yeŋ nyin.