Yoane 17:2 - Bibilia Buk na Ŋun nagon koti luŋu a

² kogwon do aje tin nan kido saret na ŋutu liŋ, anyen nan boŋö tiŋdu ru na yeŋ nyin i ŋutu liŋ logon do aje tikin nan kulo.

Yoane 17:2 ပူးပေါင်းရင်းမြစ်များ

Saumajin 110:1

MATAT lo kulya ko matat lio Si ’dakine köyö i könin lutaten, tojo ko nan a tin do merok kulök a tökit na mokosi.

Daniele 7:14

A lepeŋ iŋge tiki tomoran ko minyo se ko tumatyan, anyen gweyajin lio ti ŋutu, ko juron, ko ŋuto lo jambu kutusen ka ’de ka ’de ködyö kitakiŋdya lepeŋ; tomoran nanyit a tomoran na yeyeŋon ŋupi nagon molu ti bulo ’duddyo, a tumatyan nanyit mo tine bulo toliki asut.

Matayo 11:27

Baba aje ’burukin nan ŋo liŋ; lele ŋuto a ko den nan Ŋuro ama Baba ka ’de lo deŋdya; köti ŋuto a ko den Baba ama nan Ŋuro ka ’de lo deŋdya, se ko ŋutu logon nan Ŋuro a wakun kwekiŋdya se Baba kulo.

Matayo 25:46

Nyena a lepeŋat mo iti i ripet na ti ’duddyö, ama ŋutu ti löti lo rigwo mo tu i ru na yeŋ nyin.

Matayo 28:18

A Yesu miju nyona, a kulyani ko se adi, Kido liŋ ki yu ko kak ni aje tiki nan.

Yoane 17:24

Baba, nan ’de ’dekan adi ti kulo ŋutu logon do aje tin nan kulo boŋö gwe ko nan i pirit na gwoŋdi nan na, anyen se boŋö memet bulet nio nagon do aje tikin nan na, kogwon do aje nyar nan a kokwe nagon kak a ko nyuŋ gweya nu.

Yoane 17:6

Nan aje kwekin karin kunok i ŋutu logon do aje nyumokin nan i na kak kulo ko do a ŋa. Lepeŋat a ŋutu kulök, a do iŋge tin nan se, a se aje ’dep kulyaesi kulök.

Yoane 17:9

Nan momo ’yu do kogwon se. Nan ti momo ’yu kogwon ŋutu ti na kak, ama nan pomo ’yu kogwon ŋutu logon do aje tikin nan kulo, kogwon se a ŋutu kulök.

Yoane 3:35

Ŋun Monye nya nyar ŋuro lonyit, a iŋge tikin ŋo lio kanyit i könin.

Yoane 4:14

ama ko na lo möju pioŋ nagon nan mo titikin lepeŋ kine mo ti moka kure kwöŋ; ama pioŋ nagon nan mo titikin lepeŋ kune mo lelekun ki kanyit i mugun a kidi lo pioŋ nagon joŋdya ru na yeŋ nyin.

Yoane 6:27

Ko kita ta kinyo lo ’ba ’baka, ama kitani ta kinyo lo yeyeŋon logon a kinyo lo ru na yeŋ nyin. Ŋilo kinyo nan Ŋuro lo ŋuto mo titikin ta; kogwon Ŋun Baba a nya ’doddu nan ko kweyet adi nan a lonyit.

Yoane 6:37

Ŋutu liŋ logon Baba titin nan kilo mo popo köyö ni, nyena ŋuto logon a po köyö ni lo nan mo ti rikörö kwöŋ,

Yoane 6:39

Lepeŋ lo sunyuŋdyö nan lo ’de ’dekan adi, ti nan ködyö gwe ti tolikin lele geleŋ lo ŋutu liŋ logon nye aje tikin nan kilo, ama ti nan ködyö toŋiji se ki i twan i lor lo ’dutet.

Roma 6:23

Kogwon toron robba ŋuto ko twan, ama Ŋun ’dogga ŋuto ’bak ropet ko ru na yeŋ nyin ko Matat likaŋ Yesu Kristo i mugun.

1 Korinto 15:25

Kogwon Kristo agu ködyö tutumatyan tojo Ŋun a tikin lepeŋ i ryokakiŋdya na merok kanyit liŋ kak.

Epeso 1:20

nagon nye a toniji Kristo i twan na, a tosi ’dakiŋdye lepeŋ kanyit i konin lutaten ki yu i kak nagon ti meta,

Pilipoi 2:10

anyen i karin ti Yesu ŋutu liŋ lo gwon ki yu, ko lo gwon kak ni se ko lo gwon i lukata na kak kulo, böŋö rugwuŋö kak,

1 Timoteo 1:16

Ama kwe nagon Kristo Yesu a yatakiŋdye nan na, anyen tiŋdu nan a tojowet togeleŋ na ŋoŋga nanyit taliŋ nagon a duma parik. Ŋina tojowet a na ŋutu logon mo popo i mukök i yubbo na lepeŋ a wuji ru na yeŋ nyin kilo.

Ebere 1:2

Ama i kulo perok ti ’dutet nye aje Tambu koyi ko Ŋuro lonyit i mugun. Ŋun a gweja kak kogwon tomirian na ŋilo Ŋuro, a tiŋdi lepeŋ kak ’bukuluŋ a lomore nanyit.

1 Petero 3:22

Yesu aje tu ki, a gwe ko Ŋun i könin lutaten, a malaikajin, ko tokimakan se ko riŋitön a tiki kanyit i mukök.

1 Yoane 1:2

Ŋina Ru a kweya, a yi iŋge met lepeŋ, a yi iŋge tokoŋu kulya kanyit, a yi iŋge tukokin ta kulya kanyit, adi, nye a ru na yeŋ nyin nagon gwon ko Ŋun Monye a iŋge kweki yi na.

1 Yoane 2:25

Ŋo nagon lepeŋ a milyekin tiŋdu yi na a ru na yen nyin.

1 Yoane 5:20

Yi deden adi Ŋuro lo Ŋun aje po. Lepeŋ aje tiŋdu yi kuruŋdyö na kulya anyen yi deden nye logon a gwak lo. Yi gwon ko lepeŋ logon a gwak lo i mugun, kogwon yi gwon ko Yesu Kristo Ŋuro lonyit i mugun. Ŋilo a Ŋun ’diri; ŋina a ru na yeŋ nyin.

Yuda 1:21

Yeŋe ta i nyaret na Ŋun, ko möŋdi ta yatet na Matat likaŋ Yesu Kristo i tiŋdu na ta ru na yeŋ nyin.