Yoane 17:1 - Bibilia Buk na Ŋun nagon koti luŋu a

¹ A nagon Yesu aje jambu kilo kulyaesi nu, a nye ’bi ’yi konyen kanyit ki, a kulyani adi, Baba, diŋit aje ’dur; bu ’ye Ŋuro ilot anyen nan Ŋuro böŋö bu ’ya do,

Yoane 17:1 ပူးပေါင်းရင်းမြစ်များ

Saumajin 123:1

Pon MATAT, do si ’da a mor ki yu i ’diko, nan diŋa do.

Yisaya 38:14

A nan woŋe a ’döri gwoso lopiret kakwikwisanit; a nan rumöne gwoso gure, a konyen kwe darani dara i diŋa na ki. Pon MATAT, nan aje ri ’diki go; gwe do a kajunyönit liŋ!

Marako 14:41

A nye ko yitwene daŋ tomusala, a nye pije lepeŋat adi, Ta nyuŋ dodoto ko yuyukan? Aje jo, diŋit aje temakiŋdya; nan Ŋuro lo ŋuto aje paki ko ŋutu katoronyak i könisi.

Luka 18:13

Ama a kapepenanit lo usur lo gwo ’de pajo, a tine ’bon ma ’di ’bi ’yu konyen ki, ama a kolumbö joggi kido nanyit, a momo ’yi adi, Pon ŋun, wone konyen ko nan logon a katoronyanit lo.

Luka 22:53

Na gwoŋdi nan ko ta perok liŋ i Kadi na Ŋun nu, a ta gwe a ko mok nan. Ama na a diŋit nasu, ko a na riŋit na mudwe.

Yoane 11:4

A Yesu ko yiŋge ŋilo lore a nye kulyani adi, Ŋilo twanti ti tatuja, ama anyen bulari Ŋun ko anyen jakiŋdya nan Ŋuro lo Ŋun bulet.

Yoane 11:41

Nyena a se gwuluŋöddi ŋurupit kaŋo; a Yesu diŋe ki, a kulyani adi, Tinate Baba, kogwon do yiyiŋ nan.

Yoane 12:23

A Yesu waddi se adi, Diŋit aje ’dur nagon bulari nan Ŋuro lo ŋuto.

Yoane 13:1

Nyena a diŋit na rorwe lo Pasaka gwe a ko nyuŋ po. A Yesu iŋge den adi diŋit nanyit aje jo anyen nye wuwuddye i na kak i tu ko Monye yu. Lepeŋ nyanyar ŋutu kanyit lo gwon kak ni kulo, a nye nyaŋi se parik tojo ko ’dutet.

Yoane 16:32

Mete ta, diŋit ŋina popo, ’diri aje ’dur, nagon ta mo totoreki, ta liŋ geleŋ geleŋ tu kasu i midijik, a ta mo kö ’yi nan geleŋ; ama nan ti gwon geleŋ, kogwon Baba gwon ko nan.

Yoane 7:30

Nyena a se ga ’yi morga lepeŋ, ama a lele ŋuto gwe a ko sukiŋdyö könin i morga na lepeŋ, kogwon diŋit nanyit nyuŋ a ko po.

Yoane 7:39

Lepeŋ jambu kine kulya i kulya ti Mulökötyo logon ŋutu lo yubbö lepeŋ kilo mo wuwu, kogwon Mulokötyo nyuŋ a ko tiki ŋutu, kogwon Yesu nyuŋ a ko bula.

Yoane 8:20

Yesu jambu kilo kulyaesi i pirit nagon ’dokesi guba kata, na todiŋdye nye i Kadi na Ŋun nu, ama a lele ŋuto gwe ’bayin lo morga lepeŋ, kogwon diŋit nanyit nyuŋ a ko po.

Konesi 3:13

Ŋun lo Abarayama, ko a lo Yisaka, ko a lo Yakobo, ko a Ŋun lo merenyejin kaŋ lo a toduma ’yu köliŋönit lonyit Yesu, a ta iŋge ŋutu kin lepeŋ i konisi ti ŋutu, a renyani lepeŋ ko Pilato i komor, ma ’di i mukök nagon Pilato a yeyeju kölöddu lepeŋ nu.

1 Petero 1:21

Ta a yubbö Ŋun kogwon lepeŋ. Ŋun a toŋiju lepeŋ i twan a tiŋdi lepeŋ i bula, anyen ta yuyubbö a yeŋdi Ŋun.