Yoane 16:3 - Bibilia Buk na Ŋun nagon koti luŋu a

³ Se mo kökon kine ŋo kogwon se a ko den Baba, koti se a ko den nan.

Yoane 16:3 ပူးပေါင်းရင်းမြစ်များ

Luka 10:22

Baba aje ’burukin nan ŋo liŋ; lele ŋuto a ko den ko nan Ŋuro a ŋa ama Baba ka ’de lo deŋdya, köti ŋuto a ko den ko Baba a ŋa, ama nan Ŋuro ka ’de lo deŋdya, se ko ŋutu logon nan ŋuro a wakun kwekiŋdya se Baba.

Yoane 15:21

Se mo kokonakin ta kine ŋo liŋ kogwon kulya ti karin kwe, kogwon lepeŋat ti den lepeŋ lo sunyuŋdyö nan lo.

Yoane 15:23

Ŋuto logon maman nan lo köti maman Baba.

Yoane 17:25

Pon Baba lo ’but, ŋutu ti kak ni a ko den do, ama nan a den do, a kulo ŋutu iŋge den adi do lo sunyun-dyo nan.

Yoane 17:3

Ŋina a ru na yeŋ nyin anyen se deden do logon a Ŋun geleŋ ko a gwak, se ko nan Yesu Kristo logon do aje sunyun lo.

Yoane 8:19

A se pije lepeŋ adi, A liya Munyi? A Yesu waddi adi, Ta ti den nan ma ’di Baba. Ko ta ködyö a den nan, a ta ködyö köti deden Baba.

Yoane 8:55

Ta a ko den lepeŋ, ama nan deden lepeŋ; ko nan ködyö a kulya adi nan a ko den lepeŋ a nan ködyö gwe a ’burönit gwoso ta, ama nan deden lepeŋ a nan ’debbi kulyaesi kanyit.

Konesi 3:17

Nyena luŋasirik, nan a den adi ta se ko kasarak kasu a koŋdya ’bak denesi.

1 Korinto 2:8

A kasarak ti na kak liŋ gwe a ko den Ŋina kopon. Ko se ködyö a den a se ködyö gwe a ko ’bikikin Matat lo minyo i kodini na goro.

2 Tesalonike 1:8

Lepeŋ po ko kimaŋ na tutule i riŋga na ŋutu logon ti den Ŋun se ko ŋutu logon ti twoju Loŋe Lo ’but lo Matat likaŋ Yesu kilo.

1 Timoteo 1:13

ma ’di nan koju a lauŋdya lepeŋ ko a sasaŋdu lepeŋ ko a momoroju lepeŋ. Ama lepeŋ a yatakin nan kogwon nan koju a koŋdya ko tu ’böŋön kogwon nan a ko yubbo;

1 Yoane 2:23

Ŋuto lo renya Ŋuro lo Ŋun lo ’bak Ŋun Monye. Ŋuto lo ruggo Ŋuro lo Ŋun lo lepeŋ koti gwon ko Ŋun Monye.

1 Yoane 3:1

Meddi ta nyaŋu duma gwanan nagon Ŋun Monye aje nyaŋi yi na na luŋuri yi a ŋwajik kanyit na! Iŋkoi, yi ’diri a ŋwajik kanyit. Kwe nagon ŋutu ti na kak ti den yi na, kogwon se a ko den lepeŋ.

1 Yoane 4:8

Ŋuto logon ti nyaŋu lo a ko den Ŋun, kogwon Ŋun lo gwon a nyaŋu.

1 Yoane 5:20

Yi deden adi Ŋuro lo Ŋun aje po. Lepeŋ aje tiŋdu yi kuruŋdyö na kulya anyen yi deden nye logon a gwak lo. Yi gwon ko lepeŋ logon a gwak lo i mugun, kogwon yi gwon ko Yesu Kristo Ŋuro lonyit i mugun. Ŋilo a Ŋun ’diri; ŋina a ru na yeŋ nyin.