Yoane 15:8 - Bibilia Buk na Ŋun nagon koti luŋu a

⁸ Baba bubula ko ta raradan ludweki jore; a i ŋina a ta gwe a ŋutu kwe kajujumuk.

Yoane 15:8 ပူးပေါင်းရင်းမြစ်များ

Yisaya 60:21

A ŋutu kulök liŋ koti mo gwe a lo rigwo; a se i riŋ morgi jur ŋupi, kilo logon a kene ria wilun nagon nan a ’yutukin kak, ko a kita na könisi kwe, anyen nan böŋö bubula.

Yisaya 61:3

i tetenakiŋdya na se lo dedelya i Siona, i tiŋdu na lepeŋat jibia ti kusik i pirit na kurök, ko welet lyögit i pirit na delya, ko boŋgwat pupuresi i pirit na ködudwölön na dododdya; a se mo luguni a kaden ti löti lo rigwo, logon MATAT a ’yut anyen nye böŋö bubula.

Kagai 1:8

Iti ta i merya ki ko tutukuŋdye ta kaden ’dukesi ti ŋina kadi, anyen böŋö tulyo-ŋgu nan, ko anyen nan böŋo kweja mi-nyo lio, nan MATAT lo kulya.

Matayo 5:16

Nyena ti parara nasu kobbi kobbu sona ko ŋutu i komor, anyen na meddi lepeŋat ŋo na ’but na kon ta kine nu, a se böŋö pupurje Monye losu lo gwon ki lu.

Matayo 5:44

Kölumbö nan takiŋdya ta adi, Nyare ta nyar merok kasu, ko momo ’yi ta Ŋun kogwon kulya ti ŋutu lo sasaŋdu ta kilo,

Matayo 9:8

A na meddi lodir lo ŋutu nu, a se iŋge kujono, a se pupurje Ŋun logon aje tiŋdu ŋina kido i ŋutu lo.

Luka 6:35

Ama nyare ta nyar merok kasu, konaki ta lepeŋat ’bura. Rukökiŋdye ta se i kuröddu na ŋo kasu, an ta ko yeŋdu ropaki; a ta mo gwe ko ’doket a duma, a ta mo gwe a ŋwajik ti Katoŋanit lo ki liŋ; kogwon nye a lo ’but i ŋutu logon ti lyotion ko ŋo nagon se a wu kune ko a lorok i toilyet kulo.

Yoane 13:35

Ko ŋina kwe a ŋutu liŋ mo dene den adi ta a ŋutu kwe kajujumuk ko ta tutunyar ko ’börik.

Yoane 15:5

Nan logon a ködini lo binyo, a ta gwe a kenia. ŋuto lo gwon köyö i mugun gwoso na gwoŋdi nan ko lepeŋ i mugun na, lepeŋ raradan ludweki jore, ama ko ta ti gwon köyö i mugun a ta tine bulö koŋdya nene ŋo.

Yoane 8:31

A Yesu kulyani ko Yudayaki logon aje yubbö nye kulo adi, Ko ta yeŋon gwolor i kulya na jamakin nan ta kune, a ta ’diri gwe a ŋutu kwe kajujumuk,

1 Korinto 10:31

Waset lio gwon sona adi, Kode ta nyenyesu, kode mömoju, kode koŋdya nyo, koŋdi ta po liŋ i bu ’ya na Ŋun.

1 Korinto 6:20

Lepeŋ a gworun ta ko ropet duma, nyena bu ’ye ta Ŋun kasu i mugunya.

Pilipoi 1:11

a ta mo rade ludweki ti loti lo rigwo logon Yesu Kristo lo tiŋdu kulo, anyen Ŋun bubula ko anyen pupura.

Tito 2:10

kode ’dumaddu kunie ŋo na ’di ’dik a Iwon. Kölumbö se ködyö kwekiŋdya ’börik a lo ’but lo yiyiniki i ŋo liŋ, anyen se tokweleŋdu todinet na Ŋun Kalwokönit likaŋ i ŋo liŋ.

Tito 2:5

Ti se todiŋdye kayut i tiju na ’börik, ko i gwon a nake i toilyet, anyen se gwon a wate nagon a kakitak kase i midijik, ko a kanyarak, ko a katwöyök ti lyan kase.

1 Petero 2:12

Gwe ta ko gwiliŋit lo ’but ko paganojin i komor, anyen na ŋökiŋdye se adi ta a katoronyak na, a se boŋo meddi konesi kasu na ’but a pupurje Ŋun i lor lo pöri nye lu.

1 Petero 4:11

Ko lele nuto totokujö ti nye tokuje kulyaesi gwoso lo lupe ko Ŋun i kutuk; ko lele ŋuto kikitakiŋdya, ti nye kitani i riŋit nagon po ko Ŋun, anyen Ŋun pupura i ŋo liŋ kogwon Yesu Kristo. Ti bulet ko riŋit gwe ko lepeŋ ŋupi ŋupi. Amin.