Yoane 15:5 - Bibilia Buk na Ŋun nagon koti luŋu a

⁵ Nan logon a ködini lo binyo, a ta gwe a kenia. ŋuto lo gwon köyö i mugun gwoso na gwoŋdi nan ko lepeŋ i mugun na, lepeŋ raradan ludweki jore, ama ko ta ti gwon köyö i mugun a ta tine bulö koŋdya nene ŋo.

Yoane 15:5 ပူးပေါင်းရင်းမြစ်များ

Tolupesi 11:30

Ludweki ti ŋuto lo rigwo gwon a ködini toruet lo ŋutu, ama a kulya ti mwon tolikindye ru na ŋutu.

Osea 4:8

A Lepeŋat nyesi toronjin ti ŋutu kwe. a Lepeŋat gomani ko ŋonyesi kase.

Matayo 13:21

A nye gwe gwoso nyomotti logon kokori a ko ’bekoddu kak, ama a mönuŋdye diŋit a na ’dit, ama i diŋit nagon lepeŋ a yöyöŋö ko a sasanya kogwon kulya ti lo kulyaet nu, ’de ’de a nye kukutorö bot.

Yoane 12:24

’Diri ’diri nan takiŋdya ta adi, Ko koŋe lo ’buluti ködyö a ko ’doro kak i kujoŋ a twane twan, a nye ködyo yeŋe geleŋ sonu, ama ko a twan, a lepeŋ tore toran ’bolot jore.

Yoane 15:16

Ta a ko wulun nan, ama nan aje wulun ta ko a gelun ta anyen ta puputuru ŋerot i radan na ludweki. Kilo ludweki kasu ködyö yeyeŋon. A kirut Baba mo tiŋdi ta ŋo liŋ nagon ta a piyun köyö i karin kune.

Yoane 5:19

Nyena a Yesu waddi lepeŋat adi, ’Diri ’diri nan takiŋdya ta adi, nan Ŋuro ti koŋdya ŋo nagon a nio; nan tuŋ mirakiŋdya ŋo nagon Baba kökon; kogwon ŋo liŋ nagon Baba kökon kune nan Ŋuro koti kökon.

Yoane 9:33

Ko ködyö ŋilo ŋuto ti po ko Ŋun yu, a lepeŋ ködyö tine bulö koŋdya nene ŋo.

Konesi 4:12

Lwökit ’bayin ko lele ŋuto kwöŋ, kogwon kunie karin ’bayin i kak ni nagon a tiki ŋutu anyen agu ködyö lwöggu yi.

Roma 12:5

Nyena köti sona, ma ’di yi a ŋutu jore yi a mugun geleŋ ko Kristo i mugun, a yi tuparaki ko ’börik gwoso swötön ti mugun geleŋ.

Roma 6:22

Ama soŋinana ta aje yukwe kaŋo i toron a ta gwe a ’dupi ti Ŋun, nyena a ’bulit nagon ta wuwu na gwe a kelan, a ’dutet nanyit gwe a ru na yeŋ nyin.

Roma 7:4

Köti gwon sona luŋasirik kwe, ta aje morakiŋdya ko Kristo i mugun, a ta iŋge twatwa a gwe ’bayin i kulya ti Saresi, anyen ta böŋö gwon a ti lele ŋuto, kweja adi a ti nye lo toŋiyu i twan lo, anyen yi böŋö raradan ludweki ti Ŋun.

1 Korinto 10:16

Kopo nagon yi mömöji na i diŋit nagon yi tiŋdu Ŋun tinate i mukök na nyesu na rorwe nu, yi ŋona ’bayin paruŋdya rima ti Kristo le? A na pipiŋdye yi ambata nu, yi ŋona ’bayin paruŋdya mugun na Kristo le?

1 Korinto 12:12

Kogwon gwoso na gwoŋdi mugun na ŋuto a ŋo geleŋ a köti gwe ko swötön jore na, ama kilo swötön liŋ ti mugun logon jore kilo a mugun geleŋ, nyena a Kristo köti gwe sona.

1 Korinto 12:27

Nyena ta a mugun na Kristo, a ta liŋ geleŋ geleŋ gwe a swötön ti mugun nanyit.

2 Korinto 13:8

Kogwon yi ti bulo koŋdya nene ŋo i teŋgu na kulya ti to ’diri, ama tuŋ anyen tiŋdu kulya ti to ’diri i puputuru ŋerot.

2 Korinto 9:10

Nyenagon Ŋun logon tiŋdu kaweyanit nyomot i weja se ko kinyo lo nyenyei lo, lepeŋ mo köti titikin ta nyomot logon ta wewe, a mo to ’duŋe se, a nye mo tuŋdije ’butun lo ’dogga nasu.

Galatia 5:22

Ama ludweki ti Mulokotyo ko ŋuto i toili gwon a nyaŋu, lyoŋon, gwon taliŋ, ŋoŋga taliŋ, gwon a lo ’but ko ŋutu, ’busan, yubbo na yeyeŋon,

Epeso 5:9

Kogwon parara radan konesi nagon a na ’but, ko a ti löti lo rigwo ko a ti to ’diri.

Pilipoi 1:11

a ta mo rade ludweki ti loti lo rigwo logon Yesu Kristo lo tiŋdu kulo, anyen Ŋun bubula ko anyen pupura.

Pilipoi 4:13

Nan bubulö koŋdya ŋo liŋ i riŋit na Kristo lo togo ’yu nan lo.

Pilipoi 4:17

Ti gwon adi nan ga ’yu anyen ta ’dogga nan, ama nan ga ’yu adi ti Ŋun ’yalaki ta ’bulit i ŋo nagon ta a ’doggi nan kune.

Kolosai 1:10

yi momo ’yu Ŋun anyen ta böŋö woro ko gwiliŋisi logon a lo ’but ko Matat i komor, i tulyoŋgu na lepeŋ i ŋo liŋ, ko i radan na ludweki logon a konesi na ’but ka ’de ka ’de, koti anyen ta böŋö moröddu ŋerot i deŋdya na Ŋun bia parik.

Kolosai 1:6

Iŋkoi, Loŋe Lo ’but ŋoŋoi i kak ’bukuluŋ a rade ludweki, gwoso nagon gwon sona kasu kiden suluja i lor lo yiŋge ta kulya ti ’busan na nyaŋu na ŋun, a ta iŋge kurun to ’diri nanyit.

Yakobo 1:17

’Dokesi liŋ nagon Ŋun ’doggi ŋutu kune a na ’but. ’Dokesi nake liŋ po kak ki yu ko Ŋun Monye lo pararajin. Lepeŋ ŋupi gwon jojo ti löpuggö kwöŋ, lepeŋ ti gwon gwoso kolor nagon mimijörö a kölökiŋdye tölimöt.

1 Petero 2:4

Lepeŋ a ŋurupit lo gwon jörun logon ŋutu a renya lepeŋ, ama Ŋun a wulun lepeŋ a ’bulit nanyit duma. Po ta ko lepeŋ ni,

2 Petero 3:18

Ama yeŋe ta i ’duŋo i ’busan na nyaŋu ko i deŋdya na Matat likaŋ Kalwokonit Yesu Kristo. Ti bulet gwe ko lepeŋ soŋinana ko ŋupi ŋupi. Amin.