Yoane 15:4 - Bibilia Buk na Ŋun nagon koti luŋu a

⁴ Gwe ta köyö i mugun, gwoso na gwoŋdi nan kasu i mugunya na. Kene ti bulö radan ludweki ko mugun nanyit ka ’de ko a ko gwon i ködini monye lo, nyena ta köti ti radan ludweki ko ta a ko gwon köyö i mugun.

Yoane 15:4 ပူးပေါင်းရင်းမြစ်များ

Koli Lo ’but Parik 8:5

Ŋina a ŋa na po mu ’diŋ töggu mugun ko nyaratti lonyit? Nan a topurun do i mukök na ködini lo maŋga. ŋuti gwon i ŋoŋga i ta ’duuŋdyö na do nyu, nye na yupuŋdyö do na gwon i ŋoŋga nyu.

Osea 14:8

A Epuraima mo kulyani adi nye ti ’bön nyomuejin logon a gunyen kwöŋ. Nan a yiŋ kwakwasesi kasu a iŋge met ta. Nan gwoso ködini saru logon a lodon, radan nasu ŋo köyö.

Matayo 12:33

Ludweki lo ’but agu rye i ködini lö ’but, a ludweki lorok agu ryeni i ködini loron, kogwon ködini a dena i ludweki kanyit.

Luka 8:15

Nyomot lo weki i kujöŋ na ’but kulo a ŋutu logon aje yiŋga ŋilo kulyaet, a ’depe ’dep nye go ko töilyet lo ’but ko torigwo, a gwo ’de go tojo ko toran na ludweki.

Yoane 14:20

I ŋilu lor ta mo deden adi nan gwon ko Baba i mugun, a ta gwe köyö i mugun, a nan gwe kasu i mugunya.

Yoane 17:23

a nan gwe kase i mugunya, a do gwe köyö i mugun, anyen se ’diri gwon a pele geleŋ, anyen ŋutu ti kak ni boŋo deden adi do aje sunyun nan, a do iŋge nyar se gwoso na nyaŋi do nan na.

Yoane 6:56

Ŋuto lo nyesu mugun nio a moji rima kwe lo, lepeŋ gwogwolor koyo i mugun, a nan gwolore ko lepeŋ mugun.

Yoane 8:31

A Yesu kulyani ko Yudayaki logon aje yubbö nye kulo adi, Ko ta yeŋon gwolor i kulya na jamakin nan ta kune, a ta ’diri gwe a ŋutu kwe kajujumuk,

Konesi 11:23

a na ’durökiŋdye nye a meddi ’busan na Ŋun nu, a nye iŋge lyöŋön; a nye jujukiŋdye se liŋ anyen ’depakiŋdya go i yubbö na Matat ko töilyet kase liŋ.

Konesi 14:22

totŋgoloddu töilyet ti ŋutu kajujumuk, a jujukiŋdye lepeŋat anyen yeŋon i ’debba na ŋina yupet, a kulyani adi, Yi agu ködyö tiri kiko lo sasanyesi jore anyen luŋö i Tumatyan na Ŋun.

2 Korinto 13:5

Teme ta tem ’borik, liline ta lili ’borik anyen denuŋdya kaŋo ko ta Ŋona gwolor i yupet. Ta ŋona ’diri deden adi Yesu Kristo gwon kasu i mugunya le? Ko ’bayin sona kweja adi ta ti jukin i ŋina temet.

Galatia 2:20

Nan a ’bikiki i kodini na görö ko Kristo i pirit na geleŋ, nyena ti gwon a nan lo gwolor, ama Kristo lo gwolor koyo i mugun. Gwiliŋit logon nan soŋinana gwigwiliŋgi i na mugun lo, nan gwolor kogwon yubbö nio na ŋuro lo ŋun, logon aje nyaŋu nan a iŋge pakiŋdya mugun kogwon kulya kwe lo.

Epeso 3:17

anyen Kristo böŋö gwolor kasu i töilyet kogwon yubbö nasu. Nan momo ’yu lepeŋ adi, anyen kokori kasu böŋö ’bekoddu kak i nyaŋu, a ta gwe ko togwi ’diesi logon a ’bokaki go i ŋina nyaŋu,

Pilipoi 1:11

a ta mo rade ludweki ti loti lo rigwo logon Yesu Kristo lo tiŋdu kulo, anyen Ŋun bubula ko anyen pupura.

Kolosai 1:23

Ama ta agu kodyo yeŋon gwo ’dan go i yubbo nasu, an ta ko wusaji ta kaŋo i yeŋdu na kulya nagon ta a yiŋ i Loŋe Lo ’but kune. ŋilo Loŋe Lo ’but aje tokuki i ŋutu liŋ ti kak ’bukuluŋ; nan Paulo logon a katokuonit lo ŋilo Loŋe.

Kolosai 1:27

Ŋun ’de ’dekan kwekiŋdya lepeŋat ko ŋina Iwon a tukworien gwanan ko a minyo i kiden na juron liŋ. Ŋina Iwon a Kristo logon gwon kasu i töilyet lo, logon tiŋdu ta i yeŋdu na minyo logon ta mo wuwu lo.

Kolosai 2:6

Nyenagon kogwon ta aje wuju Kristo Yesu a Matat losu na, nyena ti ta gwolore kanyit i mugun.

1 Tesalonike 3:5

Nye ŋina kwe nagon nan aje dara mordu a nan soŋdi Timoteo kasu ŋini i denuŋdya na yupet nasu, kode ŋona katemanit aje tem ta, a kita nikao kodyo gwe a ŋo kana.

Ebere 10:39

Ama ŋutu logon kukutörö bot ko a tukara kulo yi ’bayin a kulye kase, ama yi a ti ŋutu lo gwon ko yupet kulo a yi lwököni lwökö.

1 Yoane 2:6

ŋuto logon kulya adi nye gwon ko Ŋun i mugun lo a ti nye ködyö wöröni gwoso na wöröri Kristo na.

2 Yoane 1:9

Ŋuto logon a jalatara ŋerot a gwe a ko ’depakiŋdya i todinesi ti Kristo lo, lepeŋ ’bak Ŋun. Ama nye logon ’depakiŋdya go i todinesi ti Kristo lo, lepeŋ kata ko Ŋun Monye se ko Ŋuro lonyit.