Yoane 15:2 - Bibilia Buk na Ŋun nagon koti luŋu a

² Lepeŋ totokoro kaŋo kenia kwe liŋ nagon a ko radan ludweki, a nye ’duŋge i kune kenia liŋ nagon raradan ludweki anyen kunie kenia na wilun nagon raradan ludweki jore.

Yoane 15:2 ပူးပေါင်းရင်းမြစ်များ

Eyobo 17:9

Ama ŋuto lo rigwo ’depakiŋdya i kiko lonyit, a nye logon ko könisi a loke lo worani a iŋgo parik.

Saumajin 92:14

Se kiyaŋ nyuŋ raradan ludweki ma ’di i doŋga nase, se nyuŋ yeŋon a lodök a gwe ko riŋit,

Tolupesi 4:18

Ama kiko lo ŋutu ti löti lo rigwo gwon gwoso baŋun na kak, nagon pararaaddu tojo ko tuparan kiden.

Yisaya 27:9

Nyenagon a lyaŋesi ti kötumit na Yakobo mo tolikani sona, a kulya nagon joŋga toronjin kanyit kaŋo kune mo gwe i kine kulya, kweja adi a nye mo gwagwalaŋgi salesi liŋ ti piritön ’yuresi ti rubaŋgajin anyen gwon gwoso ŋurupö lorgo-yo, a tine kölökiŋdyö kaden ti mian logon a Asera kode ’yuresi ti bökur i gwo ’dan ki köti.

Yisaya 29:19

A ŋutu lokoyokak mo nyönyöŋgi lyöŋön nase ko MATAT, a ŋutu logon a lomerika parik kulo mo lyöŋi lyöŋön ko Ŋilu Loke lo Yisaraele.

Daniele 11:35

A kulye ŋutu lokoŋ mo sasanyani sasanya anyen totokela, anyen seseta gwoso ’bolot, anyen lala a loke, tojo ko diŋit na ’dutet nagon möŋdu diŋit na wulwe.

Osea 6:3

Ti yi dene ta den MATAT, ti yi ri ’dikiŋdye ta ’börik i deŋdya na lepeŋ; ŋo nanyit a gwak gwoso nagon kak ’diri babaŋuŋdye na; lepeŋ mo ŋoŋo kayaŋ ni gwoso lilima, ŋo nanyit gwoso ’don na kudu lo kiser lo popogga kak.

Malaki 3:3

a nye mo si ’dani gwoso kanamanit ko gwoso katokelanit lo podo, a nye mo toke ’yi ŋwajik ti Lewi, a mo nambi se gwoso dakap ko podo i namaddu na korodo kaŋo tojo ko se a wukiŋdya MATAT ’dokesi na rigwo.

Matayo 13:12

Kogwon ŋuto lo gwon ko ŋo lo mo ’ya ’yalaki kunie, a nye mo gwe ko ŋo jore parik; ama ŋuto logon ’bak nene ŋo lo, ma ’di ŋo na gwon ko lepeŋ na mo ’du ’dumaji kaŋo kanyit.

Matayo 13:33

A Yesu koti jamakiŋdye se lele lilim adi, Tumatyan na Ki gwon gwoso kape logon nene ŋuto a ’dumun, a polakiŋdye i pelela musala ti lojiet lo wi ’di tojo liŋ a yu.

Matayo 15:13

A nye waddi adi, ŋo liŋ logon Baba lo gwon ki lu a ko ’yut kulo mo gwugwu-nyo kaŋo.

Matayo 21:19

A nye meddi ki ’bi i merete lo kiko, a iti nyin, a nye gwe a ko ryö nene ŋo kata ama ka ’de koropo. A nye kulyani ko ŋilu ki ’bi adi, Ti do gwe ti radan ludweki köti kwöŋ! A ’de ’de ki ’bi lo teteyone teteyon.

Matayo 25:29

Kogwon ŋutu liŋ geleŋ geleŋ logon ko ŋo kulo mo ’ya ’yalaki kunie, a se mo gwe ko ŋo jore, ama ŋuto logon ’bak nene ŋo lo, ma ’di ŋo na gwon ko lepeŋ na mo ’du ’dumaji kaŋo kanyit.

Matayo 3:10

Ma ’di soŋinana tulu a tetenaki ajo anyen tokori kaden i kokori. Kaden liŋ logon ti radan ludweki lo ’but kilo toko kak agubani i kimaŋ.

Matayo 3:12

A nye gwe ko köbi setet kanyit i konin, a nye moseddi ’bolot liŋ lo gwon kanyit i pirit gwutet na ’bolot kulo, a yuŋdye ’bolot kanyit i gugu, ama a nye mo ’yuŋe pudi ko kimaŋ nagon ti bulö peŋa.

Matayo 7:19

Kaden liŋ logon ti radan ludweki lo ’but kilo toko kak a gubani i kimaŋ.

Marako 4:20

Ama kulye nyomot lo weki i kujöŋ na ’but kulo a ŋutu logon a yiŋga ŋilo kulyaet a iŋge wu, a tore toran, kunie kusik ti ’bolot ko konyen merya musala, kunie ko merya buker, kunie ko mia geleŋ.

Luka 8:13

Nyomot logon a weki i kak nagon a lelya kulo a ŋutu logon ko aje yiŋga ŋilo kulyaet a wuji nye ko lyöŋön, ama kokori kase a ko ’bekoddu kak; a se yupundye diŋit a na ’dit, a i diŋit temet a se kukutörö bot.

Yoane 15:1

Nan logon a ködini lo binyo gwak, a Baba gwe a kametanit lo ŋilo ködini.

Yoane 15:16

Ta a ko wulun nan, ama nan aje wulun ta ko a gelun ta anyen ta puputuru ŋerot i radan na ludweki. Kilo ludweki kasu ködyö yeyeŋon. A kirut Baba mo tiŋdi ta ŋo liŋ nagon ta a piyun köyö i karin kune.

Yoane 15:3

Kulyaesi kwe logon nan aje jamakin ta kilo aje toke ’ya ta a ta gwe a loke.

Yoane 15:6

Ŋuto logon ti gwon köyö i mugun lo gugubaji kaŋo gwoso kene, a teteyone teteyon. A kine kenia ’du ’dumani ’du’duma, a gubani i kimaŋ, a noke nakan.

Yoane 15:8

Baba bubula ko ta raradan ludweki jore; a i ŋina a ta gwe a ŋutu kwe kajujumuk.

Yoane 17:12

Na gwoŋdi nan ko lepeŋat i pirit na geleŋ na nan aje ’dep ŋutu logon do aje tin nan kulo ’bura ko riŋit na karin kunök, a nan iŋge tiju se, a lele lose gwe a ko likin, ama tuŋ ŋuto lo tolikiŋdyö mugun, anyen kulya ti Ŋun na wurö kune böŋo kokona.

Roma 11:17

Ama ko kunie kenia ti ködini lo jeitun a gogonya kaŋo, a ta logon a kenia ti jeitun lo mu ’diŋ kulo to ’depakine nyin i ruddya na se, a ta iŋge ŋarundya kokori ko wilan na ködini lo jeitun.

Roma 11:22

Meddi ta ko Ŋun gwon a lo ’but ko köti a kaŋa ada; lepeŋ a kaŋa i ŋutu logon a ’doro kulo, ama lepeŋ a lo ’but kasu ko ta ködyö yeŋon gwolor i ’busan nanyit. Ama ko ta ti koŋdya sona, a ta mo gogonyani kaŋo.

Roma 8:28

kogwon yi deden adi ŋutu logon nyanyar Ŋun, logon nye a luŋun gwoso i yeyeet nanyit kulo, Ŋun kikita ko se i ŋo liŋ i tetenakiŋdya na se ŋo na ’but.

1 Korinto 13:1

Ma ’di ko nan jambu ko kutusen ti ŋutu kode ti malaikajin, ama ko nan ’bayin a kanyaranit, a nan gwe gwoso luputöt lo woŋon parik kode gwoso re na jujulö adi gwaŋ gwaŋ.

Tito 2:14

Lepeŋ a tiŋdu mugun a rubaŋga kogwon kulya kaŋ, anyen dakuŋdya yi i toronjin liŋ, i toke ’ya na yi a ŋutu kanyit lomore, anyen yi gwon ko pusök i koŋdya na ŋo na ’but.

Ebere 12:15

Kunyar ta, ti lele ŋuto gwe ti karakin bot an lepeŋ yanan i wuju na ’busan na Ŋun, a lo ’burtölön ŋunu kanyit i töili a todelyaji todelyaju, a köŋi nutu jore.

1 Yoane 2:19

Kilo ŋutu a geladdu ’borik kaŋo kayaŋ kata, ama se ’bayin a ti teŋ nikari, kogwon ko se ködyo a ti teŋ nikaŋ, a se yeŋe gwon koyi. Ama se a geladdu ’borik kaŋo anyen boŋö kweki köke adi, lele lose ’bayin a lo teŋ nikaŋ.

Kweyatti 3:19

Nan ririŋ ŋutu logon nan nyanyar kulo a tojumbi se. Nyena gwe ko pusok ko lopuŋge toili.