Yoane 15:18 - Bibilia Buk na Ŋun nagon koti luŋu a

¹⁸ Ko ŋutu ti kak ni maman ta, dene ta den adi se aje man nan a kokwe nagon se a ko nyuŋ maŋdi ta na.

Yoane 15:18 ပူးပေါင်းရင်းမြစ်များ

1 Yoane 3:13

Ta luŋasirik, ko soŋu ta ko ŋutu ti na kak maman ta.

Yoane 7:7

ŋutu ti kak ni ti bulö maŋdu ta, ama lepeŋat maman nan, kogwon nan tökoŋu adi konesi kase a narok.

Yoane 3:20

Kogwon ŋutu liŋ lo koŋdya arabat kilo maman parara, a tine po i parara, an konesi kase narok ko dena;

Marako 13:13

a ŋutu liŋ mo mane man ta kogwon karin kwe. Ama ŋuto logon a ŋoŋga tojo ko ’dutet lo mo lwölwökö.

Luka 6:22

Ta a kalyöŋök ko ŋutu maman ta, a renyani ta, a momoroji ta, a paji karin kasu kogwon kulya kwe ti ŋuro lo ŋuto!

Matayo 10:22

A ŋutu liŋ mo mane man ta kogwon karin kwe; ama ŋuto logon a ŋoŋga tojo ko ’dutet lo mo lwölwökö.

1 Yoane 3:1

Meddi ta nyaŋu duma gwanan nagon Ŋun Monye aje nyaŋi yi na na luŋuri yi a ŋwajik kanyit na! Iŋkoi, yi ’diri a ŋwajik kanyit. Kwe nagon ŋutu ti na kak ti den yi na, kogwon se a ko den lepeŋ.

Matayo 5:11

Ta a kalyöŋök ko ŋutu momoröju ta, ko a sasaŋdi ta, ko a ŋökiŋdye ta kulya narok liŋ ka ’de ka ’de kogwon kulya kwe.

Yakobo 4:4

Ta ti jukin yiniki kogwon ta gwon gwoso wate nagon nyanyar kulye lyan. Ta a ko den le adi ŋutu logon nyanyar na kak kilo a merok ti Gun? Nyena ko ŋutu logon a ju lo na kak lepeŋ koŋdya mugun a miriku lo Ŋun.

Ebere 12:2

Ti yi metaddi ta ŋerot ko Yesu yu, kogwon lepeŋ a kasuluwanit lo yupet nikaŋ, a lepeŋ mo lo tojukiŋdye ŋina yupet ’bura. Lepeŋ a ko yeye toyuŋ nanyit na kwe i ŋoŋga na twan nanyit i kodini na görö, kogwon lyöŋön na gwon kanyit ŋerot nu. Soŋinana lepeŋ aje si ’daki i könin lutaten lo si ’daet na Ŋun.

1 Moran 22:8

A mor lo Yisaraele waddi Yosapata adi, Lele ŋuto geleŋ nyuŋ kata logon yi bubulö piyuŋdya MATAT ko lepeŋ, karin kanyit a Mikaya ŋuro lo Imila; ama nan maman lepeŋ, kogwon lepeŋ ti kikiŋdyö nan kulya na ’but nagon kulya narok. A Yosapata kulyani adi, Ti do mor gwe ti jambu sona.

1 Yoane 3:3

Nyena ŋutu liŋ logon yeŋdu Kristo kilo ködyo toke ’ya ’borik gwoso na gwoŋdi nye a loke na.

Yisaya 53:3

Nye a lawe ko a paya ko ŋutu; nye a ŋuto lo tömiesi logon a dinikiŋoŋga; nye a ŋuto logon ŋutu ti ’bön meddya lepeŋ, nye a lawe a yi tine yeyeju lepeŋ.

Matayo 24:9

A ŋutu mo tiŋdi ta i topopa ko i tatua, a ŋutu ti jurön liŋ mo mane man ta kogwon karin kwe.

Yisaya 49:7

MATAT logon a kadakanit lo Yisaraele ko a Loke lonyit, lo kulya sona ko ŋuto logon a lawe asut, iŋkoi, ko lepeŋ logon a mana asut ko jur lonyit, lepeŋ a jambu ko kölipönit lo kasarak, adi, Ko moran mo a meddya do a se mo ŋine ki; a kimak köti mo rosokakine kak; kogwon kulya kwe nan MATAT lo yiyiniki, Loke lo Yisaraele, logon aje wuluŋdyö do lo.

Jakaria 11:8

A nan riköddi kayukuk musa-la i yapa geleŋ. A töili liŋ gwe ti ŋoŋga kulya ko se, a kata nase köti gwe pötwör ko nan.

Tolupesi 29:27

Ŋuto lo rigwo maman katoronyanit, a katoronyanit mandi ŋuto logon kiko lonyit gwon gwogwo.

Yisaya 66:5

Ta ŋutu logon böböŋdu ko kulyaet lo MATAT kulo, yiŋge ta kulyaet lonyit. Lepeŋ kulya adi, Luŋösurök logon maman ta, logon riköddu ta kaŋo kogwon karin kwe kulo, aje ’dö ’döju adi, Ti MATAT bulani bula, anyen yi memet lyöŋön nasu; ama kudyakan a se mo wuji yu na kusik.

Yoane 16:1

Nan aje jamakin ta kine kulya anyen ta gwon ti kukutörö bot.

Yoane 16:33

Nan aje jamakin ta kine kulya anyen ta boŋö gwon ko taliŋ köyö i mugun. I na kak ta gwon i diŋit ŋoŋet. Ama togo ’yi ta töilyet, kogwon nan aje te ’ya na kak.

Konesi 14:22

totŋgoloddu töilyet ti ŋutu kajujumuk, a jujukiŋdye lepeŋat anyen yeŋon i ’debba na ŋina yupet, a kulyani adi, Yi agu ködyö tiri kiko lo sasanyesi jore anyen luŋö i Tumatyan na Ŋun.