Yoane 13:5 - Bibilia Buk na Ŋun nagon koti luŋu a

⁵ a kirut nye ’bukökiŋdye pioŋ i saani a suluje lalaju mokosi ti ŋutu kanyit kajujumuk kulo, a seji se ko boŋgo toliliket na pitakin nye kanyit i mukök na.

Yoane 13:5 ပူးပေါင်းရင်းမြစ်များ

Luka 7:44

A kirut nye boŋgi ŋina ŋuto a nye pije Simona adi, Do a met na ŋuto le? Nan a lupe konut kadi a do gwe a ko tikin nan pioŋ nagon lalaarikin mokosi kwe, ama na ŋuto a lalaju mokosi kwe ko ŋolitan kanyit, a seji se ko kupir kanyit ti kwe.

Saumajin 51:2

Tukwöji nan ’bukuluŋ i tukwölöŋ nio, ko toke ’yi nan i toron nio.

Suluet 19:2

a kulyani adi, Pon dumalak kwe, böŋö giru ta köyö mede nan kölipönit losu, anyen ta ko mönu ŋdyo ni i lo tukwaje, anyen lalaju mokosi kasu; a ta buloni bulo ŋiörö kolumalu ’beron a iti tu kasu i kiko. A se renyani adi, ’Bayin, yi de mönuŋdyö kaŋo i terere i tukwaje.

1 Timoteo 5:10

Lepeŋ ködyö gwon a ŋuto nagon kukwön i konesi na ’but, ko i wowoja na ŋwajik kanyit ’bura, ko i wuju na kömu, ko i lalaju na mokosi ti ŋutu ti Ŋun, ko i parakiŋdya na ŋutu lo gwon ko delya, ko i tiŋdu na mugun i konesi na ’but liŋ.

Suluet 18:4

Ti pioŋ ku ’dik jweni anyen lalaarikin mokosi kasu, ko yuke ta yukan i ködini mukök,

Kweyatti 7:14

A nan waddi lepeŋ adi, Pon duma lio, do deden. A lepeŋ takiŋdye nan adi, Kilo a ŋutu logon a ŋo kaŋo i ŋoŋga duma. Lepeŋat aje lalaju boŋgwat kase a nakwe i rima ti ŋilo Kilolor.

Ebere 10:22

nyena ti yi mijörö ta nyona ko Ŋun yu ko töilyet ti to ’diri logon ko yupet a duma, töilyet kaŋ logon deden adi yi a koŋdya toron kulo aje tokela, a mugunya kaŋ iŋge lalai ko piŋo nake adi lor.

Epeso 5:26

Lepeŋ a koŋdya sona anyen nye böŋö lalaju se ko pioŋ se ko kulyaet lonyit a gwe a loke,

1 Korinto 6:11

Kulye kasu köju gwoso kilo ŋutu, ama ta aje lalai, ta aje tokela a ŋuto ti Ŋun, ta aje tiki i gwon a lo rigwo ko Ŋun i komor i karin ti Matat Yesu Kristo se ko i riŋit na Mulökötyo lo Ŋun likaŋ.

Konesi 22:16

Nyena do möŋdu nyo? Ŋine ki, ko batisani batisa, lalane toronjin kunök, ’di ’diŋdya karin ti Matat.

2 Moran 3:11

A Yosapata pije adi, Lele nebi lo MATAT ’bayin ni logon yi piyuŋdya MATAT ko lepeŋ? A lele lo köliŋönök ti mor lo Yisaraele waddi adi, Elisa ŋuro lo Sapat kata ni logon köju yeŋ dililikiŋdya Eliya pioŋ lalaesi ti könisi.

1 Samuele 25:41

a nye ŋine ŋien, a ’dorone kak rupu i twöju, kulya adi, Meddi, nan a ’dupiet kalalaanit na mokosi ti ’dupi ti duma liŋ.

Lewi 14:8

A ŋuto logon totokela lo ködyö lalaji boŋgwat kanyit, a ’bariŋdi kupir kanyit liŋ, a kwöni kwö, a nye gwe a loke i kulya ti keri; a i mukök na kine kulya a nye lupöni i mera, ama a nye ködyö si ’dani kaŋo i kemia nanyit perok buryo.

1 Yoane 5:6

Yesu Kristo a nye logon a po ko pioŋ se ko rima; lepeŋ a ko po ko pioŋ ka ’de ama a po ko pioŋ se ko rima. Ŋilo a Mulökötyo Loke lo tokoŋu, kogwon ŋilo Mulökötyo a lo to ’diri.

1 Yoane 1:7

Ama koyi wöro i parara gwoso na gwoŋdi nye i parara na, a yi tojuline ko ’börik, a rima ti Yesu Ŋuro lonyit lalaji yi i toronjin liŋ.

Yoane 19:34

ama a lele lo kamörök iŋge rem lepeŋ i merete ko gor, a ’de ’de rima ko pioŋ wuu kaŋo.

Luka 7:38

A ŋuto na gwo ’de i ki ’diŋ ko Yesu i mokosi gwigwien, a ŋolitan kanyit ’done ko lepeŋ i mokosi, a nye seji se ko kupir kanyit ti kwe, a nye ’biuŋdye mokosi kanyit, a we ’yi se ko welet.

Jakaria 13:1

I ŋilu lor a kötumit na Dawidi se ko nutu lo si ’da Yerusalema kulo mo ’bokakine kidi lalaet lo toronjin ko tolutan.

Ejikele 36:25

A nan mo gwagwaddi ta ko pioŋ nake, a ta mo tokelani tokela i lut kasu liŋ, a nan mo toke ’yi ta i nyömuejin liŋ logon a punyen kasu kilo.

Kweyatti 1:5

na ŋo ko Yesu Kristo, katokoronit lo yiyiniki a gwak, logon a ŋien a togeleŋ i twan, ko a duma lo moran ti kak lo. Ti bulet gwe ko lepeŋ logon nyanyar yi lo, logon a lakuŋdya yi kaŋo i toronjin kaŋ ko rima kanyit lo,

Yisaya 1:16

kwöni ta, toke ’yi ta ’börik a loke. Wuse ta konesi kasu narok kago köyö i komor; kö ’yi ta toroŋdya;

Yuörö 29:4

A do joŋdi Arona se ko ŋwajik kanyit tojo i kötumit na kemia torumet, a do tukwöji lepeŋat ko pioŋ.

Yoane 13:10

a Yesu kulyani ko lepeŋ adi, Ŋuto logon aje kwö lo, mugun nanyit liŋ gwe a nake, a tine ’dekan lalaju köti ake lalaju mokosi; ta a loke, ama ti gwon a ta liŋ.

Yoane 13:8

A Petero kulyani ko lepeŋ adi, Do de ti lala mokosi kwe kwöŋ! A Yesu waddi adi, Ko nan ti lala do a do tine parundya kulya kwe.

Suluet 43:24

A ŋilo ŋuto joŋgi kilo Ŋutu ko Yosepa kadi, a tiŋdi se pioŋ, a se lalaji mokosi kase; a nye tiŋdi kaineki kase kune i nyesu,

Ka’duŋök 19:21

Nyena a lepeŋ joŋgi se kanyit kadi, a tunyeji kaineki; a kilo ŋutu lalaji mokosi kase, a nyesi nyesu a möji möju.

Yoane 13:6

A nye ko ’dure ko Simona Petero, a Petero pije lepeŋ adi, MATAT, do lo lalaju mokosi kwe?