Yoane 10:1 - Bibilia Buk na Ŋun nagon koti luŋu a

¹ ’Diri ’diri nan takiŋdya ta adi, Ŋuto logon ti lupöri kötumit na goro lo yidin, ama a kije lukata i nene pirit lo, lepeŋ a kolanit ko a karyakanit;

Yoane 10:1 ပူးပေါင်းရင်းမြစ်များ

Matayo 7:15

Kunyar ta nebijin kamumulukak logon po kasu ni meta gwoso köbilu, ama i lukata nase lepeŋat ’diri gwoso lujin kakerenyak.

Roma 16:18

kogwon ŋutu gwoso kilo ’bayin kitakiŋdya Kristo Matat likaŋ, ama lepeŋat kita pelela kase. A lepeŋat mumuluŋge töilyet ti ŋutu logon ’bak kulya kulo ko jamesi lo paleleŋ se ko kulyaesi ’bu ’busesi.

1 Yoane 4:1

Ta lo nyanyara kilo, an ta ko yubbo ta muloko liŋ, ama teme ta tem muloko, anyen ta deden ko se a ti Ŋun kode a lepelok, kogwon nebijin ’buronok jore aje rekin i na kak.

Ebere 5:4

ŋuto ’bayin logon a wakakin mugun ŋina kita na bubula, tuŋ ko Ŋun a luŋ nye, gwoso na luŋgi nye Arona köju nu.

2 Petero 2:3

A se mo lulukuŋdye gurut kasu ko todinesi ’buröno kogwon goma nase. Ama putet logon koju ’beron a ’duŋoki i lepeŋat lo momöŋdu lepeŋat. Katukaranit lose ti doto.

2 Petero 2:1

Ama nebijin ’buronok koti köju a pukun ko ŋutu ti Yisaraele kiden, gwoso nagon katodinok ’buronok mo gwon kasu kiden na. Kilo katodinok ’buronok mo sukiŋdyo ŋo nagon a korisi i todiŋdyo nase, ma ’di rerenya Matat logon aje gworuŋdyö se lo, a mo jakiŋdye ’borik korit nagon ’dukin ’de ’de kijek.

1 Petero 1:10

Nebijin logon koju aje keju adi Ŋun mo ’dogga ta kilo aje ga ’yu nina lwökita iŋge piyuŋdya kulya kanyit ko tirikwet.

Yeremia 23:32

Nan MATAT lo kulya adi, Nan a miriku lo ŋutu logon kekejutu rudweesi ’burönö a nyönyökokiŋdye ŋutu, a togiraddi ŋutu kwe ko kulya ’burönö kase nagon se a jam a wuya kana kune. Nan ’bayin lo soŋdu se, kode sarakiŋdya se; nyena lepeŋat ti garakin kulo ŋutu kwoŋ. Kilo a kulyaesi kwe ti MATAT.

Roma 10:15

A ŋutu tokuöddi ada ko se a ko sonyo? Sekine kulya nagon a wurö kune adi, Mokosi ti ŋutu lo joŋdya lore lo ’but kulo kwekwelen adi rio!

Yoane 3:3

A Yesu waddi lepeŋ adi, ’Diri ’diri nan takiŋdya do adi, ko lele ŋuto a ko yuŋwe köti a ludu-kötyo, a nye tine met Tumatyan na Ŋun.

Yeremia 23:21

Nan a ko soŋdu kilo nebijin, kudyakan lepeŋat lo wokon; nan a ko jambu ko se, kudyakan lepeŋat lo kekejutu.

Tito 1:11

Toyiŋaji kilo ŋutu, kogwon lepeŋat köŋu yeyeesi ti ŋutu liŋ lo gwon i kunie midijik, lepeŋat ’bak yu na kwe i todiŋdyo na ŋo nagon se kodyo ti todin kune anyen ga ’yu ’bulit.

Yeremia 14:15

Nyena­gon nan MATAT lo kulya i kulya ti nebijin logon kekejutu ko karin kwe kulo ma ’di nan a ko soŋdu lepeŋat, logon kulya adi, Baŋdujin ko dyaŋ mo ti ’dukin i lo jur. Nan kulya sona adi, Kilo nebijin mo totogiröki ko baŋdujin se ko dyaŋ.

Yoele 2:9

A se lalabara i köji lukata, a wowokine i loki na goroma nagon a mariŋan, a kiyaddi i kadijik lukata, a se luponi i kwilisesi gwoso kolak.

Yoane 10:7

Nyena a Yesu köti jamakiŋdye lepeŋat adi, ’Diri ’diri nan takiŋdya ta adi, Nan a kötumit na yidin.