Tolupesi 7:2 - Bibilia Buk na Ŋun nagon koti luŋu a

² ’Debbi saresi kwe ko do yöŋö gwon jörun; tiji todinesi kwe gwoso kiden na koŋe ilot.

Tolupesi 7:2 ပူးပေါင်းရင်းမြစ်များ

Saumajin 119:144

Todinesi kunök gwon rigwo ŋupi, tindi nan i kurundyö na kulya, a nan mo rune ru. Nan mo ’yu MATAT i lwökundyö na nan

Saumajin 17:8

Tiji nan gwoso koŋe metet, mukokindye nan i rupu konut i köpukön lukata,

Tolupesi 4:13

Moke tojumisi go, an do ko koloro; tiji lepeŋat kogwon se gwon a ru inot.

Tolupesi 4:21

An do ko kölörö se konut i komor; ’delaki se go konut i töili lukata.

Tolupesi 4:4

baba koju a todinikin nan ŋo gwoso kine adi, ti nan ’debbi kulyaesi kanyit go koyo i töili; ko ti nan toi saresi kanyit ’bura anyen nan boŋo ruru.

Yisaya 55:3

Togwo ’yi ta swö kasu ko poŋdi ta köyö ni; yiŋge ta nan, anyen ta böŋö ruru; a nan mo teteŋdi tomoret na yeŋ nyin ko ta, i nyaŋu na ta ko to ’diri gwoso na nyaŋi nan Dawidi köju nu.

Yeremia 38:20

A Yere­mia kulyani adi, Do mo ti wuki lepeŋat. Böŋö yiŋge gworo lo MATAT i ŋo nagon nan jamakin do kune, a kulya kunök mo gwe ’bura, a do mo tine tatua.

Lewi 18:5

Nyenagon a ta ködyö ’debbi saresi kwe lo wurö se ko kulya na ’duŋ nan kune. ŋuto logon a koŋdya se lo mo gwon jörun kogwon se: nan logon a MATAT.

Jakaria 2:8

A MATAT lo kurumi kulyani sona i diŋit nagon nye soŋdi nan i koŋdya na kita na kukwon i kulu gweyarijin ti ŋutu logon a ryaggu ta kulu, kogwon nye logon a ’bo ’yu ta lo aje ’bo ’yu kiden na kone lonyit lo MATAT,

Yoane 14:21

Ŋuto logon a wuju saresi kwe a ’debbi se lo, nye ŋilo lo nyanyar nan lo; a Baba mo nyaŋi ŋuto logon nyanyar nan lo, a nan köti mo nyaŋi lepeŋ a mo kwekiŋdye lepeŋ mugun nio.

Yoane 15:14

Ta a julin kwe ko ta kökon ŋo nagon nan a sarakin ta kune.

Nyökit 32:10

Nye a ryö lepeŋat i jur logon a yöbu na sese, i ’dar kana na wuwuŋi ’e gwuruŋin; nye a pom lepeŋat, nye a tiju lepeŋat, nye a gaju lepeŋat gwoso koŋe lonyit metet.

Kweyatti 22:14

Ŋutu logon a lalaju boŋgwat kase kulo a kalyöŋök, kogwon se mo ’bu ’buruki ködini toruet, a mo ruko kine i lupö köji i kötumitön.