Tolupesi 2:9 - Bibilia Buk na Ŋun nagon koti luŋu a

⁹ A kirut do mo kuru kurun ko loti lo ’but lo rigwo ko liliet na ’but ko torigwo a nyo, kweja adi a kikolin liŋ logon tu i gwiliŋit lo ’but.

Tolupesi 2:9 ပူးပေါင်းရင်းမြစ်များ

Yeremia 6:16

MATAT lo kulya sona adi, Gwo ’de ta i keresi ti kikolin, meddi ta kikolin ti ’beron, ko pije ta adi, Liya kiko logon joŋga yi i kulya nagon a na ’but? A kirut kepoddi ta ŋilu kiko, a ta mo gwe ko yukan. A lepeŋat kölumbö waddi adi, Yi ti ’bön kepoddu ŋilo kiko.

Yisaya 48:17

MATAT logon a kadakanit ilot, Ŋilu Loke lo Yisaraele lo kulya sona adi, Nan a MATAT Ŋun ilot logon a todinikiŋdyö do ’bulit, a nyömöddi do i kiko logon do ködyö tiri nyin lu.

Yoane 14:6

A Yesu waddi lepeŋ adi, Nan logon a kiko, ko a to ’diri, ko a ru. Ŋuto ’bayin lo tu ko Baba yu ake ko nye tiri köyo.

Saumajin 119:99

Nan kukurun kulya totoŋun katodinök kwe liŋ, kogwon nan yeyeju todinesi kunök.

Saumajin 32:8

Nan mo kwekindya do ko todinikindyö do kiko lo tiri do lu; nan mo jujuaddu do ko konyen kwe meddya do.

Yisaya 35:8

A kiko lo ’du ’dulu mo gwe nyu, a nye mo luŋuni a Kiko Loke lo Ŋun; a ŋutu lut mo tine lwöpöddu kata, a ŋilo kiko mo gwe a lo ŋutu logon wörö kata, a ŋutu lu ’böŋ mo tine girara nyin.

Saumajin 119:105

Kulyaesi kulök gwon a lombo anyen nan bubulö wörö ’bura, ko a parara köyö i kiko.

Tolupesi 4:18

Ama kiko lo ŋutu ti löti lo rigwo gwon gwoso baŋun na kak, nagon pararaaddu tojo ko tuparan kiden.

Tolupesi 8:20

Nan woro i kiko lo rigwo, nan kebbu gwoke lo tu i ’duŋgo gwogwo,

Tolupesi 28:5

Ŋutu lorok ti kurun ’duggö na putet gwogwo, ama se lo ŋa ’yu MATAT kukurun go liŋ ’bura.

Saumajin 25:12

Ŋuto a ŋa lo kugga MATAT? MATAT mo todinikindyö lo ŋuto i kiko logon nye a wulökin lepeŋ lo.

Tolupesi 4:12

A na worojine do nu, a mokosi kulök mo tine kakala, a na woggiri do nu, a do mo tine kopuko.