Tito 3:3 - Bibilia Buk na Ŋun nagon koti luŋu a

³ Kogwon yi köju a lu ’böŋ ko a karenyak. Yi a giran a gwe a ’dupi ti ’dekesi narok ko ti lyoŋesi ka ’de ka ’de ti na kak, a yi gwilipara ko töilyet lurwök ko a kayulök, ŋutu maman yi a yi koti iŋge man ’börik.

Tito 3:3 ပူးပေါင်းရင်းမြစ်များ

Suluet 38:9

Ama a Onan iŋge kurun adi kilo ŋwajik mo ti gwon a kanyit, a ko gwe sona ko lepeŋ aje lupö ko nakwan na luŋaser yu, a ’bukökiŋdye pioŋ yuŋweesi kune kak anyen nye gwon ti yuŋwekiŋdyö luŋaser lonyit ŋwajik.

Suluet 39:16

A nye ’de ’yi boŋgo na lepeŋ na kanyit nyona tojo ko duma lo Yosepa a po mede.

Saumajin 36:2

Kogwon lepeŋ memet mugun adi nye a lo ’but, an tukwölöŋ nanyit ko ŋuruun kaŋo an mana.

Tolupesi 8:5

Ta ŋutu logon ko yeyeesi a namunyak, dinikine ta tokolor; ta ŋutu lu ’böŋ, jujumbi ta denesi nakoŋ.

Tolupesi 9:6

Kölöki ŋuto lu ’boŋ, a do mo gwolore gwolor, ko woroni i kiko lo kurundyö na kulya.

Yisaya 44:20

a nye nyesi kurök ti kimaŋ; a töili lonyit logon a mumuluka lo togiraddi lepeŋ a swöt, a nye tine bulö lwöŋgu mugun kode pija adi, Na ŋo nagon köyö i könin lutaten na ’bayin a ŋo ’burönit le? MATAT a kadakanit lo Yisaraele

Obadia 1:3

A töili ilot ka ’du ’duŋanit iŋge mumuluk do, do logon gwolor i kiri ’diyat ti mere nagon pirit inot gwon ki, do logon jambu konut i töili adi, ŋa de lo joŋdya nan kak?

Matayo 21:29

a ŋuro lo renyani adi, Nan ti ’bön. Ama i mukök a nye löpuŋge yeyeesi kanyit, a iti tu.

Luka 21:8

A Yesu waddi adi, Kunyar ta, an ta ko totogira ta. Kogwon ŋutu jore mo popo i karin kwe a kulyani adi se a nan, ko adi, Diŋit gwe nyona ko po. Ama an ta ko keporo ta lepeŋat.

Yoane 8:34

A Yesu waddi lepeŋat adi, ’Diri ’diri nan takiŋdya ta adi, ŋutu liŋ lo koŋdya toronjin kilo a ’dupi ti toronjin.

Roma 11:30

Nyenagon gwoso nagon ŋutu ti jurön kulo köju a renya twöju Ŋun nu, ama soŋinana Ŋun aje won konyen ko ta kogwon Yudayaki a renya twöju.

Roma 6:12

Nyenagon ti toron gwe ti tumatyan kasu i mugunya na ’bu ’burön kine, anyen tiŋdu ta i twöju na ’dekesi ti kine mugunya.

Roma 6:17

Ta köju a ’dupi ti toron, ama tinate lo Ŋun kogwon ta soŋinana aje twöju ko töilyet kasu liŋ gweyari lo todinet nagon aje todiniki ta na;

Roma 6:22

Ama soŋinana ta aje yukwe kaŋo i toron a ta gwe a ’dupi ti Ŋun, nyena a ’bulit nagon ta wuwu na gwe a kelan, a ’dutet nanyit gwe a ru na yeŋ nyin.

Roma 6:6

Kogwon yi deden adi yi ko töilyet kaŋ ti ’beron kulo a ’bikiki i ködini na göro ko lepeŋ i pirit na geleŋ, anyen töilyet lo toroŋdya kulo böŋö kakaŋu an yi koti yeŋon a ’dupi ti toron;

2 Korinto 12:20

Nan kukujönö adi kode ŋona ko nan a ŋo kasu pini, a nan mo ryeji adi ta gwon ka ’de ’bayin gwoso nagon nan ’de ’dekan na, a ta mo ryeji adi nan gwon ka ’de ’bayin gwoso nagon ta ’de ’dekan na. Nan kukujönö an nan ko ryö adi ta gwon i rerenya, ko i be ’ya, ko i woran, ko i deŋdya na ’börik ka ’de, ko i momoröju, ko i yeyeŋga na kulya, ko i bu ’ya na kusik, ko i wopesi.

Galatia 6:3

Kogwon ko lele ŋuto yeyeju adi nye a duma kudyakan nye a ŋo kana, lepeŋ mumulugga mugun.

Kolosai 1:21

Ta koti ko ’borik kasu köju a gwon pajo ko Ŋun, ta a gwon a merok kanyit kasu i yeyeesi ko kasu i konesi narok kine.

Kolosai 3:7

Gwiliŋit losu koju koti gwon sona i kokonoja na kine ŋo.

2 Timoteo 3:13

Ama ŋutu lorok se ko kamumulukak mo puputuru ŋerot i toroŋdya. Lepeŋat mumulugga kulye ŋutu, ama a se koti mumulukani mumuluka.

2 Timoteo 3:6

Kogwon kulye kase dodomuŋdya ’borik i midijik, a mumuluŋge wate nagon yeyeesi a namunyak, nagon a sopa ko toronjin, nagon a jikö ko ’dekesi ka ’de ka ’de.

Tito 1:16

Lepeŋat kulya adi se deden Ŋun, ama se renya lepeŋ kogwon konesi kase. Lepeŋat a loron parik, lepeŋat ti twoju, ko ti jukin i koŋdya na nene ŋo na ’but kwoŋ.

Tito 2:12

Ŋina ’busan na nyaŋu todinikiŋdyo yi adi, ti yi renyani ŋo nagon ’bayin a twoyosi ti Ŋun kine se ko ’dekesi ti na kak, ko ti yi gwolore i na kak i na diŋit i tiju na ’börik, ko i gwon i löti lo rigwo, ko i twoju na Ŋun,

Yakobo 1:26

Ko lele ŋutu yeyeju adi nye a lo ŋun, ama a nye tine teŋgu ŋedep lonyit, ŋilo ŋutu mumuluŋga mugun, a twoju nanyit gwe a go kana.

1 Petero 1:14

Gwe ta a ŋutu kayiŋak ti kulya, an ta ko gwolor ta gwosoi ’dekesi kasu ti ’beron nagon ta a ko nyuŋ den kulya nu.

Kweyatti 12:9

A ŋilo kitun duma logon gwe a munu lo ’beron lo, logon lupu a Kaŋöönit ko a Satani, logon a togiraddu jurön liŋ ti kak, iŋge gube i na kak, a malaikajin kanyit iŋge gube kak ko lepeŋ i pirit na geleŋ.

Kweyatti 13:14

A lepeŋ togiraddi ŋutu ti na kak i koŋdya na kweyesi nagon a ’buruki nye i koŋdya i komor na ŋilo gworoŋ. A nye takiŋdye ŋutu ti na kak anyen teteŋdya nyömue a na gworoŋ lo toko ko baŋdu ama gwon jörun lo.

Kweyatti 18:2

A lepeŋ maraogi maraŋgu ko gworo lobot adi, Babela a ’doro! Koji duma na a ’doro! Lepeŋ aje wora a pirit si ’daet na mulokö lorok, a pirit na mulökö liŋ logon a lut, a pirit na kwen liŋ logon a lut ko logon mamana.