Tito 1:9 - Bibilia Buk na Ŋun nagon koti luŋu a

⁹ Lepeŋ agu kodyo ’de ’dep lo kulyaet go logon jojo yupo lo, gwoso na todiniki ’e nye na. Ko ŋina kwe a lepeŋ mo buloni bulo togo ’yu kulye ŋutu ko todiŋdyo nagon tiŋdu ŋutu gwon ’bura, anyen teluŋdya ŋutu logon a karerenyak i kulya ti ŋilo kulyaet kilo.

Tito 1:9 ပူးပေါင်းရင်းမြစ်များ

Eyobo 2:3

A MATAT pipije Satani adi, Do ŋona a timun koliponit liŋ Eyobo? Lele ŋuto ’bayin i kak ni gwoso lepeŋ. Nye a ŋuto loke ko a lo rigwo, ko kukujono nan ko maman kulya narok. Lepeŋ nyuŋ ’depakiŋdya go i ’busan nanyit, ma ’di do kodyo a jujukin nan i tukaŋu na lepeŋ ’bak kwe na kulya.

Eyobo 27:6

Nan mo ’depakiŋdya go i tuggo adi nan ’bak kulya, a nan mo tine ko se; töili liŋ a ko ŋokin nan i nene ŋo i kulya ti gwiliŋit liŋ.

Tolupesi 23:23

Gwörundye to ’diri, an do ko tugwör lepeŋ; gwörundye koŋon, ko tojumisi, se ko kurundyö na kulya.

Konesi 18:28

kogwon lepeŋ jambu ko riŋit, a nye te ’yi Yudayaki ko ŋutu liŋ i komor, a kwekiŋdye se adi kulya ti Ŋun na wurö kune tuggö adi Yesu a Masia.

1 Korinto 14:24

Ama ko ŋutu liŋ gwon i tuggö na kulya nagon Ŋun a jamakin se kune, a ko ŋuto kana kode logon ’bayin a kayupönit lo a lupö lukata, a ŋo liŋ na yiŋ nye kune ’dorone kanyit i töili kwekiŋdya adi nye a lyaŋan, a ŋo liŋ tiŋdi lepeŋ i deŋdya adi nye mo ’du ’duŋöki putet;

1 Tesalonike 5:21

Teme ta tem kulya liŋ, moke ta go ŋo nagon a na ’but kine.

2 Tesalonike 2:15

Nyenagon luŋasirik, gwo ’de ta go, ’depakiŋdye ta go i saresi logon yeŋon a keri, logon yi a todinikin ta kilo kode jama ko kutuk, kode wuröki i leta.

1 Timoteo 1:10

anyen riŋari kalupok, ko ŋutu lyan logon totoluŋ ko ’borik, ko kolak ti ŋutu, ko ’buronok, ko kamilyok ’buronok, se ko ŋo kunie nagon koŋu todinesi na gwon jojo.

1 Timoteo 1:15

Lo a kulyaet logon a gwak, logon ŋutu lio jojo yubbo adi, Kristo Yesu a po i na kak i Iwoggu na katoronyak. Nan logon a duma lose.

1 Timoteo 1:19

ko tito moriesi nagon a yupet se ko toili denet lo ’but. Kulye ŋutu a dukara toilyet kase denesi a swot a tolikiŋdye yupet nase gwoso ’diron na ki ’bo.

1 Timoteo 4:9

Lo a kulyaet logon a gwak logon ŋutu liŋ jojo yubbö.

1 Timoteo 6:3

Ko lele ŋuto todiŋdyo todinet nagon ka ’de, a tine ruggo kulyaesi ti Matat likaŋ Yesu Kristo logon tiŋdu ŋutu i gwon ’bura kilo, se ko todinesi nagon woro jojo ko keri lo Ŋun,

2 Timoteo 1:13

Kulyaesi logon tiŋdu ŋutu i gwon ’bura logon do a yiŋun köyo kilo, tiŋdi se konut i komŋo a miret; si ’dani i yupet ko i nyaŋu nagon a kaŋ ko Kristo Yesu i mugun kine.

2 Timoteo 2:2

Do a yiŋ kulya na todin nan kune i komor na ŋutu jore. Todiniki kine kulya i ŋutu logon yiyiniki, logon jujukin todinikindyo i kulye ŋutu koti.

2 Timoteo 2:25

lepeŋ ködyö yuyuggö ŋutu lo renya lepeŋ kilo ko tokoyokan. Kode a Ŋun ŋona mo tiŋdi se i löpuggö na töilyet, anyen se ŋo i deŋdya na kulya ti to ’diri,

2 Timoteo 3:14

Ama ti do yeŋe yeŋon i kulya nagon a todiniki do a do iŋge yuŋ go kine, kogwon do deden ko ŋa lo todiŋdyo do.

2 Timoteo 4:3

Kogwon diŋit mo ŋoŋo nagon ŋutu mo ti ’bon yiŋga todinesi nagon tiŋdu ŋutu gwon ’bura, ama a se mo koŋdi gwoso na ’deggi se na, a mo galakiŋdye ’borik katodinök jore logon mo todinikiŋdyö se kulya nagon swö kase pupuri i yiŋga.

Tito 1:11

Toyiŋaji kilo ŋutu, kogwon lepeŋat köŋu yeyeesi ti ŋutu liŋ lo gwon i kunie midijik, lepeŋat ’bak yu na kwe i todiŋdyo na ŋo nagon se kodyo ti todin kune anyen ga ’yu ’bulit.

Tito 2:1

Do agu kodyo todiŋdyo ŋo nagon jujukin i todinet nagon tiŋdu ŋutu i gwon ’bura.

Yuda 1:3

Julin kwe lo nyanyara, nan gwon kata ko pusok i wurökiŋdyö na ta i kulya ti lwökö nikaŋ nagon yi a par na. Ama nan a ryö adi nan kodyo nyoŋga ’de ’de i wurokiŋdyo na ta anyen jujukiŋdya ta i woro i juŋdyö na kulya na yuŋ yi kine, nagon Ŋun a wukin ŋutu kanyit daŋ geleŋ a ’dutet.

Kweyatti 2:25

ama tuŋ moke ta ŋo nagon kasu kine go, tojo nan a ’dur.

Kweyatti 3:11

Nan ŋilo popo ’de ’de. ’Depe po nagon konut kine go, anyen lele ŋuto boŋo gwon ti ’dumara Iŋguya ilot telet.

Kweyatti 3:3

Yeyene yeye ŋo na wu do ko ŋo na yiŋ do kine; ’depe ’dep se ko löpuŋge töili. A ko do ti ’bön purwe, a nan mo poŋdi gwoso kolanit, a do mo tine den diŋit nagon nan mo ’durukin konut nu.