Tito 1:3 - Bibilia Buk na Ŋun nagon koti luŋu a

³ ŋun Kalwokonit likaŋ a wuluŋdyo diŋit na ’but, a iŋge kwekiŋdya kulyaet lonyit köke, a lepeŋ iŋge yinikin nan i tokujo na kulyaet lonyit gwoso i saret lonyit.

Tito 1:3 ပူးပေါင်းရင်းမြစ်များ

Yisaya 12:2

Mete, Ŋun a kalwökönit liŋ; nan yinikin mugun ko lepeŋ, a nan tine kujönö; kogwon MATAT Ŋun a riŋit nio ko a köli liŋ, iŋkoi, nye a wora a kalwökönit liŋ.

Yisaya 45:15

’Diri do a Ŋun logon ’de ’ya mugun, do Ŋun lo Yisaraele, kalwökönit lo.

Yisaya 45:21

Tuŋge ta, ko kwekiŋdye ta kulya kasu; iŋkoi, ga ’yi ta i pirit na geleŋ! Ŋa logon a kwekiŋdya kine kulya köju nu, kode a tuggö se ’beron? Ti gwon a nan MATAT le? a lele ŋun gwe ’bayin ama tuŋ a nan, nan a Ŋun lo rigwo ko a kalwökönit; lele ’bayin ama tuŋ a nan.

Daniele 11:27

Kilo moran murek töilyet kase mo yeyeju kulya narok; a se mo tujamaki ’burönö i diŋit na nyesu; ama a se mo tine ryö ’bulit kogwon ’dutet na kine kulya möŋdu diŋit na wulwe.

Daniele 8:23

A i ’dutet na saŋu nase nagon toronjin kase aje temaki nu, mor mo pupukun logon a kabulanit lo kwe ko a luwat.

Daniele 9:24

Adi jimalan merya buryo logon a kiŋajin kulo a saraki a kwe na kulya ti ŋutu kulök ko i köji inot nake. Kilo jimalan a tutupesi ti lyaŋesi, ko a tu ’bakaesi ti toronjin, ko a lalaesi ti kulya narok, anyen joŋdya torigwo na yeŋ nyin, anyen kwekiŋdya adi ŋo na memeta se ko nebi a gwak, anyen welakiŋdya pirit nake parik na toto-puŋdya.

Abakuk 2:3

Kogwon ŋo na memeja nyuŋ mordu diŋit nanyit na wulwe, a rurumuŋdye ’de ’de i kona, a tine gwon a mumuluket. Ko ŋina ŋo meta a karakin moni mon nye; kogwon nye ’diri mo popo a tine Taran.

Marako 1:15

adi, diŋit aje temakiŋdya; Ŋun aje yepuŋdya i tumatyan; löpuŋge ta töilyet ko yubbe ta lore Lo ’but.

Marako 13:10

Ama Loŋe Lo ’but ködyö totokuoŋ i ŋutu liŋ ti jurön a kokwe na ’dutet na ŋo liŋ.

Marako 16:15

a nye takiŋdye lepeŋat adi, Iti ta i jurön liŋ i tokuöddu na Loŋe Lo ’but i ŋutu liŋ.

Luka 1:47

toili liŋ lyolyoŋi ko Ŋun Kalwokonit liŋ,

Konesi 10:36

Ta deden adi lepeŋ a sunyukiŋdyö ŋutu ti Yisaraele kulyaet a tuŋge Loŋe Lo ’but lo taliŋ kogwon Yesu Kristo, logon a Matat lo ŋutu liŋ.

Konesi 17:26

A lepeŋ köju piŋiluŋdye gweyajin liŋ ti ŋutu i ŋuto geleŋ, a tiŋdi se i gwolor i kak ’bukuluŋ. Lepeŋ a wulökiŋdyö ŋutu diŋitan kase a tembi piritön na si ’dari se kune.

Roma 15:19

i riŋit na kweyesi ko na sörösi, se ko i riŋit na Mulökötyo Loke. Nyenagon nan a tutuŋgö tokujö Loŋe Lo ’but lo Kristo suluja Yerusalema a loraddi tojo ko Iluriko.

Roma 16:25

Nyena ti bulet gwe ko Ŋun logon bubulö tiŋdu ta i gwo ’dan go i Loŋe Lo ’but logon nan a jakin ta lo, iŋkoi, anyen gwo ’dan go i todinesi nagon nan a tokukin ta i kulya ti Yesu Kristo kine. Ŋilo Loŋe Lo ’but a ŋo nagon a lwön logon köju a ’beron ’dela adi mit,

Roma 16:26

ama soŋinana aje kweye köke, ko a tiki i dena ko jurön liŋ, anyen tiŋdu ŋutu liŋ i yubbö ko i twöju. Kine kulya Ŋun lo yeŋ nyin lo sarakiŋdya, a nebijin köti iŋge wuŋö se.

Roma 5:6

Kogwon i diŋit gwak nagon Ŋun a wulun na gwoŋdi yi nyuŋ a lomunyak nu, Kristo a twan kogwon ŋutu logon ti twöju Ŋun.

1 Korinto 9:17

Ko nan ködyö lo wuluŋdyö koŋdya ŋina kita a nan kodyö tikine ropet, ama nan a ko wulun mugun gwoso i ’dekesi kwe, ama kogwon Ŋun lo wuluŋdyö nan i koŋdya na ŋina kita.

Galatia 4:4

Ama ko diŋit na ’but nagon a temakiŋdya a gwak na a po, a Ŋun sunyuŋdye Ŋuro lonyit. Lepeŋ a yuŋwe ko ŋuto nakwan, ko a yuŋwe i mukok na Saresi ti Mose,

Epeso 1:10

anyen kokona ko dinit na ’but a po, kweja adi, lepeŋ ’dek momora no liŋ ti ki ko ti kak anyen gwon a no gelen ko Kristo i mugun.

Epeso 2:17

a nye iŋge po a tokukiŋdye ta logon köju gwon pajo pajo ko Ŋun kilo Loŋe Lo ’but lo taliŋ, köti a tokukiŋdye i se logon gwon nyona kulo.

Pilipoi 1:13

kogwon katiyuk liŋ lo gwon i modoria kulo se ko kulye ŋutu liŋ aje kurun adi nan gwon i kadi rereket kogwon kulya ti Kristo.

Kolosai 1:23

Ama ta agu kodyo yeŋon gwo ’dan go i yubbo nasu, an ta ko wusaji ta kaŋo i yeŋdu na kulya nagon ta a yiŋ i Loŋe Lo ’but kune. ŋilo Loŋe Lo ’but aje tokuki i ŋutu liŋ ti kak ’bukuluŋ; nan Paulo logon a katokuonit lo ŋilo Loŋe.

Kolosai 1:6

Iŋkoi, Loŋe Lo ’but ŋoŋoi i kak ’bukuluŋ a rade ludweki, gwoso nagon gwon sona kasu kiden suluja i lor lo yiŋge ta kulya ti ’busan na nyaŋu na ŋun, a ta iŋge kurun to ’diri nanyit.

1 Tesalonike 2:4

Ama Ŋun aje rukokin yi ko a yinikin yi i Takiŋdya na kulye ŋutu Loŋe Lo ’but, nyena yi Tambu ti gwon anyen tulyöŋgu Ŋutu, ama anyen tulyoŋgu Ŋun logon tetemeja töilyet kaŋ lo.

1 Timoteo 1:1

Nan Paulo a luyökie lo Kristo Yesu. Ŋun Kalwokonit likaŋ se ko Kristo Yesu logon yi yeyen lo a sarakiŋdya nan.

1 Timoteo 1:11

Kine todinesi gwon jojo ko Loŋe Lo ’but lokwekwelen lo Ŋun lo pupura logon lepeŋ a yinikin koyo lo.

1 Timoteo 2:3

A na ’but i koŋdya sona anyen tulyoŋgu Ŋun Kalwokonit likaŋ;

1 Timoteo 4:10

Ko ŋina kwe yi mömöŋu ko kikita parik, kogwon yi a tiriku yeŋdu Ŋun lo gwon jörun logon a Kalwökönit lo ŋutu liŋ, bia parik lwöggu kayupök.

2 Timoteo 4:17

Ama kölumbö Matat lo töggu nan a iŋge tikin nan riŋit, anyen nan tokujö ŋilo kulyaet ’bura, anyen ŋutu ti jurön liŋ böŋö yiyiŋ; nyena a nan iŋge riŋwe kaŋo i kutuk na kömiru.

Tito 2:10

kode ’dumaddu kunie ŋo na ’di ’dik a Iwon. Kölumbö se ködyö kwekiŋdya ’börik a lo ’but lo yiyiniki i ŋo liŋ, anyen se tokweleŋdu todinet na Ŋun Kalwokönit likaŋ i ŋo liŋ.

Tito 2:13

na mömöŋdi yi lyöŋit logon yi yeyen lo, kweja adi a diŋit nagon ŋun duma Kalwokönit likaŋ logon a Yesu Kristo lo mo pupukun ko minyo.

Kweyatti 14:16

Nyena a nye lo si ’da i ’diko kata lo wiŋuŋdye wale lonyit i na kak a kinyojin liŋ ti kak ŋerani ŋera.