Suluet 39:9 - Bibilia Buk na Ŋun nagon koti luŋu a

⁹ Nye ti gwon a duma i na mede lwölwöŋ nan; Köti a nye gwe a ko tiŋikin nan nene ŋo, ama tuŋ tiŋikiŋdyö nan do geleŋ kogwon do a nakwan nanyit; nyenagon nan bubulö koŋdya ŋina toron duma ada i toroŋdya na Ŋun?

Suluet 39:9 ပူးပေါင်းရင်းမြစ်များ

Suluet 13:13

a Ŋutu ti Sodoma gwe a katoronyak lorok a Iwoŋgu ko MATAT i komor.

Suluet 20:3

Ama i tukwaje a ŋun poki ko Abimelek i rudwe, a kulyani ko lepeŋ adi, Mete, do ŋilo twatwan, kogwon kulya ti ŋuto nagon do aje joŋ na; lepeŋ a nakwan na leŋe.

Suluet 20:6

A Ŋun kulyani ko lepeŋ i rudwe adi, lye, nan a kurun adi do a koŋdya kine kulya ko töili lo rigwo, nan koti aje göja do i toroŋdya na nan; nyena nan a ko kölökiŋdyö do i ’bo ’yu na lepeŋ.

Suluet 20:9

A Abimelek luŋgi Abarayama, a pipije lepeŋ adi, Kune ŋo a nyo nagon do aje konakin yi kune? Nan a toroŋdya do i nyo, na jakiŋdye do nan se ko tumatyan nio ŋina toron duma? Do a konakin nan ŋo nagon agu ködyö ti bulö kona.

Suluet 24:2

A Abarayama kulyani ko kölipönit lonyit duma lo mede nanyit, logon ’debba ŋo liŋ na gwon ko lepeŋ kune adi, Böŋö sukiŋdye könin ilot köyö i ŋeti,

Suluet 39:10

Nyena ma ’di nagon nye a jajamaju ko Yosepa perok liŋ nu, a Yosepa tine yiŋ lepeŋ anyen doto ko lepeŋ, kode anyen si ’da ko lepeŋ i pirit na geleŋ.

Suluet 41:40

Ti do gwe a duma lo mede nio, a Ŋutu kwe liŋ mo koŋdi gwoso na kulyari do na. Ama i kulya ti si ’daet nio na tumatyan ka ’de nan lo gwon a duma ilot.

Suluet 42:18

A i mukök na perok musala a Yosepa kulyani ko se adi, Koŋdi ta sona a ta de gwe jörun, kogwon nan kukuk Ŋun:

2 Samuele 11:27

A nagon delya nanyit aje jo, a Dawidi sonyoddi ŋutu a joŋdi lepeŋ kanyit mede, a nye gwe a narakwan nanyit, a iŋge yuŋwekiŋdyö lepeŋ ŋuro lulalet. Ama ŋo nagon Dawidi a kon na meta a naron ko MATAT i komor.

2 Samuele 12:13

A Dawidi kulyani ko Natana adi, Nan aje toron-dya MATAT. A Natana kulyani ko Dawidi adi, MATAT köti aje joŋga toron inot kaŋo; a do de tine twan.

Nemaya 5:15

Modiron ti kokwe logon gwon koyo ŋerot kulo aje sopakiŋdya ŋutu pomoni, a luŋgi ko lepeŋat kinyo ko binyo, wat rotolan murek ti podo. Ma ’di koliponok kase koŋdi ’borik a kimak ti ŋutu. Ama a nan gwe a ko koŋdya sona kogwon nan kukujono ŋun.

Nemaya 6:11

Ama a nan waddi adi, ŋuto gwoso nan wöwökön le? ŋuto gwoso nan ŋona bubulö lupö i kadi na ŋun lukata i lwöggu na mugun le? Nan ti bulö lupö lukata kwöŋ.

Eyobo 31:23

Ama nan kukujönö adi kode Ŋun susunyukin nan delyaesi, a nan tine bulö gwo ’dan i komor na todumalan nanyit.

Saumajin 51:4

Nan a torondya do, ’diri nan a torondya do tuŋ, a nan aje kondya ŋonyan konut i komor; anyen do böŋö ködyö kurwe a loke ko liliesi kunök, anyen do ’bu ’buŋu i ’duŋgö inot na ŋutet.

Yuörö 20:14

Do ködyö ti lubbö.

Tolupesi 6:29

Nyena gwon sona i ŋuto logon a doto ko narakwan na marate lonyit; lele ŋuto ’bayin lo ’bo ’yu lepeŋ lo tu kana ’bak riŋet.

Tolupesi 6:32

Ama ŋuto logon torondya ko ŋuto nakwan lo lepeŋ ’bak denesi kwoŋ; nye logon kondya kine kulya lo tukaŋu mugun.

Katokuönit 7:26

A nan ryendi adi ŋuto nagon töili lonyit a lokesi ko a biryajin a könisi kanyit gwe gwoso toŋot na, ŋina ŋuto a ŋo na pötwör parik lwölwöŋ twan; ŋuto lo tulyöŋgu ŋun lo lwölwökörö mugun kaŋo i ŋina ŋuto, ama a ŋina ŋuto morgi katoronyanit.

Yeremia 28:16

Nye­nagon MATAT lo kulya adi, Mete, nan mo wuwut do i na kak. I ŋilo kiŋa lo geleŋ lo a do mo twane twan, kogwon do aje jambu kulya togiresi i kulya kwe ti MATAT.

Yeremia 50:7

Ŋutu liŋ logon a ryö lepeŋat kulo aje nyesu se, a merok kase iŋge kulya adi, Kine ’bayin a kulya kaŋ, kogwon se a toroŋdya nan MATAT logon a mede nase gwak lo, iŋkoi, ŋilo a nan MATAT logon merenyejin kase yeyen lo.

Lewi 20:10

A ko lele ŋuto a lubbö nakwan na leŋe, a ŋilo kalupönit se ko kalupe na ködyö tatuani tatua.

Lewi 6:2

Ko lele ŋuto a toroŋdya ko a ’bele-ŋgu saret lo MATAT, i mumulugga na marate lonyit i kulya ti ŋo nagon tiki lepeŋ anyen ’de ’de kune kode nagon tiki a togwoet, ko lepeŋ a koko ’ya, kode ko nye aje ru ’ya marate lonyit,

Kenet 32:23

Ama ko ta mo a ko koŋdya sona, meddi ta, ta aje toroŋdya MATAT; ko dene ta den ’bura adi toronjin kasu mo ryöun ta kaŋo.

Luka 12:48

ama nye logon a ko den ’deket na duma lonyit lo a iŋge koŋdya ŋo nagon jujukin ’bitorikin lepeŋ, a nye mo ’bitökine ku ’dik. Ŋutu liŋ logon a tiki jore kulo a ŋo jore mo ’dekarikin ’dekarikin kase; nye logon a wuki jore lo a ŋo jore mo piyarikin lepeŋ.

1 Korinto 4:2

Ama katiyuk agu ködyö yiyiniki i kitajin kase.

Tito 2:10

kode ’dumaddu kunie ŋo na ’di ’dik a Iwon. Kölumbö se ködyö kwekiŋdya ’börik a lo ’but lo yiyiniki i ŋo liŋ, anyen se tokweleŋdu todinet na Ŋun Kalwokönit likaŋ i ŋo liŋ.

Ebere 13:4

Ti ŋutu liŋ ködyö twöni twö yemet, ko ti dotoet gwe ti toluta, kogwon Ŋun mo ’du ’duŋgö putet lo kawutejin se ko lo kaluŋök.

1 Yoane 3:9

Ŋuto logon Ŋun lo yupuŋdyö lo ti yeŋ po koŋdya toron, kogwon gwesin ti Ŋun gwon kanyit i mugun, a lepeŋ tine bulo yeŋon koŋdya toron kogwon lepeŋ a ŋuro lo Ŋun.

Kweyatti 21:8

Ama ŋutu kujönök, ko ŋutu logon ’bak yupet, ko ŋutu logon koŋdya ŋo na mamana, ko katatuak, ko kalupök, ko kawanak. ko katwöyök ti nyömuejin, se ko ’burönök liŋ pirit nase mo gwon i tör nagon ’yuŋa a kimaŋ ko pisek. Ŋina a twan tomurek.

Kweyatti 22:15

Ama ŋutu lo gwon kaŋo kilo a ’dioŋjin, ko kawanak, ko kalupök, ko katatuak, ko kakwakwasak ti nyömuejin, se ko ŋutu liŋ logon nyaŋu koŋdya go ’burönö.