Suluet 22:9 - Bibilia Buk na Ŋun nagon koti luŋu a

⁹ A se ko ’dure i pirit na takin Ŋun nye na, a Abaryama dibbe pirit ’yuret na rubaŋgajin nyu, a peddi kaden nyin, a toŋi ŋuro lonyit logon a Yisaka, a topirikiŋdye lepeŋ i pirit ’yuret i kaden loki.

Suluet 22:9 ပူးပေါင်းရင်းမြစ်များ

Suluet 12:7

a MATAT puköki ko Abarama, a kulyani adi, Nan titin nyakwariat kulök lo jur. A Abarama dipakiŋdye MATAT ’yuret na rubaŋgajin nyu, ŋilo a MATAT logon a pukökin ko lepeŋ lo.

Suluet 12:8

A nye ŋine ŋien nyu tojo i mere i swöt lo ’yure lo Betele, a nye ’beggi kemia nanyit nyu, a Betele gwe i swöt lo tokotyaŋ, a Ai gwe i swot lo ’yure. A nye dipakiŋdye MATAT nene ’yuret na rubaŋgajin nyu, a nye luŋgi karin ti MATAT.

Suluet 13:18

A Abarama toyuöddi kemia nanyit, a tu si ’dani nyona ko kaden logon a rinö ti Mamure, Keberon yu; a nye dipakiŋdye MATAT pirit ’yuret na rubaŋgajin nyu.

Suluet 22:10

A Abaryama riöddi könin a ’dumuŋdye wale anyen ’duŋgö ŋuro lonyit.

Suluet 22:8

A Abarayama waddi adi, Ŋuro lio, Ŋun de ryeryekin mugun kilolor lo ’yura a rubaŋga. A se liŋ murek iti tu.

Suluet 8:20

A Noa tetenakiŋdye MATAT pirit ’yuret na rubaŋgajin; a nye ’dumuŋdye kunie ti kijakwa ko ti kwen nagon a na ’but i nyei i kulya ti keri kune, a wukiŋdye se a rubaŋgajin lo ’yu ’yura i pirit ’yuret.

1 Moran 18:33

A nye peddi kaden jojo, a gögöŋdi lu dwöt a peddi i kaden loki. A nye kulyani adi, Tojorone ta sapya iŋwan ko pioŋ, ko ’buŋge ta i rubaŋga lo ’yu ’yura ’buluŋ ko i kaden köti.

Saumajin 118:27

MATAT a Ŋun, nye aje tindu yi parara. Toŋi rubaŋga ko nekenet, joŋgi lepeŋ teŋ ko oŋgwora ti ŋirit ’yuret na rubaŋgajin.

Matayo 27:2

a se toŋi lepeŋ, a nyomöddi lepeŋ kaŋo, a wukiŋdye lepeŋ ko Pilato i konin logon a mödir.

Marako 15:1

A ’de ’de nagon kak aje waran, A a koanejin temejik, ko ŋutu temejik, ko katodinök ti Saresi ti Mose se ko momoret liŋ na ŋutu kaliliyak ti kulya teteŋdi yeyeet nase; a se toŋi Yesu, a nyomöddi lepeŋ kaŋo, a wukiŋdye lepeŋ ko Pilato i könin.

Konesi 8:32

A kalesi nagon nye keken i kulya ti Ŋun na wurö kune gwe sona adi, Nye a jikö gwoso köbilityo nagon joŋa i tatua, ko gwoso kilolor lo gwon taliŋ ko ka ’barinunit i komor, a lepeŋ gwe a ko paju kutuk nanyit kwöŋ.

Galatia 3:13

Kristo aje dakuŋdya yi i lömit na gwon i Saresi ti Mose, a inge lomo kogwon kulya kaŋ, kogwon a wuro adi, Ŋutu logon a leleyo i kodini ki kulo a lomö ko Ŋun.

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.

Ebere 9:28

jojo köti Kristo a wukiŋdya mugun dao geleŋ anyen ’doggu toronjin ti ŋutu jore. Lepeŋ mo pupukun daŋ tomurek, ti gwon i kulya ti toronjin, ama joŋdya lwökit i ŋutu lo mömöŋdu nye ko pusök kulo.

Yakobo 2:21

Kulya ti Abarayama merenye likaŋ koju a tetenaki rigwo ko Ŋun i komor kogwon ŋo na kon nye na, na wukiŋdye nye ŋuro lonyit Yisaka i pirit ’yuret na rubaŋgajin nu. Ti gwon sona le?

1 Petero 2:24

Nye lepeŋ lo ’doŋu toronjin kaŋ kanyit i mugun i kodini, anyen yi boŋo twatwa i kulya ti toron ko anyen ruru i kulya ti loti lo rigwo.