Suluet 20:3 - Bibilia Buk na Ŋun nagon koti luŋu a

³ Ama i tukwaje a ŋun poki ko Abimelek i rudwe, a kulyani ko lepeŋ adi, Mete, do ŋilo twatwan, kogwon kulya ti ŋuto nagon do aje joŋ na; lepeŋ a nakwan na leŋe.

Suluet 20:3 ပူးပေါင်းရင်းမြစ်များ

Suluet 12:17

A MATAT riŋge Paro ko mede nanyit ko twanajin iŋgo kogwon kulya ti Sarai nakwan na Abarama.

Suluet 12:18

A Paro luŋgi Abarama a pipije lepeŋ adi, Na ŋo a nyo nagon do a konakin nan na? Nyö nagon do ti takin nan adi nye a nakwan inot?

Suluet 20:7

Nyenagon soŋinana nyököki ŋilo ŋuto nakwan nanyit; kogwon ŋilo ŋuto a nebi, a nye de momo ’yi ko do, a do de rune ru. Ama ko do a ko nyökökin lepeŋ bot, dene den adi do ’diri de twatwan, do se ko Ŋutu kulok liŋ.

Suluet 28:12

A nye rudweni rudwe adi nye a meddya kiyet gwon nyu a togwi ’diki kak, ko kwe nanyit a yeŋga i ’diko; mete, a malaikajin ti Ŋun gwe i kiyaddu ki ko i kiyuŋdya kak i ŋina kiyet!

Suluet 31:24

a Ŋun poŋdi ko Labana ŋuto lo Aram ni i rudwe na tukwaje, a kulyani ko lepeŋ adi, Kunyar, an do ko jamakiŋdya Yakobo nene ŋo na ’but kode naron.

Suluet 37:5

A Yosepa rudweni rudwe, a nye nyönyökökiŋdye luŋasirik kanyit kulo, a se ’yaladdi ŋerot i maŋdu na lepeŋ.

Suluet 37:9

A nye rudweni nene rudwe, a nye Köti nyönyökökiŋdye luŋasirik kanyit kulo adi, Mete ta, nan Köti a rudwe nene rudweet adi, kö kolor kö yapa kö kaser puök wot geleŋ a dulaki kak köyö i komöŋ.

Suluet 40:5

A i tukwaje lo geleŋ lu, a katumatanit se ko kaderanit lo ambatajin ti mor lo Ejipeto logon a rereka i kadi rereket kulo rudweni rudwe se liŋ murek; ŋadi geleŋ gwon ko rudweet geleŋ ko tokoret nanyit.

Suluet 40:8

A se waddi lepeŋ adi, Yi a rudwe rudweesi, a katokoronit lo kine rudweesi gwe ’bayin. A Yosepa pipije se adi, Tökoresi ti gwon a ti Ŋun le? Böŋö taki ta nan se.

Suluet 46:2

A Ŋun kulyani ko Yisaraele i ŋo na met nye i rudweesi ti tukwaje kune, a luŋgi lepeŋ adi, Yakobo, Yakobo! A nye ruŋge adi, Nan malo.

1 Dekat 16:21

a Ŋun gwe a ko rukökin lele ŋuto i ru ’ya na se; a nye riŋge moran kogwon kulya kase,

Eyobo 33:15

Lepeŋ jambu i rudweesi, i po na met ŋutu kase i töilyet i tukwaje, i diŋit nagon se aje monyota ko doto kase i dotoesi nu,

Eyobo 33:17

anyen nye böŋö löpukuŋdyö ŋuto kaŋo i po nagon nye ’dek koŋdya kune, ko anyen teŋgu ŋuto i bu ’ya na kwe;

Saumajin 105:14

a Ŋun gwe a ko rukökin lele ŋuto i ru ’ya na se, a nye riŋge moran kogwon kulya kase,

Yona 3:4

A Yona suluje lupö i nu köji lukata, a iŋge wörö lor geleŋ. A nye laije adi, Yoŋgi perok merya iŋwan, a Ninewe mo söpuköni söpukö!

Kenet 22:9

A ŋun poŋdi ko Balam ni a pipije lepeŋ adi, Kulo ŋutu a ko ga logon gwon ko do kulo?

Matayo 1:20

a na yeyeji lepeŋ kine kulya nu, mete, a malaikatat lo MATAT puköki ko lepeŋ i rudwe kulya adi, Yosepa ŋuro lo Dawidi, ko kujono i joŋga na Maria a nakwan inot, kogwon ŋilo ŋo logon a topikaki lepeŋ lo a lo Mulökötyo Loke.

Matayo 27:19

A na si ’dari Pilato i si ’daet ’dupet na putet nu, a nakwan nanyit sunyukiŋdye lepeŋ kutuk adi, Ti kulya kunök gwe ’bayin ko ŋilo ŋuto lo ’bak kulya, kogwon i lo lor nan a poŋga po jore i rudwe i kulya ti lepeŋ.