Suluet 12:3 - Bibilia Buk na Ŋun nagon koti luŋu a

³ A nan mo ’boroji Ŋutu logon ’boroja do kilo, a nan mo lömbi nye logon lömbu do lo; a kötumitön liŋ ti kak mo mo ’yi nan i ’boroja na se gwoso na ’boroji nan do na.

Suluet 12:3 ပူးပေါင်းရင်းမြစ်များ

Suluet 18:18

Abarayama ’diri mo wora a jur duma lo riŋit, a gweyajin liŋ ti Ŋutu ti kak mo mo ’yi nan i ’boroja na se gwoso na ’boroji nan nye na.

Suluet 18:19

Kogwon nan a wulun lepeŋ, anyen nye ködyo saŋu ŋwajik kanyit ko Ŋutu ti mede nanyit lo gwon kanyit i mukök kilo, anyen se ködyo kebbu kiko liŋ lo MATAT i koŋdya na kulya na rigwo ko i ’duŋgö na kulya gwogwo; anyen nan MATAT böŋö jakiŋdya Abarayama ŋo nagon nan a milyekin lepeŋ kune.

Suluet 22:18

a gweyajin lio ti Ŋutu ti kak mo, mo ’yi nan i ’boroja na se gwoso na ’boroji nan nyakwariat kulök na; kogwon do a yiŋga gworo lio.

Suluet 24:35

MATAT aje ’boroja monye lio parik, a nye iŋge wora a kwörinit; a nye iŋge tiŋdu lepeŋ yidin ko kisuk, ko pödö, ko dakap, ko kölipönök lulyan ko nawate, ko kami lojin, se ko kaineki.

Suluet 25:11

A i mukök na twaji Abarayama nu, a Ŋun ’boroji Yisaka ŋuro lonyit, a Yisaka si ’dani nyona ko Ber-lakai-roi.

Suluet 26:29

adi, do mo ti konakin yi arabat gwoso nagon yi a ko ’bo ’yu do na, yi a ko konakiŋdya do nene ŋo, ama tuŋ yi a konakiŋdya do ŋo na ’but, a yiŋ ŋge soŋdu do ko taliŋ. Nyena soŋinana do a ŋuto logon MATAT aje ’boro lo.

Suluet 26:4

A nan mo tuŋdije nyakwariat kulök gwoso kaser ti ki, a mo tiŋdi nyakwariat kulok kilo jurön liŋ; nyena a gweyajin liŋti kak mo mo ’yi nan i ’boroja na se gwoso na ’boroji nan nyakwariat kulok na.

Suluet 27:29

Ti gweyajin ti Ŋutu kitakiŋdye do, ti jurön dulakine kak konut i komor.Ti do gwe a duma lo luŋösurök, ti ŋwajik ti ŋuti dulakine kak konut i komor. Ti Ŋutu lio lo lömbu do kulo lömöni lömö, ti Ŋutu lio lo ’boroja do kulo ’boriani ’boria!

Suluet 28:14

a nyakwariat kulök mo gwe jore gwoso ŋutu na kak, a do mo baranyaddi kaŋo tojo i tokotyaŋ, ko i ’yure, ko i lobot, ko i loki; a kötumitön liŋ ti kak mo mo ’yi nan i ’boroja na se gwoso na ’boroji nan do se ko nyakwariat kulök na.

Suluet 30:27

a Labana kulyani ko lepeŋ adi, Böŋö yiŋge kiyaŋ. Nan a katimba i kweyesi ti mian adi MATAT aje ’boroja nan kogwon kulya kunök;

Suluet 30:30

Kogwon do köjugwon ko toro ’bo ku ’dik a kokwe napo nio, ama se aje ŋdi jore parik; MATAT aje ’boroja do i piritön liŋ na yuggi nan kune. Soŋinana nan mo ko tunyeju ’baŋ nio nanu?

Suluet 39:5

A ko gwe sona, suluja i diŋit na tiki ’e lepeŋ a kametanit lo mede nanyit nu, ko lo ŋo liŋ na gwon kanyit kune, a MATAT ’boroji mede na Ejipetotyo lo kogwon kulya ti Yosepa; a MATAT ’boroji ŋo liŋ na gwon ko lepeŋ kine, i mede ko i melesen.

Saumajin 72:17

Ti karin kanyit yeŋoro ŋupi, ti karin kanyit yeŋoro na gwondi kolor nu! Ti ŋutu mo ’yi Ŋun anyen ’boroja se gwoso na ’boroji Ŋun mor na, ti jurön liŋ luŋgi lepeŋ a kalyöpönit!

Yuörö 23:22

Ama ko ta yiyiŋ kulyaesi kanyit ’bura, a ta koŋdi ŋo liŋ na jam nan kine, nyena a nan mo gwe a miriku lo merok kasu, a pisani ko Ŋutu logon ŋisa ko ta kilo.

Kenet 24:9

Nye a rupakiŋdya kak, nye a piriki kak gwoso kömiru, iŋkoi gwoso kömiru nanakwan; ŋa logon totoŋi lepeŋ? Ŋutu liŋ lo ’boroja kötumit inot kulo mo ’bo ’boria, a ŋutu liŋ lo lömbu kötumit inot kulo mo lömöni lömö.

Matayo 25:40

A nan Mor mo waddi adi, ’Diri nan takiŋdya ta adi, gwoso nagon ta a konakiŋdye ma ’di lele geleŋ lo ’dit lo kilo luŋasirik kwe, kweja adi ta a konakiŋdya nan.

Matayo 25:45

A nan mo waddi se adi, ’Diri nan takiŋdya ta adi, gwoso nagon ta a ko konakiŋdya ma ’di lele lo ’dit lo kilo ŋutu, kweja adi ta a ko konakiŋdya nan.

Luka 24:27

Nyena a nye poki i tokurukiŋdyö na se kulya ti Ŋun liŋ na wurö i kulya kanyit, suluja i ŋo na wur Mose se ko nebijin liŋ.

Roma 4:11

Lepeŋ ko taweroni i mukök, a tawero nanyit gwe a kweyet nagon kweja adi, i diŋit nagon nye a ko nyuŋ tawero nu, Ŋun a ruk lepeŋ a lo rigwo kogwon yubbo nanyit. Nyena a lepeŋ gwe a merenye lo ŋutu liŋ logon a yubbö i diŋit nagon se a ko nyuŋ tawero nu, a Ŋun iŋge ruk se a lo rigwo.

1 Korinto 1:30

Ŋina a kita na Ŋun nagon ta gwon ko Kristo Yesu i mugun na. Ŋun a tiŋdu Kristo i gwon a koŋon nikao, nye a tiŋdu yi gwon rigwo kanyit i komor kogwon Kristo. Nye aje tiŋdu yi i gwon a Ŋutu kanyit loke, ko aje Iwoggu yi. Kine ŋo liŋ Ŋun a kon ko Kristo i mugun.

Galatia 3:16

Nyena ŋun a milyekiŋdyo tiŋöju Abarayama se ko nyakwari lonyit nene ŋo. Kulya ti Ŋun na wuro kune a ko tuggo adi milyeki Abarayama se ko nyakwariat kanyit kweja adi milyeki i ŋutu jore, ama a tuggo adi milyeki i nyakwari lonyit, kweja adi, a milyeki i ŋuto geleŋ logon a Kristo.

Galatia 3:28

Nyena ti ŋutu gwe ti jambu adi, Kulo a Yudayaki, kulo a ŋutu ti kulye juron, kulo a ’dupi, kulo a lui, kulo a ŋutu lyan kode kune a ŋutu wate; kogwon ta liŋ a mugun geleŋ ko Kristo Yesu i mugun.

Galatia 3:8

Kulya ti Ŋun na wurö kune deden ŋo ti ŋerot adi ŋun mo tetenakin ŋutu ti jufön rigwo kanyit i komor kogwon yubbo nase. Nyena a Loŋe Lo ’but köju iŋge tokuki Abarayama i kulya na wurö kune adi Ŋun a kulya adi, Gweyajin liŋ ti ŋutu mo ’bo ’boria kogwon kulya kunok.

Epeso 1:3

Ti Ŋun Monye Matat likaŋ Yesu Kristo purani pura! Lepeŋ aje ’boroja yi kayan i toilyet ko Kristo i mugun ko ’boriesi liŋ na po ki yu ko Mulokotyo Loke.

Kolosai 3:11

Nyena ko ŋina kwe tuka ’de gwe ’bayin i kiden na Giriki ko na Yudayaki, kode i kiden na ŋutu logon a tawero ko na logon a ko tawero, iŋkoi, lwaka ko ŋutu logon a ko todinö, ko ’dupi ko lui, liŋ gwon jojo, kweja adi Kristo lo gwon a ŋo liŋ, köti nye lo gwon i ŋo liŋ.

Kweyatti 7:9

A i mukök na ŋina, a nan meddi lodir lo ŋutu jore gwe nyu, logon lele ŋuto ti bulö keŋdya, logon ŋoŋdya i jurön liŋ, ko i kötumitön liŋ, ko i gweyajin liŋ, se ko i kutusen liŋ. Lepeŋat gwo ’dan i komor na ŋina si ’daet ko i komor na ŋilo Kilolor, lepeŋat a jupu boŋgwat nakwe, a gwe ko kenia ti kiat kase i könisi.