Saumajin 74:3 - Bibilia Buk na Ŋun nagon koti luŋu a

³ Wöröjine i rubajin nagon aje tukara asut kune. Merok aje köŋu ŋo liŋ i ŋirit nake na rurwan!

Saumajin 74:3 ပူးပေါင်းရင်းမြစ်များ

2 Moran 25:9

A nye ’yuŋe kadi na MATAT, ko kadi na mor, ko kadijik liŋ ti Yerusalema; iŋkoi, nye a ’yur kadijik dumalak liŋ.

Nemaya 1:3

A lepeŋat waddi adi, Pitono ti ŋutu logon a ko joŋa i to ’dupien lo gwon i modoria na Yuda yu kulu gwon i yöyöŋesi jore ko i lawe; koti a gorom na Yerusalema nagon a mariŋ iŋge turöki kak, a kotumiton kanyit iŋge nokan ko kimaŋ.

Nemaya 2:13

A nan iti kaŋo i tukwaje i kötumit na gorom nagon a mariŋ na köji, na diraddu i pirit na ’dir tojo ko kidi lo kitun duma, ko na diraddu i kötumit na mariŋ yeket na korodo na, a nan wöŋi gorom nagon a mariŋ na Yerusalema nagon a turö kak, ko kötumitön kanyit nagon a nokan ko kimaŋ.

Nemaya 2:3

A nan ruŋge adi, Si ’dani ŋupi pon mor! Nyo komor nio ködyö ti gwon a nayur? Komor nio a nayur kogwon köji nikaŋ nagon merenyejin kwe a nuka kata na aje körö, a kötumitön kanyit iŋge nokan ko kimaŋ.

Saumajin 44:23

Pon MATAT, purwene purwe, nyo do dodoto? ŋine ki, ko ŋaju yi asut.

Saumajin 44:26

Ŋine ki! Ŋaraki yi! Lwökundye yi kogwon kulya ti nyaŋu inot nagon ti ’duddyö kwöŋ!

Saumajin 79:1

Pon Ŋun, ŋutu ti jurön aje luŋe i jur ilot lomore; se aje toluddya kadi inot nake na rurwan; a se kölökindye Yerusalema i gwon a rubajin.

Yisaya 10:6

Nan a soŋdu lepeŋ i möro ko jur logon ti twoju nan Ŋun, a nan yökije lepeŋ i möro ko ŋutu logon nan wowori ko se kulo, adi, Ti nye ryakaddi ko ti riŋaddi tito kase, ko ti nye ryokaddi se kak gwoso wo ’do ’do ti kikolin.

Yisaya 25:10

Lo a MATAT; yi gwon i nyinyiggö na lepeŋ; ti yi lyölyöŋine ko nyonyola i lwökit nanyit.Kogwon MATAT mo tanyakiŋdya könin i lo mere, a Moaba mo ryokakine kak kanyit i pirit gwoso kudit na ryokaki kak i sudi lo woro.

Yisaya 61:4

A se nio nyöŋgi ’duggö murwöki ti ’beron kunu, a se mo ’bilikiŋdye piritön na kököro köju kiinu ki, a se mo teteŋdi köjinö nagon a murwöki, ko piritön na kökörö suluja i nyakwariat ti ’befon köju kulu.

Yeremia 52:13

A nye ’yuŋe kadi na MATAT, ko kadi na mor, ko kadijik liŋ ti Yerusalema ko kimaŋ; iŋkoi, nye a ’yur kadijik dumalak liŋ.

Delyasi 1:10

Merok aje riöddu könisi kase i ryaggu na ŋo liŋ nakwekwelen ti köji, iŋkoi, köji aje met ŋutu ti jurön lupö i pirit nake na rurwan, kilo a ŋutu ti jurön logon do MATAT a teŋ i lupö konut i mo-moret kulo.

Daniele 11:31

A kamörök lo sunyun lepeŋ kulu mo toluddye pirit nake na rurwan na gwon i mariŋ nago lukata nu, a mo joŋgi kaŋo rubaŋgajin lo ’yu ’yura ’buluŋ ti diŋitan liŋ. A lepeŋat molu togwi ’dikiŋdye ki ŋo na mamana parik nagon köŋu keri.

Daniele 9:17

Soŋinana pon Ŋun likaŋ, yiŋe kwakwasesi ko momolesi kwe nan köliŋönit ilot, nyena kogwon kulya kunök pon MATAT, ti komor inot gwe ŋa ko pirit inot nake na rurwan nagon a kölöki a murwö nu.

Daniele 9:27

A nye mo tetena-kiŋdye ŋutu jore tomoret nago i jima geleŋ; a i swöt lo jima a nye mo teŋgi wuki na rubaŋgajin se ko ’dokesi; a manet körit mo kepoddi kine kulya tojo ko diŋit a temakiŋdya nagon kulya narok mo ’bukökiŋdyö ko lore kakö-rönit loki.

Mika 1:3

Kogwon mete, MATAT lulupuŋdyö kaŋo kanyit i pirit; a nye poŋdi kak a wöröni i piritön nagon a ko ’dulan.

Mika 3:12

Nyena kogwon kulya kasu, Siona mo kukuru gwoso melesen; a Yerusalema mo worani a sudiet ti rubajin, a mere logon kadi na MATAT gwon kata lo mo worani a rudu.

Marako 11:17

A lepeŋ poki i todiŋdyo na lepeŋat adi, A wurö adi, Kadi nio mo luŋu a kadi kwakwaset a na gweyajin liŋ ti ŋutu. ’Bayin sona le? Ama ta aje kon nye a pirit ’danaet na karyakak.

Luka 21:24

a se mo tatuani tatua ko baŋdujin, a se mo momokajine i jurön liŋ a ’dupi, a Lwaka mo ryoggi Yerusalema, tojo ko diŋitan kase na wulwe a temakiŋdya.

Yosua 10:24

A ko gwe sona na joŋdi se kulu moran ko Yosua ni nu, a Yosua luŋgi ŋutu liŋ ti Yisaraele, a kulyani ko temejik ti ŋutu kamörök logon a tu ko lepeŋ i pirit na geleŋ kulo adi, ŋo ta nyona, ko ryoggi ta kilo moran i murutö ko mokosi kasu. A sepoŋdi nyona, a ryoggi murutö kase.

Kweyatti 11:2

Ama an do ko tem ’baŋ lo gwon kaŋo na kadi, kölöki kogwon a tiki ŋutu ti jurön, a se mo ryoryöggi Köji Nake ko yapala merya iŋwan wot murek.