Saumajin 72:4 - Bibilia Buk na Ŋun nagon koti luŋu a

⁴ Ti mor jundye ŋutet lo lomerika i kiden na ŋutu, ti nye lwöggi ŋutu lo yöŋö ŋo, ko ti nye rudakindye kak ŋutu kasasanyak!

Saumajin 72:4 ပူးပေါင်းရင်းမြစ်များ

Eyobo 19:2

Diŋit ŋoman nagon ta tomije nan, a kököröji nan ka ’de ka ’de ko kulyaesi?

Eyobo 34:24

Lepeŋ gwagwalak ŋutu ti riŋitön a gwe a ko galun kulya kase kaŋo, a toduma ’yi kulye ŋutu anyen ruddya piritön kase.

Saumajin 109:31

Kogwon nye gwo ’dan i jundyö na ŋutu lo yöŋö ŋo kulo, i lwökundyö na se i könisi ti ŋutu logon ’duŋökindyö se i tatua kulo.

Saumajin 2:9

Do de ’beleŋgu se ko ture logon a witi; do de gwagwalaggu se adi gwok gwoso sape logon a liŋo.

Saumajin 94:5

Se a mumuyugga ŋutu kulök ŋon MATAT, a se yöyöŋgi ŋutu kulök lomoriot.

Tolupesi 20:26

Mor lokoŋ seset ŋutu lorok, a tuwöröddi mok ti arabia ryokesi ti ’bolot kase loki.

Yisaya 11:4

ama a nye mo lilikiŋdye lomerika ko loti lo rigwo, a nye mo ’duŋokiŋdye ko tugwakan kogwon ŋutu lokoyokak ti kak; a nye mo gwuddye kak ko ture lo kutuk nanyit, a nye mo tatuje ŋutu lorok ko kobuŋot lo ŋedep lonyit.

Yisaya 42:1

Malo kölipönit liŋ, logon nan a tökökin ki, malo lo wulwe liŋ logon töili liŋ a lyöŋgi lo; nan aje tiŋdu Mulökötyo liŋ ko lepeŋ i mugun, a nye mo topukuŋdye ’duŋgö na rigwo i jurön.

Yisaya 42:3

a nye mo tine ’beleŋgu pa ’duŋilogon a ryoka, a mo tine tatuja kimaŋ i pata na lombo nagon nyore kana; a nye mo topukuŋdye ’duŋgö na rigwo ko to ’diri.

Yisaya 9:4

Kogwon do aje ’beleŋgu gwuluŋi lo soparikin lepeŋat, ko ture lo gwutörikin ki ’dirinö kase, ko puri lo kasasanyanit lose, gwoso i lor lo Midiyan köju nu.

Jakaria 11:11

A nye iŋge ’beleŋo i ŋilu lor, nyena a katujarak ti yidin logon meme-ddya nan kilo iŋge kurun adi ŋilo a kulyaet lo MATAT.

Jakaria 11:7

Nyena a nan nebi yukukiŋdye katu-jarak ti yidin nu teŋ na yidin nagon tata-tua. A nan ’dumuŋdye turya murek, a nan gwije lele a Töili lo ’but, a gwije lele a Katomoranit, a nan yuggi teŋ na yidin.

Matayo 11:5

adi ŋutu mo ’dokeno meddi meddya, ŋodeki wöröni wörö, ŋutu ti rimajin aje tokela, miŋeki yiŋge yioga, ŋutu lo twatwa aje toŋiyu i twan, ŋutu lomerika aje tokuki Loŋe Lo ’but.

Kweyatti 18:20

Do ki, lyöŋi lyöŋön, ta ŋutu ti Ŋun, ko ta luyökie, se ko ta nebijin, lyoŋi ta lyöŋön i kulya kanyit, kogwon Ŋun aje ’duŋökiŋdyö lepeŋ putet arabat i kulya kasu!

Kweyatti 18:24

Kine kulya ŋokin sona kogwon rima ti nebijin, ko ti ŋutu ti Ŋun, se ko ti ŋutu liŋ lo tatua i kak ni kulo iŋge rye i lukata na ŋina köji.

Kweyatti 19:2

Kogwon lepeŋ ’duŋgö putesi a gwak ko torigwo. Lepeŋ a ’duŋgö putet lo kawute nagon wutön parik nagon a köŋu kak ko towutön nanyit, a lepeŋ iŋge ropakiŋdya rima ti köliŋönök kanyit ko ŋina kawute i kwe.