Saumajin 72:12 - Bibilia Buk na Ŋun nagon koti luŋu a

¹² Kogwon nye lwölwöggu ŋuto logon ko yöŋö na ŋo i diŋit nagon nye gwigwien nu, se ko ŋuto lomeri logon ’bak kaparanit.

Saumajin 72:12 ပူးပေါင်းရင်းမြစ်များ

2 Samuele 14:16

Kode ŋona mor de yiyiŋ, anyen lwökuŋdyö nan i könisi ti ŋuto logon de tutukar nan se ko ŋuro liŋ ’bukuluŋ i lomore nagon ŋun a tin yi na.

Eyobo 29:12

adi, nan a lwöggu ŋutu lomerika lo gwien paraki, se ko kikijikö logon ’bak kaparak.

Eyobo 36:15

A nye lwöggi ŋutu lo sasanya i sasanyesi nagon tiŋdu se i lwökö, a nye tojumbi se ko popesi.

Saumajin 10:17

Pon MATAT, do de yiyiŋ ’dekesi ti ŋutu lo sasanya kulo; do de totogwo ’ya töilyet kase, do de yiyiŋ ko swö kulök

Saumajin 102:17

Nye yiyiŋ momolesi ti ŋutu likisojin, a tine laundya kwakwasesi kase.

Saumajin 102:20

i yiŋga na wiwinyesi ti ŋutu lo rereka kulo, i lakundya na ŋutu logon a ’duŋöki i tatua kulo.

Saumajin 55:17

Nan wiwinya, a nan gwine gwien i ko ’bure, ko i tuparan kiden, ko i tukwa, je, a nye yiŋge gworo lio.

Saumajin 72:4

Ti mor jundye ŋutet lo lomerika i kiden na ŋutu, ti nye lwöggi ŋutu lo yöŋö ŋo, ko ti nye rudakindye kak ŋutu kasasanyak!

Tolupesi 29:7

Ŋuto lo rigwo yeye putet lo lomeri; ama ŋuto loron ti kurun yeyeesi gwoso kine.

Katokuönit 4:1

Köti a nan iŋge met konesirudesi liŋ nagon a kitarikin i kak ni. A nan meddi politan ti ŋutu lo ruda, logon ’bak kasukak! Riŋit gwon ko karudak i swot, kudyakan a kasukak ti ŋutu lo ruda gwe ’bayin.

Yisaya 41:17

ŋutu lomerika ko logon yöŋö go kulo galaddu pioŋ, a gwe ’bayin, a ŋedepa kase lilike lilik ko kure, a nan MATAT mo ruŋge lepeŋat, a nan Ŋun lo Yisaraele mo tine kö ’yu se.

Luka 4:18

Mulökötyo lo MATAT gwon koyo loki, kogwon nye aje welakin nan i tokukiŋdyo na lore lo ’but i ŋutu lomerika, nye aje son nan i laikiŋdya na ŋutu lo rereka i yukwe nase, ko i laikiŋdya na ŋutu mo ’dokeno adi se mo memeddya ko i köloddu na ŋutu lo ruda kulo a lui,

Luka 7:22

A nye waddi nutu lo sunyue kulo adi, Iti ta, ko taki ta Yoane no na met ta ko na yin ta kine, adi nutu mo ’dokeno meddi meddya, nodeki woroni woro, nutu ti rimajin aje tokela, mineki yinge yinga, nutu lo twatwa aje toniyu i twan, nutu lomerika aje tokuki Loŋe Lo ’but;

2 Korinto 8:9

Kogwon ta a den ’busan na nyaŋu na Matat likaŋ Yesu Kristo, adi na gwoŋdi lepeŋ a kwörinit nu, a nye koŋdi mugun a lomeri kogwon kulya kasu, anyen ta böŋö wora a kwörinikö kogwon tolomerian nanyit.

Ebere 7:25

Ko ŋina kwe lepeŋ köti bubulo Iwoggu asut ŋutu logon mijun nyona ko Ŋun ni kulo kanyit i mugun, kogwon lepeŋ yeyeŋon opi i momo ’yu na Ŋun kogwon kulya kase.

1 Samuele 22:2

A ŋutu geleŋ geleŋ logon gwon ko sasanyesi kase, ko se liŋ logon pipikö ko möriöt, se ko kulye liŋ logon a ko lyöŋön ko gwiliŋit lose kulo momoraddi ko lepeŋ yu, gwoso ŋutu miajin iŋwan. A nye gwe a duma lose.