Saumajin 71:9 - Bibilia Buk na Ŋun nagon koti luŋu a

⁹ An do ko rikorö nan kaŋo i diŋit na tomodoŋan nio; an do ko ko ’yu nan i diŋit nagon riŋit nio roroggi rorogga.

Saumajin 71:9 ပူးပေါင်းရင်းမြစ်များ

2 Samuele 19:35

Nan sopinana gwe ko kipajin merya budök tojo ko lo lor; nan ŋona nyuŋ kukurun ko po na ’but ko ŋo narok le? Nan köliŋönit ilot ŋona bubulö ’de ’deŋdya ko nan nyesu nyo kode ko nan möju nyo le? Nan ŋona nyuŋ yiyiŋ gworolo ti kayolok lyan ko wate le? Nyo nagon nan köliŋönit ilot de ’yalakiŋdya do nene tupömöni na kulya pon mor duma liŋ?

Saumajin 71:18

Pon Ŋun, an do ko kölökin nan ma ’di tojo ko nan gwe a modoŋ a kupir kwe iŋge kwekweja; an do ko kölökin nan teŋ ko nan a tuköddu riŋit inot ko toduma-lan inot tojo ko nyakwariat logon mo ŋoŋo kulu.

Saumajin 73:26

Riŋit na mugun nio ko na töili lio ’ba ’baka; ama Ŋun a lurutat lo töili lio, ko a koret nio na wulwe ŋupi ŋupi.

Saumajin 90:10

Yi tuŋ gwon jörun ko kiŋajin merya buryo, kode ŋona kiŋajin merya budök a ŋuto gwe a iŋgo; kölumbö kilo kiŋajin jakindya yi tuŋ delyaesi ko sasanyesi, lepeŋat ’ba ’bakaara ’de ’de, a yi gwe ’bayin.

Yisaya 46:4

nye lo tojo ko tomodoŋan nasu, a nan mo ’depaddi ta tojo ko kwekweja na kupir kasu. Nan logon a gweja ta, a nan mo ’dokoddi ta; a nan mo ’debbi ta a mo lwöŋgi ta.

2 Timoteo 1:12

a nan iŋge ŋoŋga ko ŋina kwe. Ama kwe nio ti yu, kogwon nan deden nye logon nan yuyuŋ lo, a nan iŋge den ’bura adi nye bubulo tiju ŋo nagon nan a yinikin lepeŋ kune tojo ko ŋilu lor lo ’dutet.

2 Timoteo 4:18

Matat mo lwölwökun nan kaŋo i ŋo liŋ narok, a joŋgi nan ’bura i tumatyan na ki. Ti bulet gwe kanyit ŋupi ŋupi. Amin.