MATAT a lurutat lio, ko a mariŋ nio nago, ko a kalwökönit lio, nye a Ŋun lio, ko a lurutat lio logon nan a ’danari lo, nye a ’buku gayet nio, ko a riŋit lwökit nio, nye a ŋirit nio nago.
A kirut nan de iti tojo ko ŋirit ’yuret na rubaŋgajin kulök ŋon ŋun, iŋkoi, nan de tu konut do Ŋun logon nan lyölyöŋgi parik lo; a nan de pupurje do ju ’yö tom ŋon Ŋun, do ŋun lio.
Ŋa logon kasu kiden logon kukuk MATAT, a yiŋge gworo lo kölipönit lonyit? Ŋilo ŋuto wöwörö i mudwe a tine gwon ko parara, ama a nye yinikiŋdye karin ti MATAT a tökökiŋdye mugun i Ŋun lonyit.
Pon MATAT, do deden kine kulya; yeyene yeye nan, poŋdi köyö ni, ropakiŋdye ŋutu logon sasaŋdu nan kilo. Böŋö yatakiŋdye nan, an do ko joŋ nan kaŋo, yeyene yeye ’dö ’döyö nio i kulya kunök.
Ama MATAT gwon köyö gwoso ŋuto wa logon kukujönörikin; nyenaŋon kasasanyak kwe mo kököpukö, lepeŋat mo ti te nan. A lepeŋat mo yune yu kusik parik kogwon se mo ti jukin te ’ya. Lepeŋat mo lalawe parik kogwon se a ko te ’ya, a se mo wuji yu na kwe naŋon ŋutu mo ti boŋori asut.
Nan aje yiŋ Epuraima i delya adi, Do aje tojumbu nan gwoso tagwok nagon a ko diniki toraki gwuluŋi i murut, a do iŋge gwut nan.Nyökörö nan bot, ti nan böŋö yitöni, kogwon do a MATAT Ŋun lio.
A nan kwakwaddi MATAT Ŋun lio, a nan tuŋge toronjin adi, Pon MATAT, Ŋun duma lo kukujönorikin, logon ’debba tomoret inot ko nyaŋu inot nagon ti ’duddyö kwöŋ i kilo logon nyanyar do ko ’de ’dep saresi kulök,
A pirit na ’dir na merya kanyit ti MATAT mo yiköni yiko, kogwon nu pirit na ’dir na merya mo yeŋga tojo Asela; a ta mo wöki gwoso na woggiri ta i rigirigi lo pokin i perok ti Ujiya mor lo Yuda lu. A MATAT ŋun lio mo poŋdi po se ko ŋutu loke liŋ ko lepeŋ i pirit na geleŋ.
Nyenagon ti se logon a ŋoŋgo gwoso na ’deggi Ŋun na, ti se yeŋe koŋdya ’bura, ko ti se yinikiŋdye ’börik i Ka gweyanit lose logon jojo yiniki ti Iöpuggö lo.