Saumajin 69:13 - Bibilia Buk na Ŋun nagon koti luŋu a

¹³ Ama ko gwe gwoso nan, nan momo ’yu do ŋon MATAT. Pon ŋun, ruŋge nan i diŋit nagon do a wulun, kogwon nyaŋu inot nagon ti ’duddyo kwöŋ na, kogwon do ’diri a kalwökönit.

Saumajin 69:13 ပူးပေါင်းရင်းမြစ်များ

Suluet 24:27

adi, Ti MATAT ŋun lo monye lio Abarayama purani ŋura, logon a ko kö ’yu ’busan na nyaŋu nanyit se ko to ’diri nanyit tojo i monye lio. Ama ko gwe gwoso nan, MATAT aje nyömue nan i kiko tojo ko luŋasirik ti monye lio mede.

Esetere 5:2

A nye ko meddi mor Esetere gwogwo ’dan kanyit i ’baŋ a lyöŋi lyöŋön ko lepeŋ, a yuddye lepeŋ ko ture lonyit lo dakaŋ lo gwon kanyit i könin lo. A kirut Esetere miju mijun, a ’bo ’yi kwe na ŋilu ture.

Esetere 5:6

A nagon se möji binyo nu, a mor pipije Esetere adi, Do yöŋö nyo? Nan de bubulö tiŋdu do. Do ’dek nyo? Nan de bubulö rukökiŋdyö do ma ’di swöt lo tumatyan nio.

Esetere 7:2

A i lor tomurek lonyit, nagon se möji binyo nu, a mor nyöggi pija Esetere adi, Do yöŋö nyo pon mor Esetere? Nan de bubulö tiŋdu do. Do ’dek nyo? Nan de bubulö rukökiŋdyö do ma ’di swöt lo tumatyan nio.

Saumajin 32:6

Nyena kogwon kine kulya, ti ŋutu katwöyök ti ŋun liŋ geleŋ geleŋ momo ’yi do i diŋit nagusu; iŋkoi, i diŋit nagon karya dumalak a barandu se mo ti muluja lepeŋat.

Saumajin 51:1

Pon Ŋun, won konyen ko nan gwoso i nyaŋu inot nagon ti ’duddyö kwöŋ na; bubuddye toronjin nagon nan kon aka kune, gwoso i tojore na yatesi kunök.

Saumajin 91:15

Nye mo luluŋgu nan, nyena a nan mo ruŋge lepeŋ; nan mo gwon ko lepeŋ i ŋirit na geleŋ i diŋit nagusu, nan mo lwökundyö lepeŋ, a nan mo tindi lepeŋ i bula.

Saumajin 98:3

Nye aje yeyeju nyaŋu nanyit nagon ti ’duddyö na ko kulya kanyit ti to ’diri i kötumit na Yisaraele. ŋutu logon si ’da i ’dutesi liŋ ti kak kulo aje meddya ŋun likaŋ i te ’ya.

Yisaya 49:8

MATAT lo kulya sona adi, Nan a ruggö do i diŋit na ’but, a nan garakiŋdye do i lor lwökit. Nan aje ’debba do ko a tiŋdu do i gwon a katomoranit lo ŋutu, i teteŋdya na kulya ti jur, i korakiŋdya na ŋutu rutat nagon a kölöki a rubajin;

Yisaya 55:6

Gale ta MATAT nagon nye nyuŋ ryerye na, luŋgi ta lepeŋ nagon nye nyuŋ gwon nyona;

Delyasi 3:63

Lepeŋat yolo ’do ’doju nan kode se sisi ’da kode ŋien ki.

Mika 7:20

A do mo kwekiŋdye kotumit na Yakobo to ’diri, iŋkoi, do kwekiŋdya nyaŋu inot nagon ti ’duddyo kwoŋ na i kotumit na Abarayama, gwoso na milyekiŋdye do merenye-jin kaŋ i perok ti koju kulu.

Luka 1:72

Lepeŋ koti koju a kulya adi nye mo wowon konyen ko merenye-jin kaŋ, a nye mo yeyeji tomoret nanyit nake ko ŋutu kanyit.

Luka 22:44

a nye ŋoŋgi ŋoŋga i töili a momo ’yi ko pusök, a ŋiŋiresi kanyit ’do ’done kak gwoso rima na ’don.]

2 Korinto 6:2

Kogwon Ŋun a kulya adi, Nan a yiŋ do i diŋit na ’but, a nan parakiŋdye do i lor lwökit. Mete ta, soŋinana a diŋit na ’but; iŋkoi, soŋinana a lor lwökit.

Ebere 5:7

I diŋit na gwoŋdi Yesu a ŋuto nu, nye a momo ’yu ko a gwien parik ko Ŋun ko ŋolitan, kogwon Ŋun ko riŋit i lwöggu na lepeŋ i twan. A Ŋun iŋge yiŋ lepeŋ kogwon Yesu a kugga nye.

1 Petero 2:23

Ko ŋutu a moru lepeŋ a nye tine ropakiŋdya moru; na ŋoŋgi nye nu, a nye gwe a ko tokujoŋdu ŋutu, ama a nye yinikiŋdye mugun ko lepeŋ logon lilija kulya rigwo lo.

1 Samuele 25:8

Ti do böŋo pije teton kulok kilo, se de tatakin do sona. Nyenagon won konyen ko kilo teton kwe; kogwon yi a ’durökin i lor lo rorwe. Böŋö ti do tiŋdi kilo köliŋönök kulök se ko nan ŋuro ilot Dawidi ŋo nagon kata konut i könin kine.