Saumajin 66:7 - Bibilia Buk na Ŋun nagon koti luŋu a

⁷ Nye tutumatyan ŋupi kogwon riŋit nanyit, konyen kanyit memeddya jurön. Ti ŋutu karenyak gwe ti ŋikin ki i lepeŋ!

Saumajin 66:7 ပူးပေါင်းရင်းမြစ်များ

2 Dekat 16:9

Kogwon konyen kanyit woŋu swötön liŋ ti kak anyen kwekiŋdya riŋit nanyit i parakiŋdya na ŋutu logon toilyet kase twoju lepeŋ kulo. Do aje koŋdya na ŋo ko tu ’böŋön; nyena suluja soŋinana tojo ko ŋerot do mo gwon ko moro.

Eyobo 9:4

Ŋun a lokoŋ i toili, a gwe ko riŋit duma parik; lon ŋuto logon a togulukiŋdyö mugun i rerenya ko lepeŋ a iŋge te ’ya?

Saumajin 11:4

MATAT gwon i kadi nanyit nake, MATAT si ’da i si ’daet nanyit na gwon ki yu; konyen kanyit memeddya ŋutu, lepeŋ gwulu ’ya kulya kase.

Saumajin 140:8

Pon MATAT, ko tindu ŋutu lorok ŋo nagon se ’de ’dekan kune; ko tin mwön nase i ’yaladdu ŋerot.

Saumajin 145:13

Tumatyan inot gwon a tumatyan na yeŋ nyin, tomiriön inot yeyeŋon i nyakwariat liŋ. MATAT yiyiniki i kondya na ŋo liŋ na kulyari lepeŋ kune, ko a lo ’but i konesi kanyit liŋ.

Saumajin 33:13

MATAT a ku ’dilundyö kak ki yu i meddya na ŋutu liŋ;

Saumajin 62:11

Nan a yiŋ Ŋun i kulya daŋ geleŋ ko daŋ tomurek adi, Riŋit gwon köyö nan Ŋun;

Saumajin 75:6

Kogwon kulya na ’dukukindyö ŋutu ki kune tine ŋo i swöt lo ’yure, kode i swöt lo tokotyaŋ, kode i swöt lo loki.

Yuörö 18:11

Sopinana nan a kurun adi MATAT a duma lwölwöŋ punyen liŋ, kogwon nye a lwökuŋdyö Ŋutu kulo kapo ko riŋit i könisi ti Ŋutu ti Ejipeto na konakiŋdye se lepeŋat ko tukapan nu.

Daniele 4:34

A ko diŋit aje temakiŋdya, a nan Nebukadanesar ’bi ’ye konyen kwe ki, a yeyeesi kwe iŋge yitwe a na ’but, a nan bu ’ye Katoŋanit lo ki lio, a pupurje a twoji lepeŋ lo yeyeŋon ŋupi ŋupi lo adi, Tomoran nanyit a tomoran na gwogwolor ŋupi. tumatyan nanyit yeŋon i nyakwa-riat liŋ;

Daniele 4:35

a ŋutu liŋ ti kak kenani a ŋo kana; a lepeŋ koŋdi gwoso nagon toili lonyit a ’deggi i kurumi na ki se ko i kiden na ŋutu ti kak; lele ŋuto ’bayin logon bubulo teŋgu könin lonyit kode pija lepeŋ adi, Do koŋdya nyo?

Matayo 28:18

A Yesu miju nyona, a kulyani ko se adi, Kido liŋ ki yu ko kak ni aje tiki nan.

Matayo 6:13

An do ko tikin yi i tema, ama lwöki yi i ŋilo loron.