Saumajin 5:2 - Bibilia Buk na Ŋun nagon koti luŋu a

² Pon mor lio, Ŋun lio, yiŋge gwien nio boŋo, nan mo ’yu do i ŋarakindya na nan.

Saumajin 5:2 ပူးပေါင်းရင်းမြစ်များ

1 Moran 8:28

Kölumbö pon MATAT Ŋun lio, yiŋge kwakwasesi ko momolesi kwe nan köliŋönit ilot; yiŋge gwien nio ko momolesi nagon nan köliŋönit ilot kwakwaddi konut i komor i lo lor kune.

Saumajin 10:16

MATAT gwon a mor ŋupi ŋupi; a jurön twatwane twatwa kanyit i kak.

Saumajin 145:1

Nan yuöggu do ŋon Ŋun lio ko a mor lio, a nan pupurje karin kunök ŋupi ŋupi.

Saumajin 3:4

Nan a gwien ko MATAT ko gworo lio, a nye ruŋge nan i mere lonyit loke yu.

Saumajin 44:4

Do a mor lio ko a Ŋun lio; do sarakindya yi logon a kötumit na Yakobo riŋit telet.

Saumajin 65:2

kogwon do yiyiŋ kwasesi. ŋutu liŋ mo ŋoŋo konut ni

Saumajin 74:12

Do Ŋun gwon a mor lio suluja ’beron, do kokondya lwökisi i kiden na na kak.

Saumajin 84:3

Ma ’di liliitan a ryökindyö ’börik kadijik, ko lopiretan a pukindyö ’börik kadijik nagon se muji torela kase, nyona ko piritön kunök ’yuresi ti ru-baŋgajin ŋon MATAT lo kurumi, do a mor lio ko a Ŋun lio.

Yisaya 33:22

Kogwon MATAT a ka ’duŋönit likaŋ, MATAT a kasaranit likaŋ, MATAT a mor likaŋ; nye mo lwöŋgu yi.

Delyasi 3:56

a do iŋge yiŋ nan i gwien; boŋo an do ko ’dija swo kulok i diŋit nagon nan gwi paraki na.