Saumajin 26:3 - Bibilia Buk na Ŋun nagon koti luŋu a

³ Kogwon nyaŋu inot nagon ti ’duddyö kwöŋ na gwon köyö i komor, a nan wöröni i kulya kunök ti to ’diri.

Saumajin 26:3 ပူးပေါင်းရင်းမြစ်များ

2 Moran 20:3

Pon MATAT, böŋö yiyiuŋdye sopinana ko nan a wörö konut i komor ada ko to ’diri se ko töili liŋ, nan aje koŋdya ŋo nagon a na ’but konut i komor. A Kijikia gwine gwien parik.

Saumajin 101:2

Nan kebbu kiko logon ’bak yuyuket. Do mo ko ŋo köyö ni nanu? Nan wöwörö köyö kadi lukata ko töili loke.

Saumajin 119:142

Kulya kunök na rigwo gwon rigwo ŋupi, a saresi kulök gwe ko to ’diri.

Saumajin 25:5

Nyömöddi nan i kulya kunök ti to ’diri, ko todindye nan; kogwon do a Ŋun kalwökönit lio; tuparan liŋ nan nyiggö do.

Saumajin 52:1

Do ŋuto wa, ko nyo do bu ’ya mugun i ŋo nagon do ’dek mwön? Nyaŋu na Ŋun yeyeŋon ŋupi.

Saumajin 86:11

Pon MATAT, todinikindye nan kiko ilot; anyen nan wöwöröri i kulya kunök ti to ’diri; tunakindye töili lio i kugga na karin kunök.

Yisaya 2:5

Ta kotumit na Yakobo, po ta, ti yi woroni ta i parara na MATAT.

Yisaya 8:20

Tirikuni ta i yiŋga na saresi ko todinesi! A se ’diri jambi gwoso i lo kulyaet, logon baŋun nanyit na kak gwe ’bayin.

Luka 6:36

Wone ta konyen ko nutu gwoso nagon Monye losu wowon konyen na.

Yoane 14:6

A Yesu waddi lepeŋ adi, Nan logon a kiko, ko a to ’diri, ko a ru. Ŋuto ’bayin lo tu ko Baba yu ake ko nye tiri köyo.

2 Korinto 3:18

Nyena yi liŋ komorsikan a ko mukö, yi liŋ mokuŋdya minyo lo Matat gwoso maŋöara, a yi toworani gwoso gwesin kanyit i minyo logon ’yaladdu ŋerot. ŋina a kita na Matat logon a ŋilo Mulökötyo.

2 Korinto 8:9

Kogwon ta a den ’busan na nyaŋu na Matat likaŋ Yesu Kristo, adi na gwoŋdi lepeŋ a kwörinit nu, a nye koŋdi mugun a lomeri kogwon kulya kasu, anyen ta böŋö wora a kwörinikö kogwon tolomerian nanyit.

Epeso 4:32

Gwe ta a lo ’but ko ’börik, ko i won konyen ko ’börik, ko i topitökin ko ’börik gwoso nagon Ŋun köti a pitökiŋdye ta ko Kristo i mugun na.

1 Yoane 1:7

Ama koyi wöro i parara gwoso na gwoŋdi nye i parara na, a yi tojuline ko ’börik, a rima ti Yesu Ŋuro lonyit lalaji yi i toronjin liŋ.

2 Yoane 1:4

Nan a lyoŋon parik i ryeju na kulye ŋwajik kulok logon gwolor i kulya ti to ’diri, gwoso nagon Ŋun Monye a sarakiŋdye yi na.

3 Yoane 1:11

Ju lio lo nyanyara, an do ko mirakiŋdya no nagon a narok kine, kolumbo mirakiŋdye ŋo nagon a na ’but. Nye logon koŋdya ŋo na ’but lo a lo Ŋun, ama nye logon koŋdya ŋo narok lo lepeŋ kwoŋ a ko met Ŋun.