Saumajin 146:4 - Bibilia Buk na Ŋun nagon koti luŋu a

⁴ Ko lepeŋat a duwundya, a se yitöni i liŋo; i ŋilu lor gwak a ŋo na yeye se kune ’bakani ’baka.

Saumajin 146:4 ပူးပေါင်းရင်းမြစ်များ

Katokuönit 12:7

a ŋutut yitöni i kujöŋ gwoso na gwondi se ’beron nu, a ködudwö yitöni ko ŋun monye tindu.

Saumajin 104:29

A nagon do ’de ’ya komor inot nu, a se gwe ko delya; do a luŋuru köbuŋöt lose bot, a se twatwane twatwa, a yitöni i liŋo.

Suluet 2:7

A MATAT Ŋun gweyuŋdye ŋuto i lipo na kak, a yukakiŋdye lepeŋ köbuŋöt lo ru kanyit i kume; aŋuto worani a ŋolo gwon jörun.

Suluet 3:19

Do mo nyesu kinyo ko ŋiŋiresi tojo do a yitö kak, kogwon do a ’dumwe kaŋo kanyit. Do a lipo, a do mo yitöni i lipo.

1 Korinto 2:6

Ama ’diri yi jamakiŋdya kopon i kayupök logon aje kuruŋdyo kulya kilo. Ama ŋina koŋon ’bayin a na na kak, kode a na kasarak ti na kak logon kakaran kilo.

Saumajin 33:10

MATAT a tindu jurön i dwanya kase i mwönyesi; nye a kondya yeyeesi ti ŋutu anyen ŋo a ŋo kana.

Eyobo 27:3

kutuk nio mo ti jambu kulya ’burönö, a ŋedep liŋ mo tine ’diŋdya kulya mumulukesi, temba na gwoŋdi ru nio kata na, yukan na Ŋun nyuŋ kata koyo i kume.

Eyobo 17:11

Perok kwe aje lwöpöddu, ŋo na yeye nan nagon töili liŋ ’de ’deggi kune aje körö.

Eyobo 14:21

A ŋwajik kanyit bulani bula a nye gwe a ko den bula nase; a se iŋge nyökwe kak, ama a nye gwe a ko met nyökwe nase kak.

Daniele 5:23

a do kölumbö bu ’ye mugun ko MATAT lo ki; a luŋgi tito ti kadi nanyit konut i komor, a do se ko kimak, ko wate kunök, se ko julin köliŋönök kunök möji binyo ko kine tito. A do bu ’ye ŋunyen logon a pödö, ko a dakap, ko a mölwö, ko a witi, ko a kaden, ko a ŋurupö; kilo ŋunyen ti bulö meddya ko ti yiŋga kode deŋdya, a do kölumbö tine bu ’ya Ŋun logon tiju ru inot ko kikolin kulök liŋ lo.

Delyasi 4:20

A se morgi ŋuto logon MATAT a welakin a mor lo kase i meyi, ŋilo ŋuto a ru nikaŋ. Ama yi aje yinikin ŋilo ŋuto adi lepeŋ kodyo lo muggö yi ko tolimot nanyit i kiden na juron.

Yisaya 2:22

Kölökiŋdye ta ŋutu logon köbuŋöt lose gwon kase i karorokan, kogwon ’bulit nase a nyo?

Saumajin 90:3

Do nyönyököddu ŋutu i liŋo, kulya adi, Ta ŋutu, yitöni ta bot, gwe ta a liŋo.

Eyobo 17:1

Nan rökti röktu, perok kwe ’bakani ’baka, dili nuket mömöŋdu nan.

Eyobo 14:10

Ama ŋuto twatwan, a gwe ’bak ’bulit; a ŋuto duwuŋdye duwuŋdya a ’dutet, nyena lepeŋ liya?

Suluet 6:17

Mete, nan mo jojon bar i kak i tukaŋu na ŋo liŋ lo gwon jörun i na kak kulo; a ŋo liŋ lo gwon i na kak kulo mo tatuani tatua.

Katokuönit 9:6

Nyaŋu nase, ko mandu nase se ko be ’ya nase aje ’beron kakaŋu, a se tine parundya nene ŋo asut i ŋo liŋ na kitarikin i kak ni kune.